Гэртээ хувцсаа хатаах нь эрүүл мэндэд ноцтой аюул учруулдаг болохыг мэргэжилтнүүд анхааруулж байна!

Бидний ихэнх нь хотод, хүн ам олноор суурьшсан газар амьдардаг ба амьдарч буй орон сууцнуудын хэв маяг, онцлогоос шалтгаалж гадаа талбайд хувцсаа хатаах боломжгүй байдаг. Үйлдвэрлэгчид бидэнд угаасан хувцсаа хатаах тавиур болон бусад зүйлийг санал болгож байгаа ч судлаачдын хийсэн судалгаанаас үзэхэд, гэртээ угаасан хувцсаа хатаах нь хүний эрүүл мэндэд ноцтой аюул учруулдаг болох нь тогтоогджээ. Судалгааны үр дүнгээс шалтгаалж эрдэмтэд болон дизайнерууд эрүүл мэндэд сөрөг нөлөөгүй хувцас хатаагчийг ирээдүйд зохион бүтээх биз ээ.

Ингээд та бүхэнд гэртээ угаасан хувцсаа хатаах нь эрүүл мэндэд хэрхэн сөргөөр нөлөөлдөг болохыг судалсан судалгааны үр дүнг танилцуулж байна.

Гэртээ угаасан хувцсаа хатаах эрүүл мэндэд яагаад ноцтой аюул учруулдаг вэ?

“Mackintosh Environmental Architecture Research Unit” гэх газрын хийсэн судалгаанаас үзэхэд, Глазго хотод амьдардаг хүмүүсийн 87% нь өвлийн улирал гэртээ хувцсаа хатаадаг болох нь тогтоогджээ. Бусад улс орны ард иргэд ч гэсэн хувцсаа гэртээ хатаадаг ба энэ нь эрүүл мэндэд сөрөг нөлөөтэй болохыг судлаач Розали Менон хэлж байна. Угаасан хувцсаа гэртээ хатаах нь агаарын чийгшлийг хэт их болгодог ба астма тусах, халуурах болон харшил өгөх зэргээр хүний эрүүл мэндэд сөргөөр нөлөөлдөг ажээ.

Нэмж хэлэхэд, угаасан хувцсаа гэртээ хатаах нь агаарт тоос шороо болон хөгц үүсэхэд нөлөөлнө. Судалгаанаас үзэхэд ихэнх хүмүүс угаасан хувцсаа хатаахдаа сэнс болон агааржуулалтын систем ашигладаггүй болох нь тогтоогдсон байна.

Нойтон хувцаснаас гарах чийг, агааргүйдэлт зэрэг нь эрүүл мэндэд сөрөг нөлөө үзүүлнэ. Тэр тусмаа зөөлөн даавуун материалтай хувцсыг гэртээ хатаах нь асуудлыг улам хурцадмал болгодог ба энэ төрлийн хувцас химийн хортой бодис ялгаруулдаг – хорт хавдар үүсгэгч гол хүчин зүйлсийн нэг.

Энэ асуудлыг хэрхэн шийдэх вэ?

Розали Менон болон түүний хамтрагч Коллин Портеуш нар судалгааны үр дүнгээс шалтгаалж угаасан хувцсыг хүний эрүүл мэндэд ноцтой аюул учруулахгүйгээр хэрхэн хатаах талаар хэд хэдэн аргуудыг санал болгож байна:

• Нойтон хувцсыг хатаахдаа хагас гэр дотор буюу тагтан дээр хатаах хэрэгтэй.
• Хэрэв танайх тагтгүй бол тавцан дээр хатааж болно. Ингэснээр нарны гэрэлд таны хувцас сайн хатах болно.
• Хэрэв та цаг агаарын халуун бас нартай бүсэд амьдардаг бол цонхноосоо унжуулж, угаасан хувцсаа хатаагаарай – гэхдээ танай гэрийн хэв маяг ингэх боломжтой нөхцөлд энэ аргыг ашиглах боломжтой гэдгийг санаарай.
• Хэрэв угаасан хувцсаа гадаа хатаах боломжгүй бол ус хатаагчийг ашиглаарай. Ус хатаагчийг хамгийн сайн агааржуулалттай өрөөнд байрлуулна – унтлагын болон зочдын өрөөнд тавьж болохгүй.

Бас нэгэн арга бол дээвэр дээр болон арын хашаандаа нойтон хувцсыг хатааж болно. Архитектур болон дизайнерууд ирээдүйд олон шинэ санааг дэвшүүлнэ гэдэгт итгэлтэй байна. Тэд магадгүй агааржуулалтын системийг шийдэхээс гадна хувцас хатаагч тусгай өрөө эсвэл автомат цахилгаан хэрэгслийг зохион бүтээхийг үгүйсгэхгүй юм.

Хэрэв та дээрх аргуудыг туршиж үзэх боломжгүй нөхцөлд байгаа бол хувцас хатаах өрөөнийхөө агааржуулалтыг сайн шийдэх хэрэгтэй. Цонхнуудаа онгойлгож, хоол хийх, хувцас угаах, шүршүүрт орох эсвэл аяга таваг угаагч ашиглахдаа сэнс хэрэглэж байгаарай. Агааржуулалтын системийн фильтр цэвэрхэн байх ёстойг санаарай. Ингэснээр цэвэр агаарыг гаргаж чадна. Дээрх аргууд таны гэрээс их хэмжээний чийгийг гаргаж авахад тусална.

Танд дээрх аргууд хэрэгцээтэй юм шиг санагдаж байна уу? Та угаасан хувцсаа хэрхэн хатаадаг вэ? Хариултаа сэтгэгдэл бичих хэсэг дээр үлдээнэ үү.

6

Гайхмаар

2

Гоё

2

Буруу

1

Тэнэглэл

1

Бахархмаар

1

Ха Ха

1

Харамсалтай

0

Хөөрхөн

Баярлалаа!