Стефен Көрри бол “NBA”-ийн супер одоор зогсохгүй, сайхан сэтгэлтэй нэгэн хэмээн түүнийг багийн дасгалжуулагч нь хэлсэн билээ. Тэгвэл энэ 7 хоногт Калифорнийн Напа дахь 9 настай бяцхан охин сагсан бөмбөгийн тамирчин руу захиа бичсэн байна – тэрээр “Under Armour” компанийн зүгээс гаргадаг Стефен Көрригийн нэрийн пүүзнээс өөртөө худалдаж авахыг хүссэн ч харамсалтай нь өөрт нь тохирох пүүз олдохгүй байгаа талаар захиандаа бичжээ. 9 настай Райлих “Curry 5” загварын пүүз зөвхөн хөвгүүд болон эрэгтэй хүмүүст зориулсан загвартай байгаагаас гадна түүний насны охидод таарах размер байхгүй талаар мөн бичсэн байна.
Энэ 7 хоногт “NBA”-ийн супер од Стефен Көрри 9 настай сагсан бөмбөг тоглодог бяцхан охиноос захиа хүлээн авчээ
Охин захиандаа сагсан бөмбөгийн тамирчны нэрийн пүүз өөрт нь тохирох размераар худалдаалагдахгүй байгаа талаар бичсэн байна
“Миний охины Стефен Көррид бичсэн захидал энэ байна. Түүний энэ хичээл зүтгэлээр би маш бахархаж байна.”
Райли Моррисоны аав охиныхоо бичсэн захиаг онлайнд байршуулахыг хүссэн бөгөөд захианд Райли болон түүний аав “Under Armour” компанийн гаргасан “Curry 5” пүүзийг зөвхөн хөвгүүд л өмсөх боломжтой байгаад маш их урам хугарч байгаагаа бичжээ. Түүнчлэн Райли “Би таныг өвсөр насны эмэгтэй тамирчдыг дэмжинэ гэдэгт итгэлтэй байна, учир нь та 2 охинтой шүү дээ. Мөн та охидын сагсан бөмбөгийн сургалт хийгээрэй.” гэж бичсэн байна. Нэмээд “Таныг Under Armour-той холбоо барьж энэ асуудлыг шийдвэрлэж өгнө гэдэгт итгэлтэй байна, би Curry 5 пүүзийг өмсөхийг үнэхээр хүсэж байна.” хэмээн захидалдаа бичжээ.
Бяцхан охины захидал эзэндээ хүрсэн бөгөөд төсөөлж байгаагүй хариуг хүлээн авчээ – Стефен Көрри түүнд хариу захидал бичиж, твиттер хуудсаараа дамжуулан бас жиргээд амжсан байна
Көрри хариу захидалдаа “Зөвхөн хөвгүүдэд зориулсан размераар энэ пүүзийг гаргасанд уучлаарай, бид энэ асуудлыг одоо шийдвэрлэх болно.” гэжээ. Үүгээр ч зогсохгүй “NBA”-ийн супер од Райлид “Curry 5” пүүзээ бэлэглэнэ гэдгээ амласан байна. Мөн ОУ-ын Эмэгтэйчүүдийн баяраар Көрри охиныг Оакланд хотод ирж хамтдаа энэ баярыг тэмдэглэхийг санал болгожээ.
Райлигийн аав Көррид охинд нь баяр хөөр бэлэглэсэнд талархалаа илэрхийлжээ
Энэ явдлаас хойш дээрх асуудлыг шийдвэрлэсэн бөгөөд “Under Armour” компани веб сайтдаа охидод зориулсан размераар уг пүүзийг худалдаалах болсноо зарласан юм.
Одоо “Curry 5” пүүзийг өсвөр насны охид худалдаж авах боломжтой болсон бөгөөд энэ үйл явдал нь олон хүүхдүүдэд өөртөө итгэх итгэл, боломжгүй зүйл гэж байдаггүй болохыг харуулсан сайхан үйл явдал болж өнгөрлөө хэмээн олон хүн ам сайтай байгаа ажээ.
Гайхмаар
Гоё
Бахархмаар
Ха Ха
Хөөрхөн
Харамсалтай
Тэнэглэл
Буруу
Bamaa Bat Ulzii
2018/12/05 at 14:14
Ene teneg 76 suraltsmaar yum