Үеэс үед бид ардын зүйр үг болох, аз жаргалтай амьдралын үндэс болсон: “Чимээгүй байх нь алтны дайтай үнэ цэнэтэй” гэх үгийг хэрэглэсээр ирсэн билээ. Заримдаа бид хичнээн их ярьж байгаагаа ч мэдэлгүй, нууцлах ёстой зүйлсээ бусдад хамаагүй ярьчихдаг. Ямар ч нөхцөлд бусдад хэлж болохгүй, нууц хэвээр нь үлдээх хэрэгтэй хэдэн зүйлийг танд анхааруулъя.
Хайр сэтгэлийн харилцаа
Гэр бүл болон хайр дурлалын харилцаа хосууд болон гэр бүлийн гишүүдийн дунд л үлдэх ёстой. Бидний зарим нь гэр бүлийн асуудлаа бусадтай ярилцах нь ичгэвтэр зүйл биш гэж үздэг. Хэдий тийм ч гэлээ, таны гэр бүл болон хайр дурлалын харилцааг сонсоод хүн бүр ойлгохгүй, харин ч бид хайр дурлал болон гэр бүлийн харилцааны үнэт зүйлийг үгүй хийж байна гэсэн үг.
Гэр бүлийн дунд өрнөж буй асуудлууд нууц хэвээр үлдэх ёстой бөгөөд хоорондоо яаж ч хэрэлдэж, маргалдаж байсан энэ талаар найз нөхдөдөө хэлэх хэрэггүй. Тэр ч бүү хэл та асуудалтай байгаа эсвэл та хоёр салах гэж байгаа тухайгаа бусдад хэлж болохгүй, ярихыг хүсэж байвал та зөвхөн хайртай хүнтэйгээ л энэ талаар ярих ёстой гэдгийг бүү мартаарай.
Эрүүл мэнд болон өвчин
Хүмүүсийн дунд болж өрнөдөг хамгийн түгээмэл ярианы сэдэв бол өвчин зовлон болон эрүүл мэндийн байдал байдаг. Эдгээр сэдвүүд чухал, сонирхол татахуйц мэт санагдаж байж болох ч таны дутагдлыг бусдад ил болгож, эрч хүч болон энергиэ алдахад хүргэдэг байна.
Танд магадгүй туслалцаа үзүүлэхгүй хүмүүст хий дэмий цагаа үрж, өөрийнхөө өвчин зовлонгийн талаар дурдах шаардлага огтхон ч байхгүй. Тусламж хүсэх нь өөр учир шалтгаантай зүйл: таныг гэсэн сэтгэлтэй хүмүүст хэлж, хариуд нь урам зориг, итгэл үнэмшил авч болно.
Өр зээл болон мөнгөтэй холбоотой зүйл
“Хэр их мөнгө олдог вэ?” гэх асуулт хамгийн зохимжгүй асуулт юм. Өөрийнхөө хэдэн төгрөг олж, зарцуулж байгаа болон хэр их мөнгөний асуудалтай байгаа гэх зэрэг санхүүгийн нөхцөл байдлаа бусдад хэлэх хэрэггүй.
Учир нь материаллаг зүйл бол олж, зарцуулж байгаа хүний мэдэх хэрэг болохоос биш, бусдын мэдээд байх ёстой зүйл биш юм. Санхүүгийн нөхцөл байдлынхаа талаар хэтэрхий нээлттэй ярих нь мөнгөний энергийг үгүй хийнэ: таны санхүүгийн амжилт магадгүй өөр хүнийх ч болж мэдэх талтай.
Хүүхдүүдийн гаргасан алдаа дутагдал
Энэ зүйл бол хамгийн чухал. Бид ихэнхдээ найз нөхөдтэйгөө хүүхдүүдийнхээ ааш зан, гаргасан алдаа дутагдлын талаар ярьж, санал бодлоо солилцдог – тэднийг хэрхэн дэмжих талаар ярьдаггүй атлаа. Энэ нь эцэг эхчүүдэд хүүхдийнхээ ааш занг засах гарц олоход тустай боловч, нөгөө талаараа хүүхдүүдэд асар муу нөлөө үзүүлдэг байна.
Хүүхдийн наснаас үл хамааран, эцэг эхчүүд нь хүүхдүүдтэйгээ байнга холбоотой байх ёстой. Энэ харилцаа холбоо байхгүй бол эцэг эхчүүд хүүхдэдээ урам хугарч, итгэхээ больж, тэдэн рүү сөрөг энерги цацруулаад байвал энэ нь хүүхдийн энергид шууд нөлөөлнө.
“Гэрээсээ энэ сөрөг энергийг гаргаж хаяхгүй байх”, мөн найзууддаа “үр хүүхдийнхээ талаар сөрөг зүйлс ярих” нь таны хүүхэдтэйгээ холбогдсон харилцаанд сөрөг нөлөө үзүүлнэ. Цаашлаад хүүхдийн тань амьдралд нөлөөлөөд зогсохгүй, гэр бүлийн асуудал үүсэхийг ч үгүйсгэхгүй.
Тэнэглэл
Хөөрхөн
Гоё
Гайхмаар
Бахархмаар
Ха Ха
Буруу
Харамсалтай
