Еврей гэр бүлийн хүүхэд хүмүүжүүлэх өвөрмөц арга барил

4
2
47,559

Эцэг эхчүүд хүүхдээ ухаантай, зорилготой, бие даасан болгохыг хүсэж, түүний төлөө хүмүүжүүлдэг. Хүүхэд нь амжилтад хүрч, аз жаргалтай байхыг тэд мөрөөднө. Тиймээс хүмүүжүүлэх явцдаа хамгийн сайн сайхныг хүүхдэдээ зориулж, тэдэнд нөлөөлөх бүх л арга болох магтаал сайшаал, урамшуулал, зэмлэл шийтгэл зэргийг ашигладаг байна.

Энэ тал дээр еврей гэр бүл бусдаас ялгарах юмгүй. Гэхдээ тулгарсан бэрхшээлийг шийдэх арга зам нь ихээхэн өвөрмөц бөгөөд тэд хүүхдэдээ маш их юмыг зөвшөөрдөг байна. Гэхдээ бүхнийг биш.

Энэ удаа еврей хүмүүжил гэгч юу болох талаар ярилцъя. Магадгүй бид еврей хүүхдүүд бусдаас ялгарсан авьяас чадалтай, амжилттай байдгийн зарим нэг нууцыг дэлгэж магадгүй.

Еврей хүүхдүүдийн хүмүүжил

1. Ичиж зовох зүйлгүй байлгах

Еврей эхчүүд хүүхэд нь ямар ч дутагдалгүй гэдэгт итгэж байдаг хүмүүс. Муу үйлийг нь муу хүмүүжлээс шалтгааллаа гэж үзэлгүй ганц нэг тохиолдох хэрэг гэж үзэн ийм явдал болсон шалтгааныг олох гэж хичээдэг байна. Хүүхдийн дутагдлын талаар эцэг эх чанга дуугаар ярина гэж огт үгүй бөгөөд ингэх нь хүүхэд зовж, ичих зүйлтэй болно гэж тооцдогоос тэр.

 

2. Эрх чөлөө олго

Хүүхдээ өөртөө бүрэн итгэлтэй хүн болгохын тулд тэдэнд маш их эрх чөлөө олгодог ба хязгаарыг маш хатуу шаардлагаар тавьдаг байна. “Хүүхдэд болохгүйгээс бусад зүйл болно” гэдэг зарчим баримтална.

Еврей гэр бүлд хүүхдийг жижиг буруу зүйл болгонд загнаж зэмлэхгүй, хашгирахгүй. Бага зэрэг эрхлэлт бол байх л зүйл бөгөөд хэмжээндээ л байх ёстой. Настныг хүндлэх нь хамгийн их үнэлэгддэг зан чанар юм. Хүүхэд хичнээн эрх чөлөөтэй ч энэ хязгаарыг давж болохгүй буюу настнуудыг үл хүндэлж огт болохгүй. Харин нас өндөр эцэг эхчүүдийг энд хүндэлж, үлгэр жишээ болгон хардаг байна.

 

3. Сайн зүйлийнх нь төлөө магт, урамшуул

Хүүхдийг бага байхаас нь эхлэн магтана. Муухан зураг, шинэ сурсан үг, анхны алхам гээд бүх л зүйлийг нь маш ихээр магтана. Тиймээс еврей хүүхдүүд хар багаасаа магтаал сонсож сурсан байна. Эцэг эх нь хүүхдээ магтах үг хайрлахгүй, хамгийн жижиг зүйлд ч магтана. Мөн ийм магтаалыг энгийн зүйлд тооцдог байна.

 

4. Хариуцлагатай, бие дааж сурсан байх

Еврей гэр бүлд залхуурах гэсэн ойлголт байхгүй. Тэд үргэлж завгүй: хийл тоглож сурах, гадаад хэл үзэх, нэмэлт хичээлд суух гэх мэт. Тэд цагийг үнэлж сурсан учир гэрийн гадаа дэмий чалчиж суух завгүй хүмүүс. Тэд хэлсэн үг, хийсэн үйлдлийнхээ төлөө хариуцлага хүлээж сурсан байна.

 

5. Эцэг эхээ хүндлэх

Еврей гэр бүлд гэрийн үндэс нь эцэг эх гэдгийг ямар ч эргэлзээгүйгээр ойлгуулдаг. Хүүхдүүд багаасаа эцэг эхийн харилцаа нь харилцан хүндлэл, хайр энхрийллээр дүүрэн байхыг харж мэдэрдэг. Хүүхэд ч гэсэн итгэлтэй, хамгаалагдсан байдлаа мэдэрнэ. Том болоод өөрийн гэртээ ч ийм үнэт зүйлийг бий болгохыг хичээх билээ.

Еврей сургалт, хүмүүжил нь хүүхдийг биеэ даасан хувь хүн болох найдвартай суурийг тавьдаг байна. Энэ систем нь ч маш сайн ажиллаж байна. Магадгүй еврей эмэгтэйчүүд гэр бүлээ хамгийн эрхэм зүйл болгодог, өөрийн хүсэл мөрөөдлөө гэр бүлийнхээ төлөө золиосолдог учир ийм байдаг байж болох юм.

Ийм энгийн боловч логик дараатай хүмүүжил олгох явдлыг манай эцэг эхчүүд тэр болгон боддоггүй байна. Тэгээд дараа нь нас явсан хойноо хүүхдүүд нь хүссэнд нь хүрсэнгүй гэж халаглах нь олон бий. Энэ нийтлэлийн зөвлөгөө нь олон зүйлийг өөрчилж болох учир найз нөхдөдөө хуваалцаарай.

19
ГоёГоё
7
Ха ХаХа Ха
4
БахархмаарБахархмаар
4
ГайхмаарГайхмаар
3
ХөөрхөнХөөрхөн
2
ТэнэглэлТэнэглэл
2
БурууБуруу
1
ХарамсалтайХарамсалтай
Баярлалаа!

Фейсбүүк сэтгэгдэл

4 Сэтгэгдэл

  1. Erdene Tsogtbaatar

    Erdene Tsogtbaatar

    2018/05/17 at 15:18

    Baigalaa Baigalmaa

  2. ё

    2018/05/17 at 15:42

    монгол 50-60 нас гарсан эрчүүд хуучин социализмын үеийн мөрөөдлийн хятад хувилбарыг өмсөөд ,тэр нь гандсан царай майжиг төрхийг нь ил болгоод түүнийгээ үл тоон ихэмсэг шүлсээ хаялан ахлах нь маш инээдтэй

  3. Dashnyam Dashka

    Dashnyam Dashka

    2018/05/17 at 22:11

    Vr ogoojtei medeelel oruulsand bayrlalaa

  4. Doeo Anya

    Doeo Anya

    2018/05/18 at 07:35

    Batsuh Sengee

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.