Энэ дасгалыг өдөр бүр тогтмол хийвэл нуруутай холбоотой олон өвчлөл, зовиураас сална

Нуруу болон хэвлийн булчин чангалахад зориулсан “далайн нохой” дасгал. Хийхэд хөнгөн, тааламжтай дасгал юм шүү.

“Далайн нохой” дасгал нь Йозеф Пилатесын системийн нэгэн дасгал бөгөөд хөдөлгөөний эв дүйг сайжруулан, биеэ удирдахад тустай билээ. Энэ дасгал гэдэс, хэвлийн булчинг чангалж, нугасны ачааллыг бууруулан, нуруунд сайн иллэг болдог. Дасгалаа хийхдээ харанхуй өрөөнд, хөшгөө хаасан нөхцөлд, өөрийнхөө байдлыг хянах, мэдрэх замаар хийнэ.

Нурууны булчин чангалах дасгал

Хэрвээ та сколиоз эсвэл остеопороз зэрэг өвчтэй бол энэ дасгалыг хийхийн өмнө эмчтэй зөвлөлдөх хэрэгтэй. “Далайн хав”дасгал нь нугарах, нугасанд ачаалал өгөх зэрэг үйлчилгээтэй учир дээрх өвчтэй хүмүүс янз бүрийн гэмтэл авч болзошгүй.

Йог болон бусад дасгалын тусгай жижиг хивсэнцэр ашиглах нь их тухтай бөгөөд нуруу нугас хатуу шалтай үрэлдэн өвдөхөөс сэргийлнэ.

Дасгал хийх

1. Хивсэнцэрийн захад сууж өвдгөө цээжиндээ ойртуулж аль болох мөрнөөс хажуу тийш илүү гарган дэлгэхийг хичээ. Хөлийн ул нийлсэн байна.

2. Гараа хөлийн хооронд оруулан шагай хавиас барина. Тэнцвэрийн цэг нурууны доод хэсэгт байна.

3. Мөрөө сул орхин, гэдсээ цээжиндээ хүргэх гэж зүтгэнэ. Амьсгаа авахдаа нуруугаа С үсгийн хэлбэрт оруулан бөмбөг адил арагшаа хагас өнхрөх мэт хөдөлгөөн хийнэ. Толгойгоороо шаланд хүрч болохгүй.

4. Энэ байдлаараа хөлийн улаараа алга таших мэт хөдөлгөөн 3 удаа хийх ба далайн нохой сэлүүрээрээ савж, ташиж байгаа мэт хийнэ.

5. Амьсгаа гаргах үедээ буцаж суугаа байдалд шилжин эрүүгээ цээжиндээ наана. Мөн л хөлийн улаараа 3 удаа алга ташина. Энэ дасгалыг 10 удаа хийнэ.

Анхаарах зүйл

Энэ дасгалыг хийхдээ аажуу зөөлөн, урагшаа хойшоо болон хийнэ. Хэрвээ тэнцвэр хадгалах боломж тань тааруу эсвэл уян хатан байдлаас тань болж ингэж хийх боломжгүй байвал хөлөө цээжиндээ их ойртуулах хэрэггүй бөгөөд гараараа өвдөгтэй ойрхон хавиас барьж болно. Арагшаа хагас өнхрөхгүйгээр хийх гэж оролдоод үз. Хөлөө газраас салгаад тэнцвэр олох цэгээ мэдэр. Ийм байдалд хэсэг саатаж гүнзгий амьсгаа аваарай.

Хэрвээ хүзүүнд эвгүй, өвчин мэдрэгдэж байвал дасгал хийхээ зогсооно.

Энэ дасгалыг хийх амархан учир гэртээ хийж үзээрэй. Та бидний зөвлөснийг даган, дасгалаа зөв хийвэл нурууны элдэв өвчин алга болж, булчин чангарах билээ.

Хөдөлгөөн гэдэг бол амьдрал гэдгийг үргэлж санаж байгаарай. Өөрийн биеэ залхуурахгүй байж, зөв, таарсан ачаалал болон гимнастик нь элдэв тухгүй байдал, ядрал, зэргийг алга болгон олон өвчнөөс урьдчилан сэргийлэх билээ.

Энэ мэдээллийг бусдадаа хуваалцаарай. Зарим нэг нурууны өвчтэй хүнд хэрэг болох нь дамжиггүй.

8

Бахархмаар

3

Ха Ха

2

Хөөрхөн

2

Гоё

1

Буруу

0

Гайхмаар

0

Харамсалтай

0

Тэнэглэл

Баярлалаа!