iPhone яагаад Android-оос илүү вэ гэдгийг батлах 9 шалтгаан

Илүү сайн камер, ажиллах хурд, системийн шинэчлэл түргэн хийгддэг гээд iPhone-д Android ухаалаг утаснаас илүү олон давуу тал бий.

1. iPhone илүү хурдтай

iPhone утасны топ загварууд нь Android-ын шилдэг утаснуудаас илүү хурдтайгаар хүнд, том даалгаврыг биелүүлэх ба жишээ нь iPhone X нь А11 Bionec чиптэй ба 2 минутын 4К Adobe Clips дээрх видеог 42 секундэд боловсруулах бол Google-ийн Pixel 2 яг энэ ажиллагааг бараг 3 минутад, Samsung Galaxy S8 4 минутаас илүү хугацаагаар хийдэг байна. Мөн Geekbench, AnTuTu–гийн бүтээсэн хурдны тестэд iPhone тасархай түрүүлж байсан байна.

2. iPhone илүү сайн камертай

Android ухаалаг утасны хамгийн сайн камер нь Samsung Galaxy Note 8 болон Google Pixel 2/2 XL-д бий. Тодорхой нэгэн эд зүйлийн зураг авахад эхнийх нь маш сайн таарч байгаа бол нөгөө хоёр нь HDR нөхцлөөр шөнийн зураг авахад онцгой байлаа. Гэхдээ тестийн явцад ердийн гэрэлтүүлэгтэй, энгийн болон хөрөг зураг авахад iPhone 8 Plus бас л илүү байв. Ихэнх нөхцөлд iPhone утасны зураг илүү сайн чанартай, харахад таатай байсан билээ.

3. Программын шинэчлэл, түүний зохицол нь илүү сайн

iPhone-д зориулсан техникийн шинэчлэл бүр нь iOS-ын программын олон янзын үйл ажиллагаанд зохицсон байх ба энэ нь илүү олон боломж олгож, төхөөрөмжийг ашиглах явцад шинэ сэтгэгдэл төрүүлдэг.

Жишээ нь 3D Touch хэмээх ямар нэгэн товчыг илүү хүчтэй дарахад тодорхой үйл ажиллагаа хийхэд шууд бэлэн болсон цэс гарч ирэх боломж юм. Өөр нэг жишээ нь iPhone 8 Plus болон iPhone X зэрэгт студийн гэрэлтүүлэг бүхий нөхцөлд хөрөг зураг авах онцгой боломж бий. Үүнийг нэмэлт камер, Apple-ийн фото зураг боловсруулах тусгай алгоритмын тусламжтайгаар хийнэ.

Мөн эзэмшигчээ нүүр царайгаар таних технологийг орхиж болохгүй. Энэ нь хиймэл оюун ухаан, TrueDepth хэмээх олон мэдрэгчийн тусламжтайгаар ажиллах ба хиймэл оюун ухаан нь эзэмшигчээ бүр малгайтай байсан ч таних боломжийг олгож байгаа билээ. Энэ бүх боломжууд нь үндсэн системтэйгээ уялдаж байдаг бол Android төхөөрөмжүүд үйлдвэрлэгч нар зөвхөн өөрсдийн хүрээнд л дээрх технологийг шийдэж хэрэглэдэг. Ийм боломжийг бүх л хэрэглэгч нарт хүрэлцээтэй болгохын тулд Google анхаарах хэрэгтэй болов уу.

4. iPhone ашиглахад хамгийн амархан ухаалаг утас

Хэдийгээр Android ухаалаг утас үйлдвэрлэгч нар өөрсдийн утасны үйл ажиллагааг энгийн, амархан болгох тухай их ярьдаг ч iPhone дахь iOS хамгийн энгийн, ойлгомжтой систем юм. Магадгүй энэ системд гадаад өөрчлөлт гэж бараг байхгүй нь зарим нэг хүнд дутагдалтай санагдаж болох ч чухам өөрчлөгдөхгүй дизайн нь давуу тал билээ. Apple жил болгон iOS системээ сайжруулдаг ба ингэхдээ түүний ойлгомжтой, хялбар байдал, гадаад төрхийг хадгалсаар байдаг ба iPhone 6-г iPhone 8-аар солихдоо та шинээр интерфэйс судлах, хуучин танил функцээ хайх шаардлагагүй ба бас бүх л мэдээллээ дамжуулах энгийн, ойлгомжтой боломж бий.

5. iPhone-ийн түргэн болон өргөн хэмжээний өөрчлөлт

iPhone-ийн маргаангүй нэг давуу тал бол системийн шинэчлэл нь бүх л загварууддаа бараг нэг өдөрт хүрдэг явдал юм. Mixpanel-ийн хийсэн судалгаагаар iOS 11 одоогоор бүх iPhone–ийн 70%-д суусан ба харин Android-ийн хамгийн сүүлийн хувилбар тарсан байдал нь дээрхтэй харьцуулах аргагүй бага юм. Шинэхэн Oreo одоогоор 0,5 %-тай бол өмнөх Android 7 Nougat 25%-ийг ч даваагүй байна.

6. Шилдэг сайн апп болон бусад програмууд эхэлж iOS дээр гардаг

Олон тоглоом болон бусад апп эхэлж iOS дээр гарах ба хэсэг хугацааны дараа Google Play дээр бий болно. Жишээ болгоход Super Mario Run, Monument Valley 2 болон Snapchat-ыг дурьдаж болно. Бүр Instagram Android дээр App Store-оос 2 жилийн дараа бий болсон байдаг. Мөн тоглоом, апп зохион бүтээгч нарт iOS дээр өөрийнхөө бүтээлийг хийх нь ашигтай ба Америкийн дундаж хэрэглэгч нь эдгээрт ойролцоогоор 47 доллар зарсан байдаг бол Android болон Google Play-д энэ үзүүлэлт 30 доллартай тэнцэнэ.

7. Суулгасан элдэв “хог” үгүй

Apple нь iPhone-ийн программ хангамж дээр бүрэн хяналт хийдэг учир гаднаас элдэв программ, апп хяналтгүйгээр орж ирэх боломжгүй юм. Энэ нь операторын үйлчилгээ болон хамтран ажиллах программ хангамжид ч хамаатай ба Android ухаалаг утсанд иймэрхүү программ хангамж олноор орж ирдэг билээ. Энэ нь орчуулга, хайлтын шинэ систем, файл-менежер, тоглоом зэрэг байж болох ба заримдаа хэрэггүй эдгээр программыг устгах ч боломжгүй байдаг.

8. Mac-тай холбон ажиллах нэмэлт боломж

Та iPhone дээр ирсэн дуудлага болон мэдээллийг шинэ функцын тусламжтайгаар Macbook дээр хүлээж авах боломжтой ба мөн iPhone утасны цахим шуудан дээрээ бичиж эхэлсэн захидал, янз бүрийн баримт бичгээ Mac дээр үргэлжлүүлэн бичиж, редакторлаж болно. Мөн мэдээлэл солилцох универсал боломж байгаа ба утсан дээрх текстийг Mac дээрээ шууд харах, боловсруулах боломжтой.

9. Илүү сайн сервис болон дэмжлэгтэй

Android төхөөрөмж дээр ямар нэг зүйл гэмтсэн бол та үүнийг шийдэхийн тулд олон янзын форумаар хэсэж, болохгүй бол төхөөрөмжөө худалдаж авсан дэлгүүртээ ханддаг билээ. Худалдагч гэмтлийн шалтгаан, хэмжээнээс хамаарч засварт явуулах ба тэнд ээлжээ хүлээсээр 1-2 долоо хоног болдог билээ.

iPhone-ийн хувьд ийм нөхцөлд Apple-ын веб сайтад маш олон хэрэгтэй зөвлөгөө байх ба мөн үйлчилгээний төвийн ажилтантай шууд чат-аар харилцаж болох ба зайнаас шийдэж болохгүй бэрхшээлийг тусгай мэргэжлийн сервис-төвд аваачиж засуулж болох билээ.

57

Гоё

35

Тэнэглэл

7

Бахархмаар

6

Буруу

6

Гайхмаар

5

Ха Ха

4

Хөөрхөн

2

Харамсалтай

Баярлалаа!