Менежментийн улсын XII олимпиад зохион байгуулах журам

Нийтлэгч: Лука

Огноо: 2017/11/22

Total0
0

Нэг. Олимпиадын зорилго

Оюутнуудын бүтээлч сэтгэлгээг хөгжүүлэх, онолын мэдлэг болон судалгаа, шинжилгээ хийх чадварыг гүнзгийрүүлэх, бизнесийн удирдлагын чиглэлээр мэргэжилтэн бэлтгэдэг их, дээд сургууль, бизнесийн байгууллагын хамтын ажиллагааг өргөжүүлэхэд оршино.

Хоёр. Олимпиадын хамрах хүрээ

Менежментийн үндэс
Хүний нөөцийн менежмент
Үйлдвэрлэл, үйл ажиллагааны менежмент
Санхүүгийн менежмент

Гурав. Оролцогчид

Бизнесийн удирдлагын чиглэлээр сургалт явуулдаг их, дээд сургууль, коллеж. Сургууль тус бүр бакалаврын хөтөлбөрөөр суралцаж буй шилдэг таван оюутнаас бүрдсэн хоёр хүртэлх баг оролцуулах боломжтой.

Дөрөв. Олимпиадын үе шат

Нэгдүгээр үе: Онолын мэдлэг шалгах уралдаан, хоёр шаттайгаар явагдана.

1-р шат: Тест – онооны эрэмбээр жагсааж нийт оролцогчдын 50 хувийг дараагийн шатанд оролцуулна.

2-р шат: Бодлого – хүний нөөцийн менежментийн 1, үйлдвэрлэл, үйл ажиллагааны менежментийн 3, санхүүгийн менежментийн 3 нийт 7 бодлого бодож тест болон бодлогын нийлбэр дүнгээр хамгийн өдөр оноо авсан 15 оюутан дараагийн үед оролцох эрхтэй болно.

Хоёрдугаар үе: Мэргэжлийн ур чадвар шалгах уралдаан, хоёр шаттайгаар явагдана.

1-р шат: Эссэ бичлэг – шүүгчдийн зөвлөлөөс өгсөн сэдэв, шаардлагын дагуу эссэ бичиж үнэлүүлнэ.

2-р шат: Илтгэл тавих – шүүгчдийн зөвлөлөөс өгсөн сэдэв, шаардлагын дагуу тоон өгөгдлийг EXCEL програм дээр боловсруулалт хийж, POWERPOINT програм дээр илтгэл бэлтгэн танилцуулга хийнэ.

Тав: Олимпиад зохион байгуулагдах газар, хугацаа

Нэгдүгээр үеийн 1-р шат 2017 оны 12-р сарын 7-ны Пүрэв гарагийн 9⁰⁰ цагаас, 2-р шат мөн өдрийн 14⁰⁰ цагаас ХААИС-ийн ЭЗБС-ийн 201 тоот танхимд тус тус эхэлнэ.
Хоёрдугаар үеийн 1-р шат 2017 оны 12-р сарын 8-ны Баасан гарагийн 9⁰⁰ цагаас ХААИС-ийн ЭЗБС-ийн 215 тоот өрөөнд, 2-р шат мөн өдрийн 11⁰⁰ цагаас ХААИС-ийн ЭЗБС-ийн Лаб-3 тоот өрөөнд тус тус эхэлнэ.

Хаяг: Хөдөө Аж Ахуйн Их Сургууль, Эдийн Засаг Бизнесийн Сургууль, Менежментийн тэнхим

207 тоот өрөө,

Харилцах утас: 99156615, 88005829, 88408801, 99828236, 99082644

ОЛИМПИАД ЗОХИОН БАЙГУУЛАХ КОМИСС