Гэдэс дүүрээд байна уу? Энэ амин дэм таны асуудлыг шийдэхэд тусална

Нийтлэгч: Лука

Огноо: 2017/07/29

Total322
322

Гэдэс дүүрэх нь таагүй мэдрэмж бөгөөд гэдсэнд хийний илүүдэл бий болсноос шалтгаалдаг. Гэдэс ходоодны асуудалтай хүмүүс энэ таагүй мэдрэмжтэй байнга тулгарах ажээ.

Яагаад гэдэс дүүрээд байдаг шалтгааныг нарийн тогтоож чадаагүй ч гэлээ сүүлийн үеийн судалгаанаас харахад Д амин дэмийн дутагдал гэдэс, ходоодны хэвийн үйл ажиллагааг алдагдуулдаг байж болохыг тогтоосон байна. 2011 оны нэгэн судалгаанаас харахад Д амин дэм гэдэс, ходоодны үрэвслийг дарах үйлчилгээ үзүүлж байгааг илрүүлжээ. Үүнээс гадна Д амин дэмийн дутагдалтай хүмүүс бүдүүн гэдэсний өвчлөлд өртөмтгий байгааг, харин цусан дахь Д амин дэм их гарсан хүмүүс гэдэс, ходоодны өвчлөлд бага өртдөг нь тогтоогдсон байна.

Өндөг ахиухан идээрэй

Өдрийн хэрэглээний Д амин дэм хангалттай авч байх хэд хэдэн аргууд бий. Үүний нэг нь – өндөг идэх. Өндөгний шар нь Д амин дэмийн эх үүсвэр. Галууны өндөг Д амин дэмийн өндөр агууламжтай, бас тахианы өндөг ч идэж болно.

Зэрлэг яргай загас

Зэрлэг яргай загас их хэмжээний Д амин дэм агуулдаг. Тослог бүх төрлийн загас Д амин дэм агуулдаг хэдий ч зэрлэг яргай загасны хувьд өөр. Бостоны их сургуулийн багийн судалгаанаас үзэхэд, үржүүлгийн яргай загасны Д амин дэмийн агууламж бага байжээ. Тэгэхээр сонголтоо зөв хийнэ үү.

Мөөг

Мөөгөнд дуртай хүмүүст дуулгах сайхан мэдээ байна. Мөөг нь нар руу тэмүүлдэг учраас Д амин дэмийн агууламж ихтэй байдаг ажээ. Үүнээс гадна мөөгөөр дамжуулж авсан Д амин дэм нь хүний биед амархан шингэдэг. Шарж болгосон мөөгний Д амин дэмийн 85% нь хадгалагдаж үлдсэн байгааг судалгаагаар тогтоосон. 3 сарын хугацаанд мөөгөнд агуулагдах Д амин дэм хадгалагдана.

Нарны сайхныг мэдэр

Д амин дэм авах шилдэг арга бол нар. Бидний Д амин дэмийн эх үүсвэрийн 90 орчим хувийг нарнаас авдаг. Мэргэжилтнүүдийн үзэж байгаагаар, өдрийн наранд 10-15 минут байхад хангалттай Д амин дэм авч чадна. Хэрвээ та бор арьстай бол зохих хэмжээний амин дэмийг авахын тулд 5 дахин их наранд байх хэрэгтэйг анхаарна уу. Дэлхийн хойд зүг рүү нарны туяа сулардаг тул авах амин дэмийн хэмжээ багасдаг байна.