Ирак-Британи гаралтай архитекторч Заха Хадид /Zaha Hadid/ болон дэлхийн инженерчлэлийн АЕСОМ пүүсийнхэн нэгэн төсөл дээр хамтран ажиллаж байгаа тухайгаа саяхан ил болгосон байна. Энэхүү төсөл нь 2022 онд Катар улсад зохион байгуулагдах Олон улсын хөл бөмбөгийн холбоо /FIFA-ФИФА/-ны дэлхийн цомын төлөөх тэмцээн явагдах цэнгэлдэх хүрээлэнг барьж байгуулах төсөл аж. Аль Вакрах /Al Wakrah/ хэмээх уг цэнгэлдэх хүрээлэнгийн загвар дхоу гэж нэрлэгддэг нутгийн загасчдын завины загвараас үндэстэй юм. 2022 оны дэлхийн цомын төлөөх тэмцээнд зориулагдан баригдах зургаан цэнгэлдэх хүрээлэнгийн анхдагч болох энэхүү цэнгэлдэх хүрээлэн Катарын хамгийн эртний хүн суурьшсан газруудын нэг болох Доха хотоос урагш 15 км-ийн зайд, түүхэн боомт хотод сүндэрлэн босох юм байна. 40,000 хүний суудалтай Аль Вакрах цэнгэлдэх хүрээлэнгийн барилгын ажил 2014 оны сүүлээр эхэлнэ.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
