Төрөлх нийслэл Улаанбаатарын маань төв талбай Сүхбаатарын талбайд 70 сая жилийн настай Тиранозавр Батаар сүндэрлэж буй. Харийн худалдаачдын гарт орсон байсан ч эх орондоо эргэн ирж чадсан Т. Батаарын сүрдэм үлдэгдлийг үзэх гэсэн нийслэлчүүдийн цуваа өнөө хэр нь тасрахгүй байгаа. Харин Францын нийслэл Парис хотын дундуур урсах Сейн голын эрэг дээр Т. Батаарын маань нэгэн ихэр сүндэрлэж байгаа аж. Гэхдээ ялгаа нь манай Т. Батаар жинхэнэ, Парисын Тиранозавр хиймэл. Францын уран бүтээлч Филиппе Паскуа /Philippe Pasqua/ 350 ширхэг хэвлэж гаргасан ясаар энэхүү 7 метрийн урттай гялалзаж гялтганасан үлэг гүрвэлийн араг ясан баримлыг босгожээ. Бодит хэмжээ бүхий хромон өнгөт Тиранозавр Рекс /T-Rex/-ийн сүрдэм бөгөөд гоёмсог баримлын зургуудыг үзэж сонирхоно уу.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
