Хамгийн утгагүй архитектурын шийдлүүд

Нийтлэгч: Лука

Огноо: 2013/06/11

15,957

Total0
0

Энэ хорвоогийн хамгийн ухаалаг нь хүн атлаа хамгийн тэнэг марзан, хамгийн утгагүй зүйлсийг ч бас сэдэж байдаг. Тэрхүү утгагүй зүйл нь хачирхалтай, инээдтэй, санаанд багтамгүй байдлаараа өрөөл бусдын анхаарлыг маш ихээр татдаг. Хүн төрөлхтний амьдран суугаа цэнхэр гаригийн өнцөг булан бүрд орших улс орнуудад сонин хачин зүйлс зөндөө ч энэ удаад хамгийн утгагүй, тэнэг гэж хэлж болох архитектурын шийдлүүдийг гэрэл зураг хэлбэрээр та бүхэнд толилуулж байна. Юм бусдаас онцгой содон, өөр байх тусмаа илүү ихээр анхаарал татдаг болохоор энэхүү фото нийтлэл ч бас таны сонирхлыг татна гэдэгт эргэлзэхгүй байгаагаа энэ дашрамд илэрхийлье.

1. Испаний төв дэх Сокуелламос сууринд гэрийнхээ гадаа байгаа Болгар эмэгтэй. Кастилья-Ла-Манча мужийн халуун, шороо тоостой бүсэд 40 орчим хүн ийм түр оромжинд амьдарч байгаа ба шөнийг энэ дайвалзсан торхон дотор өнгөрүүлдэг байна.

2. Польшийн умард хэсэгт байрлах Зжумбарк нэртэй жижигхэн тосгонд тус мужийн боловсрол, сурталчилгааны төвд баригдсан энэхүү урвуу харсан байшинг Даниэл Жапиевски гэгч эрхэм санаачлан барьсан ба асар хурдацтай хөгжиж байгаа өнөөгийн ертөнц дэх хүмүүсийн зүг чигээ алдсан мэдрэмжийг илэрхийлсэн нь энэ аж.

3. Сербийн нийслэл Белград хотоос 160 орчим км-ийн алсад оршдог Бажина Баста хотын ойролцоо урсах Дрина голын дундах хадан дээр барьсан байшин. Энэхүү байшинг хэсэг залуус амарч тухлахад таатай газар барих зорилгоор 1968 онд барьжээ.

4. Австралийн Сидней хотоос зүүн хойш 250 орчим км-т Everingham Rotating Housе нэртэй өвөрмөц байшин бий. Гол тэнхлэгээ 30 орчим минутын хугацаанд бүтэн тойрч эргэх, гурван унтлагын өрөө бүхий найман талтай энэ байшин 700.000 орчим долларын үнэтэй аж.

5. Нигерийн Абужа хот дахь нисэх онгоцны хэлбэртэй байшин

6. Францын баруун өмнөд хэсэг дэх Ле Пиан-Медок сууринд орших модон дээрх байшинг янз бүрийн тэмдэглэлт үйл явдал, хээр хөдөө гарч цайлах зэрэг үйл явдлуудад зориулан түрээслэдэг байна.

7. Филиппиний Манила хотын ядуу зүдүү оршин суугчид хаягдсан булш бунхныг амьдрах гэр орон болгон ашиглах нь элбэг бөгөөд хүн чандарлах газрын үнс хадгалах газрын орой дээр барьсан гэртээ орохоор шатаар өгсөж байгаа эмэгтэй харагдаж байна.

8. Малайзын Тампарули дахь уруугаа харуулан барьсан байшин. Аялал жуулчлалын үзмэр хэлбэрээр баригдсан энэ байшин доторх бүх зүйл бас уруугаа харсан байдлаар бүтээгджээ.

9. Чехийн Праг хотоос зүүн хойш 100 км-т орших Яблонец хотоос холгүй Богумил Лота гэгч 73 настай эрхмийн байшин бий. 73 настай барилгачин эрхэм байшингаа тэнхлэгээ тойрон эргэх боломжтойгоор бүтээсэн ба 1981 оноос эхлэн барьж эхэлжээ. 2002 онд барилгын ажил дууссанаар тэнхлэгээ тойрон эргэхдээ газраас дээшээ гарах эсвэл газар доогуур орох боломжтойгоор бүтээгдсэн энэ байшин ашиглалтанд орсон байна.

10.

11. Австрийн Терфенс тосгонд Польшийн уран барилгачид болох Ирек Гловански, Марек Рожански нарын барьсан уруугаа харсан байшин

12. Гонконгийн архитекторч Гэри Чанг 32 метрийн өрөөндөө дүүжин орон дээр хэвтэж байна. Тэрээр хотын хүн амын өсөлттэй холбоотой асуудлыг шийдвэрлэх үүднээс өрөөний дотоод хувиргалтын санааг гаргасан нь энэ юм.

13. Бразилийн зураач Тиаго Примо, түүний ах Габриэль нар Рио де Жанейрогийн нэгэн барилгын ханан дээр байгаа нь. Хотын төвд орших өндөр барилгын ханан дээр бий болгосон энэ өвөрмөц авиралтын хана жуулчдыг маш ихээр татдаг байна.

14. Мексикийн Сан-Хосе-де-Лас-Пьедрасаас холгүй орших гэрийнхээ гадаа зогсож байгаа Бенито Эрнандес. Техасын хилээс 80 км-ийн зайд орших 40 метр өндөртэй, аварга том бул чулуун дээвэртэй энэ байшиндаа Эрнандес, түүний эхнэр Санта-Марта-де-ла-Крус Вильярреал болон гэр бүлийнхэн нь 30 гаруй жилийн турш амьдарч байгаа аж.

15. Колумбын Медельин хот дахь гэртээ 62 настай Мигель Рестрепо, түүний эхнэр Мария Гарсия нар байгаа нь. Урьд нь мансууруулах бодисын донтон байсан тэрээр 22 жилийн турш энэхүү хаягдсан траншейны нүхэнд эхнэр болон Блэки нохойныхоо хамт амьдарч байгаа аж. 6 м.кв талбай бүхий тэдний гэр гал тогоо, сэнс, зурагт, сандал, ороор тоноглогджээ.

16. Хуаиян Лу нь Хятадын Фуцзянь мужийн Нанжинь хотод 1909 онд баригдсан Фуцзянь Тулоу хэмээх цайз-гэрт амьдардаг. Гадны халдлагаас найдвартай хамгаалах энэ цайзыг ЮНЕСКО Дэлхийн өв газрын жагсаалтанд бүртгэсэн байна.

17. Юта мужийн Моаб хотод орших Роклэнд Ранч хадан цохионы энгэрт наалдан баригдсан энэхүү байшингуудыг нутгийн иргэд Рок буюу хадан цохио хэмээн нэрлэдэг бөгөөд энэ байшингуудад 15 өрх гэрийн 100 орчим хүн амьдардаг. 19-р зууны дунд үеэс хойш энэ байшингуудад олон эхнэртэй мормонууд амьдарч иржээ.