Хамгийн дур булаам 5 эмэгтэй программист

Нийтлэгч: Лука

Огноо: 2014/02/19

Total0
0

Бүсгүй хүний үс нь урт, ухаан нь богино гэх хүмүүс байдаг. Үүнийг эсэргүүцдэг ч хүмүүс байдаг. Ямартай ч энэхүү нийтлэл маань дээрх үгтэй холбоотой бөгөөд энэ үгийг хэлдэг хүмүүсийн хувьд сөрөг мэдээлэл болж байгаа юм. Энд хамгийн дур булаам гэгддэг таван программист бүсгүйчүүдийн тухай товч мэдээллийг багтаасан ба зөвхөн энэ таван бүсгүйгээр зогсохгүй маш олон чадварлаг, авьяаслаг, гоо үзэсгэлэнтэй бүсгүйчүүд байгаа гэдэг нь эргэлзээгүй юм.

Жейд Реймонд /Jade Raymond/

Монреаль болон Марианополист Сэйнт Жиоржийн коллежийг дүүргэсэн энэ бүсгүй 1998 онд компьютерын шинжлэх ухааны их сургуулийн бакалаврын зэрэг хүртсэн. Сони компаниас карьераа эхлүүлсэн тэрээр одоо Assassin’s Creed тоглоомын продюсер бөгөөд Юбисофт компаний удирдах гишүүний үүрэг гүйцэтгэдэг.

Сара Гайдер /Sara Haider/

Ватерлоогийн их сургуулийг дүүргэсэн энэ бүсгүй Гүүглд нилээд удаан хугацаагаар ажилласан. Вайн /Vine/ апликейшны Андройд дээрх хувилбарыг хөгжүүлэх ажилд гар бие оролцож явсан Сара Хэйдер одоо Твиттерийн софтвейр инженерийн үүргийг гүйцэтгэж байгаа.

Коррин Ю /Corrinne Yu/

Brothers in arms, Borderlands, Zombie, Unreal Engine 3 зэрэг дэлхийд алдартай олон видео тоглоомуудыг хөгжүүлэхэд хувь нэмрээ оруулсан энэ бүсгүй Halo 4 тоглоомын хөгжүүлэлтэнд томоохон үүрэг гүйцэтгэсэн. Түүнээс гадна 2009 онд цөмийн физикийн судалгаагаар үндэсний хэмжээний том шагнал хүртсэн байна.

Аманда Уйкстед /Amanda Uiksted/

Гар утасны апликейшн хөгжүүлэгчдийн дунд хамгийн чадварлаг, хамгийн нөлөө бүхий хүмүүсийн нэг болох Аманда Уйкстед Farmville хэмээх алдартай тоглоомын хөгжүүлэгчдийн нэг. Одоо өөрийн үндэслэсэн Club Turf газарзүйн нийгэмлэг болон бусад хэд хэдэн компаний зөвлөхөөр ажиллаж байгаа.

Трэйси Чу /Tracy Chu/

Цахилгааны инженерийн бакалавр, Стэнфордын их сургуулийг компьютерын шинжлэх ухааны чиглэлээр магистрын зэрэг эзэмшсэн энэ бүсгүй Гүүгл, Фейсбүүк, Куора зэрэг томоохон компаниудад ажиллаж байв. Одоогоор Пинтерестийн инженерээр ажиллаж байгаа аж.