Энгийн хүмүүсийн ердийн амьдралын амтат мөчүүд

Нийтлэгч: Лука

Огноо: 2013/08/31

Total0
0

Хүн бүрийн амьдралд өдөр бүр янз бүрийн үйл явдлууд тохиодог. Хорвоогийн нэг өнцөгт хэн нэгний амьдралд гунигийн сүүдэр тусаж байхад дэргэдхэн нь өөр нэгэн аз жаргалын нулимсаа барьж дийлэхгүй зогсож байдаг. Сайнтай саартай, үхэл хагацал, учран золголт, баяр гуниг хосолсон хүмүүний амьдралын хамгийн гайхалтай үйл явдлуудыг харуулсан гэрэл зургаа над руу илгээгээч гэсэн хүсэлтийг Америкийн долоо хоног тутмын спортын сэтгүүлийн сэтгүүлч Ричард Дейч /Richard Deitsch/ өөрийн Твиттер хуудсаар дамжуулан уншигчдад илгээсэн байна. “Та бүхэнд таны амьдралын хамгийн гайхалтай мөчийг харуулсан зураг бий юу?” гэсэн сэтгүүлчийн асуултанд санаанд оромгүй олон хариулт ирсэн бөгөөд сэтгүүлч эрхэм тэдгээр гэрэл зурагнуудыг багцлан сэтгэл хөдлөм гайхамшигтай фото багцыг бий болгожээ.

Аутизм эмгэгтэй хүү маань шинэхэн муурын зулзаганыхаа хамт

Дөнгөж уншиж сурч байгаа охин маань дүүдээ ном уншиж өгч байна.

Хүү, охин хоёр ихэр хүүхдийн маань хорвоод мэндэлсэн анхны өдөр

Хөвгүүд маань бага дүүтэйгээ уулзаж байгаа анхны мөч. Энэ тэдний хамтдаа авахуулсан анхны зураг

Өвөө маань нас барахаас 7 хоногийн өмнө миний зээ хүү төрсөн. Энэ зураг дээр манай дөрвөн үеийн төлөөлөл хамт байгаа нь харагдаж байна.

6 сартай ихрүүдийн маань хувьд уртхан өдөр өнгөрсөн үе. Тэд маань хоёулаа унтчихсан.

Энэ долоо хоногт би эмээ өвөөгүй болоод нэг жил өнгөрсөн өдөр болно. Энэ зургийг бид намайг ахлах сургуулиа төгсөхийн өмнөхөн авахуулж байсан юм.

2011 оны Зул сарын баярын өмнөх өдөр би аавтайгаа Апалачийн трейлийн хамгийн хойд үзүүрт хүрсэн юм.

Аав маань төрөөд 20-хон минут болж байгаа хүүг маань тэвэрч байна.

Хавдрын цацраг туяаны эмчилгээгээ хийлгэж дууссанаас 13 сарын дараа анхны марафоноо дуусгаж байгаа минь.

Бидний дөнгөж төрсөн хүү. Гурван удаагийн үр зулбалтын дараа бидэнд хүүхэдтэй болно гэсэн найдвар үгүй болсон байлаа.

Хоёр дахь удаагийн элэг шилжүүлэн суулгах мэс ажилбарын дараа эмнэлгээс гарч байгаа үе

Хүүтэйгээ хамт очсон анхны тэмцээн

Анх удаагаа жинхэнэ гүнжтэй уулзах гэж байгаа охин маань тэр мөчийг догдлон хүлээж байгаа нь

Эхнэрийн маань хөвгүүд ээжийгээ гарч ирэн сүм рүү явахыг хүлээж байгаа нь

Би хайртай бүсгүйнхээ охиныг гар дээрээ тэврээд сүм рүү охины ээжтэй гэрлэхээр явж байна.

Уушиг, зүрх шилжүүлэн суулгах мэс ажилбарын дараа амарч байгаа эхнэр минь

Хамгийн сайн найз Харлигаа хавдраар хорвоог орхихоос нэг сарын өмнө авахуулсан бидний хамгийн сүүлчийн зураг

Армиас ирсэн ахтайгаа анх уулзаж байгаа маань

Цус багадах өвчнөөр нас барахынхаа өмнөхөн хөвгүүдэд маань миний багадаа сонсох дуртай байсан түүхийг ярьж өгч байгаа аав минь

Парисын нэгэн гэрэл зурагчин миний амьдралын хамгийн гайхалтай мөчийг гэрэл зурагт буулгасан юм.

Бидний гэр бүл гурван хүүхдээ өргөж авсан өдөр

Энэ бүхний эцэст хэлэхийг хүссэн зүйл бол та өөрт байгаа зүйлсээ чин сэтгэлээсээ хайрлаарай. Анзаарахгүй явж байтал нэг л өдөр тэд таныг орхин одсон байх вий. Тиймээс гэр бүл, анд нөхөд, хайртай хүмүүсээ чин зүрхнээсээ хайрлаарай.