Өөрийн гараар пиццаны мозарелла бяслаг хийцгээе!

0

Өөрийн гараар пиццаны мозарелла бяслаг хийцгээе!Гэртээ, өөрийн гараар пицца хиймээр байгаа хүн байна уу? Тэгвэл пиццаны гол орц болох мозарелла бяслагаа ч бас өөрөө хийвэл ямар вэ? Бараг бүх пицца, хэд хэдэн төрлийн гоймонтой хоолонд орж, хэрчсэн улаан лооль болон базиликтай хамт олгогддог хагас зөөлөн энэ бяслагийг хийхэд маш амархан. Танд сүү, лимоны хүчил, бяслаг хийхэд хэрэглэдэг Реннет хэмээх энзим, давс мөн багахан цаг хугацааг зарцуулах сэтгэл байхад л өөрийн гараар мозарелла бяслагаа хийх боломжтой юм байна.

Орц: 1 галлон буюу 3,7 литр хэт хоргүйжүүлээгүй сүү, 1/4 аяга өрөөний температуртай усанд уусгасан 1 бүтэн 1 тал цайны халбага нунтаг нимбэгний хүчил, 1/4 цайны халбага шингэн Реннет /Rennet гэдэг нь сүүн тэжээлт амьтны ходоодонд боловсордог нэг зүйл энзимийн комплекс бөгөөд чийз үйлдвэрлэлд хэрэглэдэг./ эсвэл 1/2 таблетан Реннетийг мөн адил өрөөний температуртай 1/4 аяга усанд уусгана, 1 цайны халбага бяслагны давс эсвэл kosher давс
Хийх аргачлал: Сүүгээ том саванд хийгээд дунд зэргийн гал дээр Цельсийн 12,7 хэм хүртэл халаана. Энэ зуур аажимхан хутгах ба сүүгээ дээр дурдсан хэмд хүрмэгц усанд уусгасан нимбэгний хүчлээ нэмж, сайтар хутгаад галаа бага зэрэг нэмж 31,1 хэм хүртэл халаана. Тохирсон хэмд хүртэл халмагц Реннетийн уусмалаа нэмээд сайтар хутгана. Энэ үед сүү өтгөрч эхлэх ба хутгуур халбаган дээр чинь жижиг цагаан толбонууд наалдаж байгаа нь сүү ээдэж, бүрэлдэж байгаа хэрэг юм. Сүүгээ дахин 32,2 хэм хүртэл халаахад сүү ээдэж байгаа нь бүр ч тод мэдэгдэх ба энэ үед нь маш зөөлөн хутгаж өгснөөр ээдэм хоорондоо нийцэж, нягтрах явцыг сайжруулна. 35-40,5 хэм хүртэл халаахад ээдэм нилээд өтгөн болох бөгөөд галаа унтраагаад хэсэг хүлээхэд шар сүү, ээдэм нь сайн ялгарах болно. 5 минут түр хүлээгээд шүүрээр шүүж, ээдмээ өөр саванд хийнэ. Ялгарсан шар сүүг тухай бүрд нь юүлээд, ээдмээ богино долгионы зууханд 60 секунд халаахад илүүдэл шар сүү бүр сайн ялгарна. Ээдмээ эргүүлж тойруулж нэг нухаад дахин богино долгионы зууханд хийгээд 30-40 секунд халаагаад шар сүүг нь юүлнэ. Ээдмээ гаргаж давсаа цацаад ганц хоёр нухаж, дахин печинд хийж 30-40 секунд халаагаад илүүдэл шар сүүг юүлнэ. Энэ үед бяслаг маань их халсан байх ба хайлсан мозареллатай яг адилхан болсон байна. Чийзээ сунгаж татаад эргүүлэн эвхэж, эвлүүлэх бөгөөд энэ үед чийз урагдаж байвал чийз бүрэн болоогүй байна гэсэн үг учир печинд дахин бага зэрэг халааж, илүүдэл шар сүүг юүлээрэй. Тэгээд дахин нэг хоёр удаа сунгаж, татаж үзээрэй. Чийз бэлэн болсон гэж үзвэл сүлжиж эсвэл ороох, нэг бол хэсэглэн хувааж бөөрөнхийлөөд хөргөгчинд хийнэ. Хэрвээ маш хурдан хөргөх хэрэгтэй бол цэв хүйтэн усанд дүрж болно. Ингэж хийсэн бяслагаа маргааш нь хүнсэнд хэрэглэх боломжтой ба 7 хоног хүртэл хугацаагаар давстай усанд, түүнээс илүү хугацаагаар хадгалах бол вакуумдаж, хүнсний скочоор сайтар ороон хөргөгчинд хадгалаарай.
4
ХөөрхөнХөөрхөн
2
БурууБуруу
1
ХарамсалтайХарамсалтай
1
ГоёГоё
1
Ха ХаХа Ха
0
ГайхмаарГайхмаар
0
БахархмаарБахархмаар
0
ТэнэглэлТэнэглэл
Баярлалаа!

4 Сэтгэгдэл

  1. Зочин

    2014/02/11 at 00:04

    rennet g haanaas awah we mongold haana zardiin boloo

  2. Зочин

    2014/02/11 at 00:14

    rennet iig uur orluulah yum gj bgaa yu

  3. Зочин

    2015/03/18 at 13:29

    Сэтгэгдэл зөвлөгөө өгсөнд баярлалаа
    сайхан боломжийн хийж болох технологи байсан шүү

  4. энхтүвшин

    2015/12/07 at 15:42

    реннет гэж юу вэ
    хаанаас олох уу

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй. Required fields are marked *