Онгоцоор ая тухтай аялах 12 нууцаас

9
2
49,139

Хэрвээ та байнга аялдаг эсвэл хааяахан ч болов урт нислэгээр нисэх шаардлага гардаг бол ямар хэцүү болохыг та ойлгоно. Та бүхэнд хэрэг болох дараах аргуудыг танилцуулж байна.

1. Хамгийн шилдэг суудал – цонхны дэргэд

Онгоцоор ая тухтай аялах 12 нууцаас 1

Цонхны хажууд суудал сонгосноор нэг сумаар хэд хэдэн туулай буудна: нэгдүгээрт, дуг хийхэд хана түших боломжтой, хоёрдугаарт, хөршүүд тань гарна гэж танд саад болохгүй. Мэдээж та дэлхийг дээрээс нь тольдох болно.

 

2. Өөртөө эвтэйхэн хувцас сонго

Онгоцоор ая тухтай аялах 12 нууцаас 3

Нислэгийн үеэр гоёж гангалах нь цагаа өнгөрөөсөн – өөрт эвтэйхэн зөөлөн өмд, цамц өмсөөрэй.

Удаан цагаар нисэхэд онгоцны бүхээгийн хэм өөрчлөгдөнө, тийм учраас “давхар” хувцас өмсөөрэй, жишээ нь майк, захтай цамц, малгайтай цамц. Дулаан оймс гар дороо бэлэн байлга, гутлаа тайлаад дулаахан оймс өмсвөл танд илүү амар байна.

 

3. Ус авч уугаарай, цай, кофе болон согтууруулах төрлийн ундаанаас татгалз

Онгоцоор ая тухтай аялах 12 нууцаас 2

Шингэний дутагдалд орохгүйн тулд ус бага багаар ууж байх ёстой. Үйлчлэгчийн санал болгож байгаа аяга ус хэмжээний хувьд бага, дахин ус иртэл хүлээх хэрэггүй, савлагаатай цэвэр ус хэд хэдийг авсан нь дээр. Эсвэл онгоцонд суухаас өмнөхөн ус худалдан авч болно.

Кофеины агууламжтай ундаанаас татгалзахыг зөвлөж байна: нойр сэргээж шингэний дутагдалд хүргэнэ. Согтууруулах төрлийн ундаа бага зэрэг тайвшруулж болох хэдий ч хэрэглэснээс хойш хэсэг хугацааны дараа шингэний дутагдал хүргэж биеийг сулруулна.

 

4. Нүүрний арьсандаа анхаарал тавина уу

Онгоцоор ая тухтай аялах 12 нууцаас 4

Онгоцны бүхээг хуурай байдаг тул таны нүүрний арьсанд муугаар нөлөөлнө. Иймд дараах зөвлөгөөг дагана уу:

  • Агааржуулагчийг нүүрнээс өөр газар руу чиглүүлнэ үү
  • Нүүрний арьс гялалзаад байвал тусгай цаасаар арчиж аваад чийгшүүлэгч тос түрхэнэ
  • Нүүр рүүгээ ус битгий цацаарай – улам л хуурайших болно. Ус цацаад цаасанд шингээж аваарай.

 

5. Сандалдаа тухлан суух

Онгоцоор ая тухтай аялах 12 нууцаас 5

Удаан хөдөлгөөнгүй сууснаар хөл, нуруу чилдэг. Нурууныхаа ард зөөлөн дэр, ороолт эсвэл цамцаа эвж хийж болно. Онгоцонд дөнгөж суугаад үйлчлэгчээс дэр гуйж аваарай, дараа нь авна даа гээд сууж байтал дэргүй хоцрох үе байдаг шүү.

Мөн хөлөө дээш өргөж тавь. Жишээ нь өөрийнхөө гар тээш эсвэл урд суудал дээрээ хөлөө тавьж болно.

 

6. Ая тухтай байж болох бүх зүйлийг өөртөө байлга

Онгоцоор ая тухтай аялах 12 нууцаас 6

Цахилгаан хэрэгслийн оронд нислэгийн үеэр хэрэг болж мэдэх эд зүйлстэй жижиг цүнхтэй нисэж бай. Энгийн зэрэглэлд ч бас ая тухтай нисэж болдог гэдгийг та ойлгох болно.

  • Чимээ тусгаарлах чихэвч
  • Нүдний маск
  • Хүзүүнд углах дэр

 

7. Чих шуугихыг хэрхэн болиулах вэ?

Онгоцоор ая тухтай аялах 12 нууцаас 7

Агаарын даралтын өөрчлөлтөөс болж чих дүнгэнэж эвгүй болдог. Энэ байдлаас гарахын тул томоор эвшээх, хэд хэдэн удаан юм залгиж байгаа мэт болох, хатуу чихэр хүлхэж болно.

 

8. Хөдөлж байхыг хичээ

Онгоцоор ая тухтай аялах 12 нууцаас 8

Нэг байрандаа хэдэн цагаар суух хэнд ч хэцүү: бие чилж, цус хөлийн захын судсанд хуримтлагдана. Цагт нэг удаа суудлаасаа босож зөөлөн хөдөлгөөн хийж байхыг зөвлөж байна, эсвэл суудал дээрээ биеийн чилээ гаргах дасгал хий: зарим нэг агаарын зорчигч тээврийн компаниуд суудал дээрээ хийх дасгалыг зорчигчиддоо бэлдсэн байдаг.

 

9. Эрүүл мэндэд тустай хоол хүнс

Онгоцоор ая тухтай аялах 12 нууцаас 9

Агаарын бага даралт, хуурайшилт зэрэг нь амтлах чадварыг бууруулдаг. Тийм ч учраас нислэгийн үеэр зорчигчдод санал болгож буй хоол нь давс, чихэр ихтэй байдаг ажээ. Та өөртөө зориулж гадил, самар, тараг зэргийг урьдчилан бэлдэж болно гэдгийг бүү мартаарай.

 

10. Нислэгийн үеэр хийх зүйлтэй бай

Онгоцоор ая тухтай аялах 12 нууцаас 10

Урт нислэгийг хэрхэн ашигтай өнгөрөөх талаар төлөвлөгөө зохио – урьд өмнө үзэх хүсэлтэй байсан ч цаг олдоогүй киногоо үзэх, хойш тавиад байсан ажлууд – захидал бичих, тэмдэглэлийн дэвтэр хөтлөх, эсвэл номоо уншиж дуусгаарай.

Бас унтахаа мартаж болохгүй шүү. Нэг мэдэхэд л буух цаг болсныг мэдэх тийм төлөвлөгөө хэрэгтэй.

 

11. Өөрийн чихэвчтэй явах

Онгоцоор ая тухтай аялах 12 нууцаас 11

Нислэгийн үеэр танд элдэв хэрэгсэл санал болгоно, гоё гялгар уутанд хийсэн ч мэдээж цоо шинэ биш. Өмнөх нислэгийн үеэр ашиглаж байсан хэрэгслийг ариутгаад дахин шинэ уутанд хийдэг юм. Тэгэхээр хэн нэг нь чихэвчийг чихэндээ хийсэн л байж таараа, ариун цэврийн хувьд яагаад ч нийцэхгүй байгаа биз? Тэгэхээр өөрийнхөө чихэвчийг гаргаж ирээд элдэв зүйлд санаа зоволтгүй ниссэн нь дээр.

 

12. Чемоданы хуучин наалтуудаас салж, хуучны түгжээ цоожноос татгалз

Онгоцоор ая тухтай аялах 12 нууцаас 12

Дараах зөвлөгөөг онгоцны буудлын ажилтнуудаас өгсөн юм. Нэгдүгээрт, үзлэгийн үеэр чемоданы түгжээг амархан тайлдаг. Тийм учраас элдэв нэмэлт цоож зүүх ямар ч шаардлагагүй. Үүний оронд үнэтэй гэж үзсэн эд зүйлсээ биедээ аваад яваарай.

Хоёрдугаарт, чемодан дээрх хэрэггүй бүх наалтуудаас сал. Ачааг ялгах үед ачигч нарт үл ойлгогдох тул таны ачаа хаа нэгтээ төөрөөд алга болж мэднэ.

14
ГоёГоё
2
Ха ХаХа Ха
1
ТэнэглэлТэнэглэл
1
ГайхмаарГайхмаар
0
ХөөрхөнХөөрхөн
0
БахархмаарБахархмаар
0
ХарамсалтайХарамсалтай
0
БурууБуруу
Баярлалаа!

9 Сэтгэгдэл

  1. Uugaa Lkha

    Uugaa Lkha

    2016/12/22 at 14:34

    Яасан. хэрэгтэй зөвлөгөө вэ? Баярлалаа. Маш сайхан мэдээлэл байлаа. Хийсэн бүтээсэн бүхэн чинь амжилт дагуулж байг.

  2. Sunjidmaa Tsagaan

    Sunjidmaa Tsagaan

    2016/12/22 at 20:02

    Saihan heregtei medeelluud bna bayrlalaa

  3. Khulashka Lana

    Khulashka Lana

    2016/12/22 at 21:31

    Shingen yum avch orj bolohgui geed l usaa uuchihaad irdog shig sanagdahiin, bas nuurnii tos edree huraalgaj bsan huuhnuud harj l blaa, yun ongotsond orood chiigshuulegch turheh za buu medee nadaas l dor hun bichsen bv gej

  4. Chamia Bayar

    Chamia Bayar

    2016/12/22 at 21:44

    ус, ундаа оруулдаггүй юм байна лээ. заагдсан хэмжээнээс хэтэрвэл шууд хураалгана. Гар тээшэндээ оо, шампунь нтр хийчихсэн байсан чинь хураалгасан ш д… ккк

  5. Duku Duk

    Duku Duk

    2016/12/22 at 22:02

    Tsatsaa Tungaa

  6. Khulashka Lana

    Khulashka Lana

    2016/12/22 at 22:04

    Chamia Bayar harin tiin, tegsen chin end savtai us joorloj orood l nuurnii arisandaa anhaaral taviad l yavchihlaa, neg heseg shingen zuil horiod l bsan te

  7. ШИНЭ ОН

    2016/12/23 at 12:29

    ХЭРЭГТЭЙ МЭДЭЭ ӨГСӨНД БАЯРЛАА

  8. Zulaa

    2016/12/25 at 10:54

    Us undaag duty free.gees avj orhod ymr ch asuudalgui bdg shu. Gar teeshind tos, chiigshuulegch, shudnii oo geh zereg n 100ml.r iluu hemjeetei baival huuraadag umaa. 100ml.s baga bol bas asuudalgui bdg ahuu

  9. Зочин

    2018/07/30 at 11:47

    security gate-r us undaa ogt oruuldaggui, unertei us, nuurnii tos zergiig 100ml.s deesh savalgaatai bol bas oruulahgui, harin ongotsond orohoos omno duty free area-s us undaa, nuurnii tos hudaldaj avahad yamar ch asuudal baidaggui.

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.