Өнгөрөгч сарын сүүлээр болж өнгөрсөн Moscow Watch Expo 2011 үзэсгэлэн

Үзэсгэлэнгийн оргил хэсэг нь мөнхүү үзэсгэлэнд дэлхийн алдар хүндтэй брэнд цагнуудаас эхлээд хараахан нэрд гараагүй брэндүүдийн цагнууд мөн бие даасан уран бүтээлчдийн бүтээлүүд гэхчилэн мэргэжлийн бүтээлч байдал болон гайхалтай ур чадварын үр дүн болсон цагнууд тавигдсан явдал юм.

Үзэсгэлэнд тавигдсан гайхалтай бүтээлүүдийн дундаас жишээлэн дурдвал Thomas Preseren-ий загвар нь зүүгүй, харин Оросын эртний хуяг дуулгаас улбаатай хоёр толгойт бүргэдийн дүрстэй. Бүргэдийн далавч нь цаг болон минутын зүүний үүргийг гүйцэтгэдэг байна.

Женевийн Cyrus хэмээх залуу компанид зориулан Opus X-ыг үндэслэгч Jean-Francois-ын Klepsys загварын ер бусын нүүртэй цаг.

Эргэлдэгч куб хэлбэрийн зүү болон сарыг илэрхийлсэн алтан бөмбөлөг, түүний гадуурх мөнгөн тал бөмбөрцөг зэрэг гайхалтай бүрдлүүд бүхий нүүртэй энэхүү цагийг Санкт-Петрбургийн уран бүтээлч Константин Чайкин бүтээжээ.

Тэрбээр мөн Ортодоксын баярын өдрүүдийг тусгасан дэлхийн цорын ганц хуанли болох Муслимын хуанли бүхий гайхалтай цагнуудыг бүтээгч юм.

Fanck Muller Group-ын эзэмшигчийн хүү Sassoon Sirmeykes спорт, технологи хоёрын нэгдэл болсон хамгийн гайхалтай чиг хандлагуудын нэг болсон Cvstos-ын цагийг дэлгэн харуулсан байна.

Дэлхий дахинд нанотехнологийн анхны цагийг танилцуулж байсан Spaniard Franc Vila-гийн загвар, чиг хандлагатай адил стилийн FVi № 7 загвар.

Нанотубулар титанаар их бие болон зарим хэсгүүд нь хийгдсэн цагнууд нь титан цагнаас 65%-иар хөнгөн болжээ. Эдгээр цагнууд нь дотоод механизмууд болон мэдрэмтгий хэсгүүдийг хамгаалах тал дээр илүү анхаарсан бүтээлүүд болсон байна.

Grieb & Benzinger төслийн бүтээгчид жинхэнэ технологи болон зорилго чиглэлийн тал дээр илүү ажилласан байна. Хамгийн дээд зэргийн сийлбэрч Johann Benzinger-ийн хуучны механизмыг сэргээхээр мэргэжилтнүүд ажиллажээ.

Үзэсгэлэнгийн гол онцлог болсон олон бие даасан уран бүтээлчдийн бүтээлийг дэлгэн харуулсан нь нэртэй брэндүүдийн сүүдэрт үлдэж хоцордог тэдний бүтээлүүдийг олон нийтэд таниулснаараа ач холбогдолтой болсон байна.

Энэ жил Maurice Lacroix инженер Michel-тэй хамтран ажилласнаар дөрвөлжин хэлбэрийн араа бүхий гайхалтай цаг бий болжээ.

Crocus Expo Японы алдарт Seiko брэндийн “хориотой жимс”-ний анхлан гаргалтын талбар болсон байна. Дэлхийн цагны түүхэнд тус компани анх удаа Орост хүрэлцэн ирсэн нь энэ бөгөөд механик Grand Seiko цаг нь хүрч болом урьдчилсан таамаглалыг өөрчилсөн загвар болжээ.

Үзэсгэлэнд хүрэлцэн ирэгсдийн хувьд зөвхөн энд тавигдсан цагнуудыг үзэж сонирхохоос гадна хамгийн чухал нь тэдгээр гайхамшигтай цагнуудыг бүтээгчидтэй ярилцах боломжийг эдлэх боломжтой байснаараа азтай юм.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!