Нэвтрэх зөвшөөрлийн тамга даруулахад хамгийн хэцүү орнууд

Хэдийгээр та энэ улсын элчин сайдын яамтай холбогдож, виз даруулсан байсан ч таны аялалын агент Бутан дахь хүлээж авах талтай холбогдож, тэд цаашаа Гадаад явдлын яамтайгаа холбогдсоны дараа л танд тус улсад нэвтрэх зөвшөөрлийг өгнө. Бутан дахь цорын ганц олон улсын нисэх буудал болох Паро дахь албаны хүмүүст орлогын мэдүүлэг, гэрэл зураг, буцах онгоцны тасалбар зэргээ бүрдүүлж өгөх хэрэгтэй ба эдгээр нь бүгд тамгатай байх учиртай. Бутанд зочлогчдын хувьд бас нэг төвөгтэй асуудал байдаг нь тэнд нисэх онгоцны тасалбар худалдаж авах нь нилээд хэцүү бөгөөд үнэтэй байдаг. Бангкокоос нисэх нислэгийн тасалбар 800 долларын үнэтэй байдгийн дээр зөвхөн нутгийн нисэх онгоцны компаний вэбсайтаар дамжуулан худалдан авах боломжтой байдаг.

Саудын Араб руу жуулчны виз даруулах нь боломжгүй зүйл. Тус орны удирдлагууд өөрсдөд нь жуулчдад үзүүлэх зүйл байхгүй гэж үздэг. Харин жил бүр дэлхийн муслим шашинтнуудын цуглардаг исламын мөргөлийн Хажжийн үеэр мөргөлчдөд зориулсан виз авах боломжтой. Мөн энэ орноор дамжин өнгөрөх транзит виз байдаг нь гурав хүртэлх хоногийн хугацаанд Саудын Арабт байх боломжийг олгодог. Дашрамд дурдахад Арабт зочлоход ямар нэгэн зохисгүй зураг оруулахгүй байхыг зөвлөдөг.

Энэ улсад очихыг хүсэгчдэд хувь хүн эсвэл компаний батлан даагч хэрэгтэй. Бүрдүүлэх бичиг баримтын дунд ямар шалтгаанаар энэ улсад зочлох гэж байгаагаа тайлбарласан захидал, хөтөлбөр, оршин суугаа газрын бүртгэл баримт, татварын баримт гээд олон зүйл шаардана.

Австрали руу очихыг хүсэгчид тэнд очих хугацаанаасаа дор хаяж 4 долоо хоногийн өмнө визийн мэдүүлгээ өгөх хэрэгтэй. Англи хэл рүү орчуулсан баталгаатай бичиг баримтыг хамтатган төлбөрийн хамт илгээх ёстой ба баталгаат орчуулгаар орчуулсан бичиг баримтын хуулбарууд бүгд нотариатаар баталгаажсан байх ёстой.

Энэ улсад зочлох виз авах боломжгүй зүйлсийн нэг. Ганц жуулчин Пхеньяны гудамжаар ганцаараа явахыг зөвшөөрдөггүйн дээр зөвхөн тодорхой зөвшөөрөгдсөн хэсгүүдээс л Умард Солонгостой танилцах боломжтой.