Дэлхийн шилдэг шөнийн амьдралтай хотууд

Нийтлэгч: Лука

Огноо: 2014/01/06

Total0
0

Зогсолтгүй үргэлжлэх амьдрал буцалсан дэлхийн хүн оршин суугчдын хөл хөдөлгөөн нар мандахтай зэрэгцэн эхэлж, нар шингэснээр татардаг. Гэхдээ алтан нарны туяа гийгүүлж байгаа эсэхийг үл анзааран хөгжилдөн цэнгэж, хөл хөдөлгөөнөө үл зогсоодог олон хотууд байдаг ба тэрхүү унтахыг үл мэдэх хотуудад өдөр шөнийн аль ч цагт хөл хөдөлгөөн, баяр наадам, хөгжилдөж үймсэн улсууд үл тасарна. Шөнийн амьдралтай хотуудын шилдэг тавд Америк, Испани, Герман, Бразил зэрэг орнуудын хотууд орж байгаа ба яг ямар хотуудад шөнө болдоггүй болохыг мэдээний дэлгэрэнгүйгээс олж мэдээрэй.

Флорида, Маяами

Загварын ертөнцийнхөн болон алдартнуудын хөлд үргэлж дарагдаж байдаг Маяами. Хэрвээ та алдар цуутай эрхмүүдтэй мөр шүргүүлэн алхахыг хүсэж байгаа бол өвөрмөц Латин аялгуут хөгжим нүргэлж, гоёмсог чимэглэлтэй клубуудээр нь гоо үзэсгэлэн төгөлдөр хүмүүс хөлхсөн Өмнөд эргийг зориорой. Харин сайн хөгжим сонсохыг хүсэж байгаа бол Даунтаун/Уинвуудыг зоривол тэндээс хайж байсан урлагийн ертөнцөө олох болно.

Испани, Ибиза

Ибизагийн олон улсад сэхээ сэлтгүй уур амьсгалаараа алдартай амьдралд шөнө гэдэг цаг хугацаа үгүй. Бүх л шөнийн турш үргэлжлэх мартагдашгүй үдэшлэгүүдэд нь зуны паартинуудыг нь зорин энд цугларсан алдартай ди-жей нарын хөгжмийн нүргээнд өглөөний нар мандтал бүжиглэж болно. Жил бүр Испаний үдэшлэгт арлыг зорин мянга мянган хүмүүс ирж, зөвхөн доргих дуртай хүмүүст зориулагдсан хөл хөдөлгөөнтэй, солиотой цаг мөчүүдийг өнгөрүүлдэг.

Герман, Берлин

Хэрвээ та Берлинд зочлох цорын ганц шалтгаан нь түүх гэж бодож байвал эндүүрэл. Энэ бол гайхамшигтай, хэзээ ч мартагдашгүй шөнийг бэлэглэх техно ертөнц. Хэрвээ та технод дурлагч биш бол энд өөр зүйлс ч бий. Шар айрагны цэцэрлэгүүд, далайн эргийн баарууд, чамин коктейль баарууд, дэлхийн хамгийн гайхалтай инди оршихуйнууд гээд залуу, альтернатив соёлын эх сурвалжууд энэ хотод дүүрэн бий.

Рио Де Жанейро, Бразил

Самба бүжгийн хот. Бразилчууд цагийг хэрхэн зугаатай өнгөрүүлэхийг сайн мэддэг. Бүтэн жилийн турш үргэлжлэх паартинууд нь бага мөнгөөр бүжиглэх, сээтэгнэх, уух боломжийг олгодог. Дэлхийн хамгийн үзэсгэлэнт энэ эрэг дээр хэзээ ч шөнө болдоггүй.

Невада, Лас Вегас

Яг л өдөр мэт гэрэлтэх Лас Вегас. Бараг булан бүхэнд түмэн зүйлийн өнгөөр солонгорон гэрэлтсэн баар, казинонууд амарч унтахыг үл мэдэн ажиллах Лас Вегас хот бол таны хэтэвчин дэх төдийгүй хадгаламжин дахь хэдийг оргүй хийсгэж одно.