Олон хүмүүс үнэн гэж итгэдэг хуурамч зурагнууд

Нийтлэгч: Лука

Огноо: 2013/11/28

Total0
0

Гэрэл зургийн Фотошоп программ нь бидний хувьд гайхмаар зүйл биш болоод удаж байна. Жил бүр зөвхөн мэргэжилтнүүд хараад л үнэн эсвэл хуурамч гэдгийг нь хэлж чадах фотошопдсон зурагнууд үй олноороо гарч байгаа ба тэрхүү зурагнуудын зарим нь үнэхээр жинхэнэ мэт болсон байдаг учир тухайн зурагт дүрслэгдсэн зүйл бодит амьдрал дээр байдаг гэдэгт итгэсэн маш олон тооны хүн байдаг байна. Энд бид олонх хүмүүс жинхэнэ гэж итгэдэг хуурамч, фотошопдсон зургуудыг танилцуулж байна. Магадгүй та ч бас бусдын адил үүнийг үнэн гэж бодож байсан байж болох юм.

Солонгон шар шувуу. Энэ зургийг авсан гэх хүн солонгон шар шувуу Хятадын ойд амьдардаг гэж нотолдог ч үнэн хэрэгтээ энэ зураг дээрх шар шувуу нь Фотошоп программ ашиглан солонгын өнгөөр будсан ердийн шар шувуу юм.

Эйр Францийн 447-р нислэгийн үеэр газар мөргөж сүйрсэн нисэх онгоцны сүүлчийн дүр зураг гэгддэг энэ зураг нь үнэндээ “Lost” цувралын зураг авалтын нэг хэсэг юм. Гэвч интернэтээр тархсан энэ зургийг үнэн гэж олон хүн итгэдэг.

2004 онд Энэтхэгийн далайд болсон цунамигийн дараагаар цахим ертөнцөд тарсан олон зургуудын нэг бол энэ. Гэхдээ энэ зураг нь Чилийн Антофагаста хэмээх боомт хотын зурган дээр фотошопын аргаар хийсэн далайн давалгаа нэмсэн хуурамч зураг юм.

2012 онд Филиппинд болсон их үерийн дараагаар үерийн усан дунд суугаад компьютер тоглож байгаа хүүхдүүдийн зураг жинхэнэ дуулиан тарьсан. Гэвч энэ мөн л хуурамч зураг.

2001 оны 9-р сарын 11-ний өдөр Дэлхийн худалдааны төвийн дээвэр дээр зогсож байгаа жуулчны энэ зургийг нурангин дундаас олдсон хэн нэгний гэрэл зургийн аппаратанд буусан жинхэнэ дүр зураг гэж олон хүн итгэж байсан ч эцэстээ худлаа гэдэг нь батлагдсан юм.

Исаак хар салхины зураг гэгдсэн энэ зургийг хуурамч гэдгийг цаг уурч Жош Линкер баталсан.

Дэлхийн хамгийн том, хамгийн хүнд, хамгийн өндөр нохой бол Геркулес мөн. Гэхдээ энэ зурган дээр нохойг хөтөлж яваа хүн болон хамт яваа морины зураг зэрэг нь нэмж хийсэн хуурамч зүйлсүүд юм.

Энэ зургийг харсан эрүүл ухаантай хүмүүсийн олонх нь үүнийг хуурамч гэдгийг мэдэх биз. Гэхдээ жинхэнэ гэж итгэсэн хүмүүс ч байдаг.

Шидэт үлгэрт дүрслэгддэг гэрэлтдэг далавчтай, бяцхан нисдэг хүмүүс байдаг гэдгийг харуулсан энэ зураг бас л хуурамч. Английн Дербишерийн Дэн Байнес хэмээх зураач, уран барималч үүнийг хийсэн бөгөөд интернэт дуудлага худалдаагаар 300 орчим фунтаар зарахаар төлөвлөж байжээ.

Номоо буруу харуулан барьсан АНУ-ын ерөнхийлөгч асан Бушийн зураг бас л хуурамч.

Эрх чөлөөний хөшөө болон Сэнди хар салхины энэ зураг нь дэлхийн төгсгөлийг дүрслэх гэсэн бас нэгэн оролдлого. Үнэн мэт харагдаж байгаа ч бас л бодит бус зураг юм.

Кувейтын худалдааны төв дэх аварга загасны энэ зураг дээр аварга загас огтоос байгаагүй.

Дэлхий, Буд, Сугар, Ангараг гаригийн энэ зургийг Ангараг гариг дээрээс авсан гэдэг ч одон орны судлах төвд зориулсан программаар бүтээсэн хуурамч зураг юм.

Хар салхи болон аянга цахилгааны наана харагдаж байгаа газрын тосны цамхгийн энэхүү зурагт дүрслэгдсэн хар салхи, аянганы зургийг Фред Смит /Fred Smith/ 1991 оны 6-р сарын 15-нд Флоридад авсан жинхэнэ зураг боловч наана нь байгаа газрын тосны цамхгийг нэмж хийсэн байна.

Энэ мэт фантастик зурагнууд байн байн гарч ирдэг. Энэ зураг дээрх харш нь Германы шилтгээн бол хадан цохио нь Тайландад байдаг хадан арал юм.

Энэ зургийг авсан гэх хүн энэ нууцлаг модыг Африкт байдаг гэдэг боловч Флоридагийн Дисней Уорлд зугаа цэнгэлийн паркт байдаг мод болох нь батлагдсан юм.

Энэхүү мутант туулайны зураг нь Эприл Пүүлийн шог зүйл болон бүтээгдсэн ердийн муурны зураг юм.

Цагаан баавгайн бамбарууш шиг харагдаж байгаа ч үнэндээ энэ нь ердийн жижигхэн чихмэл тоглоом аж.

Шотландын үзмэн ягаан ой гэж олон хүн боддог энэ зурган дээрх газар бол Шинэ Зеландын Шотовер голын фотошопдсон зураг юм.

Японд маш өндөр үнээр зарагддаг Сарны тарвас гэгддэг энэ тарвасны зураг нь үнэн хэрэгтээ жирийн тарвасны зургийг фотошопоор хөх өнгөнд оруулсан зураг аж.