Элдэв төрлийн сонирхолтой баримтууд

1988 онд Арнольд Шварценеггер /Arnold Schwarzenegger/ “Коммандо” /Commando/ киноны үргэлжлэлд тоглохоос татгалзсан учир зохиол шинэ гол дүрийн хүрээнд шинэчлэгдэн бичигдсэн нь “Хатуу самар” /Die Hard/ кино байсан ба энэ нь жүжигчин Брюс Уиллис /Bruce Willis/-ийн карьерын эхлэл байсан юм.

Хэрвээ та атомын дэлбэрэлтийн үүл харвал мөөгөн хэлбэрт үүлний зүг эрхий хуруугаа давхцуулан гозойлгож хар. Хэрвээ утаан үүл эрхий хуруунаас чинь том байвал та дэлбэрэлтийн бүсэд байна гэсэн үг бөгөөд нэн даруй дүрвэх хэрэгтэй гэсэн үг юм.

Америкийн Аризона мужийн Антем хотод нэгэн хөшөө бий. Жил бүрийн ганцхан өдөр нээгддэг энэ хөшөө 11-р сарын 11-нд тохиох Ахмадын өдрөөр нээгддэг байна. АНУ-ын таван зэвсэгт хүчнийг илэрхийлсэн таван ширхэг бетон байгууламжаас бүрдэх хөшөөний таван босоо ханын дунд байх цагирагнуудын дундуур нарны гэрэл зөв өнцгөөс тусах үед АНУ-ын засгийн газрын чухал бичиг баримтуудыг баталгаажуулахад хэрэглэдэг Грит Сиил /Great Seal/ гэрэлтэн харагддаг байна.

Дэлхийн хүн амын өсөлт одоо бараг зогсолтын байдалд байгаа аж. Одоогоор эмэгтэйчүүдийн төрөлтийн үзүүлэлт 2,36 байгаа ба хүн амын энгийн өсөлт эмэгтэйчүүдийн төрөлтийн үзүүлэлт 2,33 байхыг шаарддаг байна.

Тэмбүү өвчнийг Итали, Польш, Германд “Француудын өвчин” гэж нэрлэдэг байхад Францад “Италийн өвчин”, Нидерландад “Испаний өвчин”, Орост “Польшийн өвчин”, Туркт “Христийн өвчин”, Тахитид “Британичуудын өвчин” гэж нэрлэдэг.

1914 оны 4-р сард Рокфеллерт болсон уурхайчдын бослогын үеэр алуурчдыг хөлсөлж, ажилчдын кэмп рүү буудан, гал тавьж, тэнд байсан эрэгтэй эмэгтэй хүмүүс, хүүхдүүдийг ялгалгүй цөмийг нь галдан шатаасан байна.

1600 онд Перуд болсон галт уулын дэлбэрэлтийн дараа 2 сая орчим хүн амь насаа алдсан. Учир нь галт уулын үнс нурам бүхнийг дарж орхисноор аймшигт өлсгөлөн хүн ардыг нэрвэж, олон хүн нас барсан ба энэ явдал түүхэнд “Их өлсгөлөн” хэмээгдэн бичигдэх болжээ.

Энэтхэгийн нэгэн махаража Жай Сингх /Jai Singh/ Лондон дахь Ролс Ройсын павилионд айлчлах үед тэндхийн ажилтнуудын нэг өмнө нь хэн зогсож байгааг үл мэдэн “Манай бүтээгдэхүүнүүдээс та худалдаж авч хүчрэхгүй дээ” хэмээн тохуурхаж байжээ. Гэтэл Сингх 10 машин нэгэн зэрэг худалдан авсны дээр бүгдийг нь Энэтхэг рүү авч явсан байна.

Сансарт анх ниссэн нохойны нэг гөлгийг АНУ-ын ерөнхийлөгч Жон Кеннеди /John F.Kennedy/-гийн охинд өгчээ. Энэхүү бэлэг нь Кеннеди болон Хрушевын харилцааны суурийг тавих зорилготой байжээ.

Вазелиныг зохион бүтээсэн Роберт Чезбро /Robert Chesebrough/ нээлт хийсэн өдрөө халбага дүүрэн вазелин идчихсэн байна. Гэхдээ энэ нь түүний биед ямар ч сөрөг нөлөө үзүүлээгүй бөгөөд тэрээр 96 насыг насалсан юм.

Словак болон Словений элчин сайдын яамдууд сардаа нэг удаа тогтмол уулзалдах хэрэгтэй болдог байна. Учир нь ижил нэртэй хүмүүсийн захидлууд андуурагдан очсон явдлуудын учрыг тайлахад оршдог аж.

Жүжигчин Жорж Клуни /George Clooney/ залуудаа нэгэн мууртай хүнтэй хамт амьдардаг байсан ба тэр нь их залхуу хүн байжээ. Заримдаа тэр нь муурныхаа хоолны савыг дараалан дөрөв хоног угаалгүй орхичихдог байсан гэнэ. Тав дахь өдрөөс нь залхаж, хөөрхий муурыг өрөвдсөн Клуни муурынх нь савыг угааж өгдөг байжээ.

Үнсгэлжин үлгэрийн хамгийн анхны хувилбар хятад хэлээр бичигдсэн.

Галын усны цоргыг зохион бүтээсэн хүний нэрийг хэн ч мэдэхгүй. Учир нь зохион бүтээгчийн патент нь галд шатсан байна.