Зун цаг ирэхэд бид жимс жимсгэнээс хүссэн амин дэмээ авч чадна. Өвөл цагаар хөлдөөсөн жимс жимсгэнэ дэлгүүрийн лангуугаар дүүрэн байдаг ч дөнгөж ургасан шинэ гүзээлзгэнийг юу ч орлож чадахгүй.
Та бүхэнд гүзээлзгэнээр хийж болох амттануудыг танилцуулах гэж байна. Энэ зун та гараа гарган хийгээрэй.
Гүзээлзгэнэ, рикоттатай тарт
Орц:
- Цөцгийн тос – 100 г
- Сахар – 25 г
- Өндөгний шар – 1 ш
- Гурил – 150 г
- Жижиглэсэн миндаль самар – 50 г
- Ус – 2 х.х
Хачирт:
- Рикотта – 200 г
- Сахар – 125 г
- Өндөг -1 ш
- Өндөгний цагаан – 1ш
Хийх арга:
- Цөцгийн тосыг сахартай холиод дээрээс нь самраа нэмнэ.
- Өндөгний шар, хэдэн халбага хүйтэн ус хийж гурилаа зуурна.
- Гурилаа бөмбөлөг хэлбэр бэлдээд гялгар уутаар битүүлж хөргөгчид 30 минут байлгана.
- Өндөг, өндөгний цагааныг багахан саахартай миксердээд дээрээс нь рикотта хийж сайтар xутгана.
- Гурилаа бэлдсэн хэвэнд хийж хэвлээд шарах шүүгээнд 10 минут шарна.
- Тартын сууриа шарах шүүгээнээс гаргаж ирээд хачираа хийнэ.
- 180-200 хэмийн шарах шүүгээнд 45 минут орчим шарна.
- Шинэ жимсгэнэ, гааны навчаар чимээд сахарны нунтаг цацаарай.
Фисташки самартай, шоколадаар бүрсэн гүзээлзгэнэ
Орц:
- Гүзээлзгэнэ – 200 г
- Хар шоколад – 100 г
- Фисташки самар/нунтагласан – ½ х.х
Хийх арга:
- Шоколадаа халуун усны ууранд байр хайлуулна.
- Гүзээлзгэнээ угааж хатаагаад цэвэрлэнэ.
- Жимсгэнийг хайлуулсан шоколаданд дүрж бүрээрэй.
- Шоколад хатахаас өмнө самраа цацаж бүрнэ.
Гүзээлзгэнэ, рикоттатай будааны пудинг
Орц:
- Болгосон будаа – 2 х.х
- Самартай шоколад – 20 г
- Рикотта – 2 х.х
- Сахарны пудр
- Ванилийн сахар – 1 уут
- Гүзээлзгэнэ – 4 ш
Хийх арга:
- Блендерт рикотта, хагас уут будаа, сахарны пудр болон ванилийн сахар хийж бутлаад яг хүүхдийн будаа шиг болгоно.
- Шоколадаа хайлуулна.
- Хоёр гүзээлзгэнээ жижиглэн хэрчинэ.
- Бокалын ёроолд хайлуулсан шоколад, дараа нь 1 ц.х будаатай рикотта, дээрээс нь дөрвөлжин хэрчсэн гүзээлзгэнэ, дахиад будаатай рикотта. Хамгийн сүүлд бүтэн гүзээлзгэнээр чимнэ.
- Идэхээсээ өмнө хөргөгчид 30 минут орчим байлгавал бүр амттай болно.
Цагаан шоколад, гүзээлзгэнэтэй рулет
Орц:
Суурь:
- Өндөгний шар – 6 ш
- Сахар – 100 г
- Крахмал – 1 ц.х
- Гурил -80 г
Крем:
- Цагаан шоколад – 150 г
- Тослог крем – 250 г
- Сахарны пудр – 2 х.х
- Гүзээлзгэнэ – 100 г
- Нимбэг – 1 ш
Хийх арга:
- Өндөгний шар, сахараа миксердэж хөөсөртөл xутгана. Дээрээс нь шигшсэн гурилаа хийж сайтар зуурна.
- Шарах шүүгээний хавтанг цөцгийн тосоор тослоод гурилаа жигд тарааж 18-20 минут 180 хэмд шарна.
- Кремд ашиглах шоколадаа хайлуулна. Гүзээлзгэнээ нимбэгтэй холино.
- Тослог кремээ сахарны пурдтэй холиод дээрээс нь шоколад, нимбэгтэй гүзээлзгэнээ хийнэ.
- Суурь бэлэн болонгуут гаргаж ирээд хөргөсний дараа бэлдсэн кремээ түрхэж хуйлна.
Крем, гүзээлзгэнэтэй меренг
Орц:
- Шинэ гүзээлзгэнэ – 400 г
- Нимбэг -1/2
- 33-35%-ийн тослогтой крем – 300 мл
- Бальзамын уксус – 3 х.х
- Сахар – 2 х.х
- Ванилийн сахар – 1 чимх
Меренг:
- Сахарны пудр – 300 г
- Өндөгний цагаан – 5 ш
- Эрдэнэ шишийн крахмал – 2 ц.х
Хийх арга:
- Шарах шүүгээг 120 хэм хүртэл халаана.
- Меренг бэлдэх: өндөгний цагааныг миксердэж хөөсрүүлнэ.
- Миксерийн хурдыг багасгаад сахарны пудрын тал, дараа нь крахмал хийгээд харин сүүлд нь үлдэгдэл сахарны пудрийг хийж 10 минут орчим миксердэнэ.
- Хүнсний цаасыг жигд дугуй хэлбэрээр зүснэ.
- Хөөсрүүлсэн өндөгний цагаааа бэлдсэн цаасан дээр тавина.
- Урьдчилан халаасан шарах шүүгээнд меренгийг 1 цаг орчим шарсаны дараа шарах шүүгээг унтрааж меренгийг 15-20 минут тэндээ байлгана.
- Нимбэгийн шүүсийг шахаж 1 х.х сок авна.
- Гүзээлзгэнээ 4 хэсэгт хуваагаарай.
- Жимсгэнээ сахарны пудр, ванилийн сахраар бүрж дээрээс нь нимбэгийн шүүс, бальзамын уксусаа цацаад үлдээнэ.
- Хэрвээ та бэлэн крем аваагүй бол крем бэлдэнэ.
- Меренгийн дээд хэсгийг xутгаар зөөлөн товшиж гялгар хэсгийг салгана.
- Меренгийн голд нь гүзээлзгэнээ хийж дээрээс нь гүзээлзгэнийн соус асгана.
- Цөцгий эсвэл кремээр чимж, шинэ жимсгэнэ хэрчиж тавиарай.
Гүзээлзгэнэтэй кайзершмаррн
Орц:
- Гүзээлзгэнэ – өөрийн хүссэн хэмжээгээр
- Миндаль самрын навч – өөрийн хүссэн хэмжээгээр
- Сахарны нунтаг – өөрийн хүссэн хэмжээгээр
- Ром – 1 х.х
- Сүү – 150 г
- Сахар – 1 х_х
- Цөцгийн тос – 20 г
- Гурил -100 г
- Ванилийн сахар – 1 уут
- Үзэм – 1 х.х
- Нимбэгийн хальс – өөрийн хүссэн хэмжээгээр
- Өндөг – 3 ш
Хийх арга:
- Үзэм дээрээ ром эсвэл өөрийн дуртай согтууруулах төрлийн ундаа хийнэ. Өндөгний шар, цагааныг салгаж шарыг нь ванийлийн сах, сүү, гурил, хальстай холино.
- Цагааныг нь хөөсөртөл нь миксердэнэ.
- Өндөгний шар, цагаан холино.
- Шарах шүүгээний хавтан дээр гурилаа жигд тарааж тавиад 180 хэмд 2-3 минут болгоно.
- Үзмээ цацаад буцаагаад шарах шүүгээнд хийнэ.
- Шаргал өнгөтэй болтол нь болгоорой.
- Жижиглээд хугалаад дээрээс нь сахар цацаж жижиглэсэн цөцгийн тос тавина. Буцаагаад шарах шүүгээнд хийж сахар хайлтал байлгана.
- Таваглаад миндалийн навч, сахарны нунтгаа цацна. Гүзээлзгэнээ тавиарай.
Гүзээлзгэнэтэй сорбет
Орц:
- Шинэ гүзээлзгэнэ – 500 г
- Сахар – ¼ стакан
- Жүржийн шүүс – 100 г
Хийх арга:
- Сахараа блендерт бутална.
- Дээрээс нь жимсгэнэ, жүржийн шүүсээ нэмж бүгдийг бутална.
- Сорбетээ аягалаад гааны навчаар чимээрэй.
Цагаан шоколад, гүзээлзгэнэтэй тирамису
Орц:
- Гүзээлзгэнэ – 300 г
- Ванилийн сахар – 1 уут
- Савоярди жигнэмэг – 12
- Маскарпоне – 200 г
- Цэвэр йогурт – 50 мл
- Рикотта – 200 г
- Сахар, эсвэл сахарын нунтаг – 50 г
- 35 хувийн тослогтой цөцгий – 100 мл
- Цагаан шоколад – 100 г
Хийх арга:
- Гүзээлзгэнээ ванилийн сахартай холиод гал дээр тавьж 5 минут орчим аажим xутгасаар буцалгана.
- Маскорпенег рикотта, йогурт, сахартай холино.
- Кремийн талыг хэвнийхээ ёроолд тарааж тавина.
- Дээрээс нь савоярди жигнэмгээ тавиад дээрээс нь үлдсэн кремээ түрхэнэ.
- Цөцгийгөө миксердэж хөөсрүүлээд гүзээлзгэнийнхээ дээр тавина. Цагааны шоколад жижиглэн чимэглээрэй.
Гүзээлзгэнэ, бритэй халуун кростини
Орц:
- Гүзээлзгэнэ – 50 г
- Бри бяслаг – 60 г
- Хушга – 4
- Өтгөн зөгийн бал -1 х.х
- Гоньд – 1 чимх
- Бальзамын соус – 1 х.х
- Чиабатт – 4 хэрчим
Хийх арга:
- Чиабатт эсвэл багет талхаа хөндлөн хэрчинэ. Талхаа нимгэн хэрчих хэрэггүй – 2-2,5 см байвал зүгээр (тэгвэл гадна тал нь шаржигнуур, дотроо зөөлөн хэвээр байна)
- Хайруулын таваг дээр талхаа хоёр талаас нь шаргал өнгөтэй болтол нь шарна.
- Талх дээрээ зөгийн бал түрхээд шарах шүүгээний хавтан дээр өрж тавина.
- Бри баслагаа нарийхан хэрчиж талх дээрээ тавина.
- Гүзээлзгэнээ хэрчиж бяслаг дээр тавина.
- Гоньдоо дээрээс нь цацаж хушгаар чимэглээд шарах шүүгээнд 200 хэмд 5-10 хийж болгоно.
- Шарах шүүгээнээс гаргаад бальзам цацаарай. Халуунаар нь идвэл сайхан амттай.
Гүзээлзгэнэ, аарцтай кнедлик
Орц:
- Өндөг – 1 ш
- Хүүхдийн будаа – 1 х.х
- Гурил – 100 г
- Цөцгийн тос – 20 г
- Нимбэгийн хальс
- Сахар – 3 х.х
- Аарц – 250 г
- Гүзээлзгэнэ – 150 г
Соусанд:
- Сүү – 250 мл
- Өндөгний шар – 1
- Крахмал – 1 х.х
- Сахар – 1 х.х
- Ванилийн сахар – 8 г
Хийх арга:
- Аарцаа өндөгтэй хольж миксердээд дээрээс нь цөцгийн тос хийж холино.
- Гурил, давс, сахар, хүүхдийн будаа, нимбэгийн хальстай холино.
- Хуурай холимгоо аарц дээрээ хийж зуураад 1 цаг хөргөгчид амраана.
- Энэ хооронд соусаа бэлдэнэ. 50 мл сүү дээр крахмал хийж сайтар xутгана. Өндөгний шараа хийж хутгуураар сайтар xутгаад үлдсэн сүүгээ хийж сахараа хийж сайн холино.
- Хольж байхдаа зөөлөн гал дээр тавьж буцалгахгүйгээр өндөгний шараа болтол нь xутгана.
- Аарцтай зуурмагаа гаргаж ирээд 6-8 хэсэгт хувааж голд нь нүх гаргаж бүтэн эсвэл дундуур нь хуваасан гүзээлзгэнээ хийнэ.
- Гурилаа битүүлнэ.
- Буцалж байгаа усанд хийгээд 1-2 минут чанаад галаа унтрааж 10 минут орхино.
- Идэхдээ ванилийн соусаар зодоорой.
Гүзээлзгэнэтэй чизкейк
Орц:
- Цөцгийн тос – 50 г
- Цөцгийтэй бяслаг – 250 г
- 33-35 хувийн тослогтой цөцгий – 100 мл
- Сахарны нунтаг – 120 г
- Желатин – 10 г
- Гүзээлзгэнэ – 8 ш
- Ванилийн экстракт – 1 ц.х
- Аарц – 50 г
- Жигнэмгийн үйрмэг – 200 г
Хийх арга:
- Цөцгийн тосоо хайлуулж жигнэмгийн үйрмэгтэйгээ холино.
- 16 см диаметртэй хэвэнд зуурсан жигнэмгээ тарааж тавиад сайтар дарж хэвлэнэ. Хэсэг хугацаанд хэв барьтал байлгаарай.
- Желатинаа усанд хийж дэвтээгээд тал цөцгийгөө хийж зөөлөн гал дээр желатин уустал xутгана. Хөргөнө.
- Үлдсэн цөцгийгөө сахарны нунтагтай хольж миксердэнэ. Цөцгийтэй бяслагаа аарцтай холино. Дээрээс нь хөөсрүүлсэн цөцгий, ванилийн экстракт, желатинтай цөцгийгөө нэмээд бүгдийг сайтар холино.
- Гүзээлзгэнээ дундуур нь хуваана, чимэглэлд хэдийг авч үлдээрэй.
- Цагираг хэлбэртэй хэлэнд цаас дэвсээд дээрээс нь гүзээлзгэнээ тарааж тавина.
- Хэвээ гүзээлзгэнийн кремээр дүүргээд жигд тараана.
- Чизкейкээ хөргөгчид хийж хэдэн цаг (хонуулбал сайн) биежүүлнэ.
- Биежсэний дараа хэвнээс салгаад үлдсэн гүзээлзгэнэ, самар, жигнэмгийн үйрмэг, кокосын үйрмэг зэргээр чимэж болно.
Гүзээлзгэний пастил
Орц:
- Гүзээлзгэнэ – 1 кг
- Сахар – ½ стакан
- Гаа
Хийх арга:
- Гүзээлзгэнийг блендрээр нухаш болтол нь бутлаад дээрээс нь сахар, гаагаа хийж сайтар холино.
- Шарах шүүгээний хавтан дээр хүнсний цаас дэвсэж 5 мм зузаантай байхаар нухшаа жигд тарааж түрхэнэ.
- Шарах шүүгээг 60-70 хэм хүртэл халаагаад 6-8 цаг пастил бүрэн хаттал болгоно.
- Пастил болонгуут нь цааснаас болгоомжтой хуулж аваад рулет болгон орооно. Удаан хадгалахыг хүсвэл шилэн саванд хийж таглан хадгална. Эсвэл дэр дор нь цайтайгаа идсэн ч болно.
Animation program
2016/11/04 at 08:39
whoah this weblog is fantastic i love reading your articles.
Stay up the great work! You realize, many people are
searching around for this info, you could aid them
greatly. http://www.webtoolmaster.com/wtm_e.htm