Google компани өөрийн хэрэглэгчийн тухай аливаа мэдээллийг цуглуулж, нууцыг нь хадгалж чаддаг гэдгээ нэгэнт нуухгүй байгаа. Та “Үйл явдлыг хянах” хувилбарыг ашиглан өөртэйгөө холбоотой аливаа мэдээллийг үзээд, шаардлагатай бол устгаж болно.
Google саяхан “My account”-ийг сайжруулсан бөгөөд ашиглахад маш эвтэйхэн болжээ. Хэрэглэгчид өөрийнхөө тухай цуглуулсан мэдээллийг хараад зогсохгүй устах боломжтой болсон байна. Мөн таны дуут хайлтыг хүртэл хадгалсан байгаа нь сайхан.
Юуны түрүүнд My account руу ороод (https://myaccount.google.com/?pli=1) “Activity Controls” руу шилжинэ. Шинэ цонх нээгдэхэд хэд хэдэн үндсэн цэснүүд доош жагссан байдалтай гарч ирнэ:
- Хандсан хайлт, орж үзсэн хуудас
- Таны очиж үзсэн бөгөөд тэмдэглэсэн газрууд
- Дуут хайлт, комманд
- YouTube–ээс хайсан видео
- YouTube дээр үзсэн видео
Хэрвээ та Google-ийн идэвхтэй хэрэглэгч бол Chrome хөтөчийг ашиглаарай, дээрээс нь та Android ухаалаг утастай бол таны хаана очсон, ямар сайт үзсэн, ямар видео үзсэн зэргийг ямар ч хүндрэлгүй мэдэж чадна. Эдгээр түүхийг та огноогоор нь харах боломжтой.
Google-ийн хадгалсан эдгээр түүхийг хараад устгах шаардлагатай гэснийгээ устгаж болно. Маш амархан: устахыг хүсэж байгаа түүхээ сонгоод л “delete” хийнэ. Хэрвээ та хэд хэдэн хоногийн түүхийг эсвэл бүгдий нь устгахыг хүсвэл дээд өнцөгт байгаа өөр комманд ашиглана. “My account” –даа таны үйлдлийн түүхийг хадгалахгүй байх сонголт хүртэл байгаа нь таны ажлыг хөнгөвчилж өгнө.
Жорж Оруэллийн “1984” зохиолын дүр болох Том Ахын үүргийг Google-ийнхэн сүүлийн жилүүдэд дэндүү сайн гүйцэтгэж байна. Бидний алхам тутмыг хянах үүргийг шүү дээ. Харин зарим нэг түүхийг устгах боломж олгож байгаа нь сайшаалтай хэрэг юм.
Bataa Ganchimeg
2016/06/14 at 22:55
Bataa Ganchimeg
2016/06/14 at 22:55