Онлайн худалдааны eBay сайтаар зарагдсан хамгийн ер бусын зүйлс

Орчин үеийн барууны эцэг эхчүүд энэ сэдвээр “Хэрвээ чи муу байх юм бол чамайг еВаy дээр зарж орхино шүү.” гэж хошигнох дуртай. Гэтэл Германы ингэж хошигногчдын нэг нь үүнийг жинхэнээсээ хийж орхисон бөгөөд хүүхдийн эхний үнэ нь 1 евро байжээ. Хүүхдээ зарж байгаагийн шалтгаан нь тэр хэтэрхий их чимээ гаргасан гэнэ. Хатуу ширүүн Германы удирдлагууд энэ явдалд маш мэдрэмтгий хандаж, хүүхдээ худалдагчийн эцэг байх эрхийг нь хасаж, хүүхдийг нь асран хамгаалалтанд авсан ба эцэг эхчүүд иймэрхүү байдлаар хүүхэд наймаалах хэрэг хийж байгаа эсэх талаар мөрдөн байцаалт хийж эхэлсэн байна.

2007 онд онлайн дуудлага худалдааны еВау сайтан дээр байшингууд болон дэн буудал бүхий 52.609 м.кв талбайтай бүхэл бүтэн хотын газар худалдана гэсэн зар тавигджээ. Оршин суугчдын олонх нь нүүж одсон энэ газарт өгөх үнэ эхэндээ маш сайн нэмэгдэж байсан ч эцэстээ өгсөн бүх үнэ нь худалдагчийн 2,5 сая доллар гэж үнэлсэн үнэнд нь хүрээгүй байна. Түүнчлэн дуудлага худалдааны төгсгөлд газар болон барилгууд нь тус тусдаа зарагджээ.

Нэгэн Америк эр сүнстэй гэж зарласан нэгэн эргийг зарахаар онлайн дуудлага худалдаанд оруулсан бөгөөд тэрхүү сүнс нь түүний эд хөрөнгийг булаах гээд байгаагаас айж байгаа хэмээсэн нь хэвлэл мэдээллийн хэрэгслээр маш их тархаж, үүний үр дүнд банк 50,000 доллараар зарагдсан байна. Эргийг худалдан авагчийн хувь тавилан яасан нь тодорхойгүй байгаа ч ухаалаг худалдагч үр дүнд нь маш өндөр сэтгэл ханамжтай үлдсэн нь гарцаагүй юм. Энэ нь ч аргагүй учир нь тэр сүнснээсээ салснаар барахгүй чамгүй хэмжээний мөнгөтэй болсон шүү дээ.

Хүмүүс мөнгө олохын тулд янз бүрийн л ажил хөдөлмөр эрхэлж, арга зам сүвэгчилдэг. Гэхдээ мөнгөний төлөө өөрийнхөө духыг зар сурталчилгааны талбар болгон худалдаж болох тухай та урьд өмнө нь хэзээ нэгэн цагт сонсож байсан уу? Небраскагийн нэгэн овсгоотой иргэн 30 хоногийн хугацаатайгаар духан дээрээ ямар нэгэн компаний лого эсвэл вэбсайтыг байрлуулах үйлчилгээг санал болгосон бөгөөд баяжих баталгаатай бөгөөд хурдан арга зам байж магадгүй гэж бодож байсан энэ худалдааных нь хамгийн дээд үнэлгээ ердөө 322 доллар болсон байна.

Дотор эрхтнээ худалдаалах нь мөнгө хийх маш эрсдэлтэй арга зам. Өөрийн зах зээлтэй энэ төрлийн наймааг Флоридагийн нэгэн санаа шулуудсан эрхэм хийхээр шийдэж, еВау дээр элгээ худалдах зарыг тавьсан ч ийм байдлаар дотор эрхтнийг худалдаалах нь хууль бус учир энэ тухай мэдээлэл хэвлэл мэдээллийн хэрэгслээр цацагдсанаас хойш удалгүй дуудлага худалдаа хаагдсан байна. Тухайн үед үнэлгээ нь 5,7 сая доллар хүрсэн байжээ.

Ямар гээчийн шарсан талх гэхээрээ дуудлага худалдаагаар зарагдаж, тэр тусмаа 28,000 долларт хүрдэг байнаа? Энэ шарсан талхны гол онцлог нь талхан дээр Гэгээн Мариягийн дүр харагдаж байгаад оршиж байгаа аж.

Зул сарын баярын зоогийн дараа олон Европчууд брюссель байцааг маш ихээр хэрэглэдэг ч хэнийх нь ч санаанд энэ байцааг еВау дээр худалдах бодол орж ирээгүй юм. Харин нэгэн Британи эрхэм 2005 онд хөлдөөсөн брюссель байцааг еВау сайтаар дамжуулан зарахдаа тайлбар дээр нь олсон бүх ашгаа буяны үйлсэд хандивлана гэсэн байжээ. Дэлхийн гурван оронд туслах санд хандивлах түүний мөнгө 99,50 фунт стерлинг болжээ.

еВау дээр голдуу машин, завь зардаг. Гэтэл тийрэлтэт онгоц зарна гэсэн нь маш анхаарал татам зүйл байсан. Калифорний нэгэн эр F-18 загварын байлдааны тийрэлтэт онгоц зарахаар анхны үнийг 1 сая доллараас эхлүүлсэн байна. Гэвч АНУ-ын засгийн газар энэ худалдааг таашаагаагүйгээр барахгүй уг тийрэлтэт онгоцыг АНУ-ын газар нутгаас гарах ёсгүй гэж шаардсан байна. Онгоц ч зарагдаагүй бөгөөд одоо хэр нь яасан нь тодорхойгүй байгаа аж.

Лондон хотын оршин суугч нэгэн бүсгүй еВау сайтан дээр хуримын урилга худалдаалж 535 фунт цуглуулсныгаа чихрийн шижинтэй хүмүүст туслах буяны уулын аялалд зарцуулжээ.

Гэр бүлийн амьдрал нь бүтэлгүйтсэн Британичуудын тэн хагас нь Австрали руу явж, амьдралаа шинээр эхлүүлдэг аж. Тэдний нэг нэгэн эрхэм хуучин амьдралаа еВау дээр зарах нь их тохиромжтой арга гэж үзсэний учир байшин, машин тэр ч бүү хэл гэр бүл, найз нөхөдтэйгээ хамт авахуулсан зургуудаа хүртэл зарсан байна.