Тамхинаас гарахаар шийдэж, электрон тамхи татаж байна уу? Харвардын Их сургуулийн эрдэмтэд электрон тамхи эрүүл мэндэд маш хортой гэдгийг анхааруулжээ.
Электрон тамхинд агуулагдах шингэнд химийн ямар бодисууд ордог талаар судлаачид нарийн судалж үзсэн байна. Telegraph сонинд бичсэнээр, үхэлд хүргэх нэг бодис судалгаагаар илэрсэн ажээ.
Анхилуун үнэр оруулахын тулд электрон тамхины шингэнд диацетил хэмээх бодис нэмдэг юм байна. Энэхүү бодисын уураар амьсгалахад уушги үрэвсэж, амьсгал боогдуулах бронхитоор өвчлөх шалтгаан болдог гэнэ. Түүнээс гадна уушгины эсийн бүтэц өөрчлөгдсөний улмаас уушги устах аюул дагуулна. Өвчний шинж тэмдэг – хүчтэй хуурай ханиалга, амьсгаадах.
Профессор Жозеф Аллен амьсгал боогдуулах бронхитоор попкорны үйлдвэрийн ажилчид ихэвчлэн өвчилдөг тухай онцолжээ. Үнэр оруулагчаар диацетилийг ашигладаг аж. Барууны хэвлэлүүдэд энэ талаар “попкорноос гаралтай уушгины өвчин” хэмээн бичигддэг.
Доктор Аллены удирдлага доор ажилласан судлаачдын багийнхан анхилам үнэртэй 51 ширхэг электрон тамхийг шалгаж үзсэн байна. Гэтэл 47 нь диацетил, сцетон, пентандион гэсэн химийн маш аюултай гурван бодисоос дор хаяж нэгийг агуулсан байжээ. Өнгөрсөн онд Грекийн эрдэмтэд Европын брэнд электрон тамхи үйлдвэрлэгч томоохон компаниудын бүтээгдэхүүний 70% нь диацетил агуулдаг талаар дүгнэлт гаргасан. Электрон тамхины аюулгүй байдалд эргэлзэж буй эрүүл мэндийн томоохон байгууллагууд бий бөгөөд үүнд Дэлхийн Эрүүл мэндийн байгууллага, Лондоны эрүүл ахуйн сургууль, Ливерпулийн Их сургууль орж байна.
Диацетил нь хүнсний болон үнэртэн, гоо сайхны бүтээгдэхүүнд ашиглахад хоргүй бөгөөд электрон тамхины хэрэглэгчид шиг удаан хугацаагаар амьсгалахад л аюултай гэдгийг эрдэмтэд онцолж байгаа юм.
Тэнэглэл
Хөөрхөн
Гоё
Ха Ха
Гайхмаар
Бахархмаар
Харамсалтай
Буруу
Г. Түвшинбаяр
2016/04/10 at 01:30
ene ugaasaa yamar olig baidiin!!!
Corn Terry
2016/04/10 at 01:38
delhii niiteer horichihson baihad Mongold free
EZI
2017/12/06 at 10:35
tegsenii orond zuger tamxi tatsan n deer yum bishuu :))