Хамгийн зохимжгүй хувцасладаг алдартнууд

Эрчүүд моодны араас хөөцөлддөггүй, энгийн даруу байхыг эрхэмлэх ёстой гэж үздэг шүү дээ. Гэвч найзууд дундаа, ялангуяа бүсгүйчүүдийн нүдэнд тэнэг харагдахгүйн тулд зарим нэгэн муу үлгэр дуурайлал болохуйц хүмүүсийн хувцаслалтыг судалж үзэх хэрэгтэй. Дуурайж болохгүй, “моод алдаг” алдартнуудыг онцолъё.

1. Марк Зукерберг

35 тэрбум долларын эзэн хүн бол дэлхийг “Adidas улавч, навсгар цамц өмсөөд суудаг өөрийн гэр” гэж үздэг байж болно.

Даган дуураймаар гоё харагдаж байна уу? Үгүй дээ, баярлалаа. Стив Жобсын даруухан Levi’s өмд, Issey Miyake хар цамцыг санаж байгаа биз дээ? Нүцгэн тавхайгаа гялалзуулаад суух нь түүнээс тэс өөр зүйл юм.

Facebook-ийн эзэн, гэргий Присцилла Чаны хамт:

2. Микки Рурк

Хоёр хувилбар байна. Жүжигчин эр айлд ороод хувцасны шүүгээнээс нь гарт таарсан эр, эм хамаагүй хувцаснуудыг хуу хамдаг байж мэднэ.

Эсвэл тэрээр энэ насандаа хэн нэгнийг айхтар гомдоогоод, одоо тэр нүглээ ийм гутамшигт төрхөөр цайруулж амьдардаг юм болов уу?

3. Жонни Дэпп

Энд нэг асуулт гарч байна. Кинонд Жонни элдэв гаж төрхтэй дүрүүдийг бүтээдэг үү эсвэл тэд Жоннигийн дүрд тоглодог юм болов уу?

Хэзээ нэгэн цагт соёл иргэншил нуран унаж дэлхийн мөхөл ирлээ гэхэд гудамжны танхайчууд л ингэж харагдах биз. Харин өнөөдөр бол ногооны талбайн мануухайнаас тайлж авсан гэлтэй ноорхой хувцас, энд тэндгүй унжиж санжсан зүүлт сэлтийг (толины өмнө удаан зогсож сонгосон бололтой) үлгэрийн ханхүү юм уу, толгойдоо жаахан “юмтай” суут ухаантан л өмсөж зүүх байх.

4. Роберт Паттинсон

29 настай Британийн жүжигчин залуу маань нэг дор “хамгийн стильтэй”, “хамгийн тэнэг хувцасладаг” гэсэн жагсаалтад багтаж байна. Ranker сайтад түүнийг “аймаар харагддаг” алдартнуудын 10-т бичсэн байгаа.

Тэрээр нүүрээ угаах дургүй гэдгээ нэгэнтээ дурьдсан бөгөөд ингэж ярих хэрэггүй байсан юм. Тэртэй тэргүй л ил юм чинь. Түүнчлэн нэрт дизайнеруудын хийсэн хувцсаар чамирхах дуртай ч , яг л хогийн савнаас ухаж гаргасан мэт харагддаг. Орон гэргүй хүн шиг хааш яаш төрх нь нусгай жаалуудын шүтээний хувьд тохиромжтой байж магадгүй ч, нас биед хүрсэн эр хүн энэ хайнга байдлаа засах л хэрэгтэй.

5. Жастин Бибер

“Намайг алаад орхи” – 22 настай канад дуучны стилийг цөөн үгээр хэлвэл ийм байна. “Эршүүд” харагдах оролдлого ч алга. Захыг нь шахаж товчилсон цамц, савхин хүрэм, ковбой өсгийт – үнэхээр дур гутам хослол. Nirvana сул цамц нь хүндрүүлэх нөхцөлтэй гэмт хэрэгтнийг санагдуулна.

Оросын GQ сэтгүүлд нэгэнтээ бичсэнээр, Биберийн залуу насны аймшигт зургууд Google-ийн гэрэл зургийн буланд үүрд хадгалагдана. Энэ зургууд ч бас.

6. Чарли Шин

Өтлөх яагаа ч үгүй сайхан насандаа (50 настай) хүн өөрийгөө археологийн олдвор болгож чадахын тод жишээ.

Боулингийн хуучинсаг загварын цамцыг тэрээр өөрөө өмсөөд зогсохгүй, оёж худалддаг юм. Хүүхэмсэг өвгөчүүдээс гадна энэ хувцсыг нь хөгшчүүдэд зориулсан диско клубын дижэй л өмсөж магадгүй.

7. Хью Хефнер

Playboy-ыг үндэслэгч, тэтгэврийн дэггүй хөгшнийг хараад авах хэрэгтэй. Олон нийтийн газар унтлагын өмд цамц, гэрийн халаадтайгаа иржээ.

Цэргийн малгай хазгай тавьчихсан. Шаргал үст хүүхнүүдээр бүчүүлээд л.

8. Сергей Безруков

“Бригада” киноны Саша Беловын дүрээр танигдсан жүжигчин маань 90-ээд оны моодноос нэг хэсэгтээ л гараагүй. Мөн тэрээр эмээ нарын гэртээ хийдэг “орос баатар эр” стилийн хувцсыг эрхэмлэдэг нь баруун талын зураг дээрх нэхмэл хуягнаас харагдаж байна.

Өмнөх эхнэр Ирина Безруковагийн хамт Францад.

Сибирьт шинэ эхнэр Анна Матисонтой хамт.

1

Буруу

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

Баярлалаа!