Дэлхийн хамгийн даруухан баячууд

Хэрвээ та тэрбумтан болвол яах вэ? Ихэнхи хүмүүс урьд өмнө нь хүсч байсан ямар нэг материаллаг зүйл, үйлчилгээ… зэрэг зүйлийг тоочиж эхэлдэг ба учир нь баян байх гэдэг тансаг амьдралтай нэгэн утгаар ойлгогддог учраас тэр.

Гэхдээ доор дурьдах хүмүүс харин өөрөөр ойлгодог бололтой. Тэд тэрбумаар тоологдох хөрөнгөтэй боловч энгийн даруухан амьдралыг илүүд үзэж ганган тансаг амьдралаас зайлсхийдэг билээ.

Уоррен Баффет, хөрөнгө – 60 тэрбум 700 сая ам доллар

Хэдийгээр түүний хөрөнгө 60 тэрбумыг давсан ч тэрээр 1958 онд 30 000 доллараар худалдаж авсан байрандаа одоог хүртэл амьдарсаар байна.

Мөн тэрээр нилээд буруу зуршилтайгаараа алдартай ба Макдоналдс болон Бургер Кингийн түргэн хоолоор хооллож Кока-Кола уух дуртай нэгэн. Үнэтэй хувцасны тухайд тэрээр “Надад ямар ч үнэтэй хувцас хямдхан мэт харагдана” гэж ярьдаг ба түүнд хэрэгцээтэй бүх л зүйл байгаа учир “таслалын дараа хэдэн орон байх нь түүнд чухал биш” билээ.

Марк Зукерберг, хөрөнгө – 42 тэрбум 800 сая ам доллар

Технологийн магнат, хамгийн баян хүний нэг болох Марк Зукерберг даруухан амьдардаг нэгэн. Эхнэр, охины хамт Пало-Альтод жижигхэн байшинд амьдрах ба үргэлж саарал футболк, жинсэн өмд өмсдөг тэрээр энэ онд Акура машинаа механик хурдны хайрцагтай Фольксвагенаар сольжээ.
“Би шийдвэр гаргах зүйлийнхээ тоог аль болох багасгасан ба учир нь миний тархи толгойн хамаг хүч нөөц зөвхөн ажилд л зарцуулагдах ёстой. Юу өмсөх, хаана хооллох зэргээр тархи толгойгоо үймүүлэх сонирхол алга.” гэжээ.

Амансио Ортега, хөрөнгө – 66 тэрбум 800 сая ам доллар

Форбсын тооцоогоор Zara-г үндэслэгч Амансио Ортега өнгөрсөн оны хоёр дахь баян хүн болсон ба 45 сая долларын үнэтэй онгоцоо зөвхөн ажил төрөлдөө хөлөглөдөг түүнийг даруухан амьдралтай нэгэн гэдэг. Жирийн үед тэрээр болхи бааздуу цамц өмсөн Ла-Корунья дахь байшиндаа эхнэртэйгээ амьдрах ба үдийн хоолоо Zara-гийн бусад ажилчдын хамт цайны газартаа иддэг байна.

Ингвар Кампрад, хөрөнгө – 39 тэрбум 300 сая ам доллар

Европын хоёр дахь баян, IKEA-г үүсгэн байгуулагч, эзэмшигчийн нэг болох энэ хүнтэй хамт онгоцны энгийн зэрэглэлд юм уу Икейгийн цайны газарт тааралдвал та таних нь юу л бол. 60-аад оны үед Porsche унаж, тусгай захиалгат хувцас өмсдөг байсан мань эр эрс өөрчлөгдөж, түүний амьдралын гол зорилго, санаа тавих зүйлс нь зөвхөн IKEA гэдгийг ойлгож бусдыг үл тоох болсон билээ.

Одоо тэр хуучин Вольво юмуу автобусаар ажилдаа явж, нэг давхар жижигхэн байшиндаа хамгийн даруухнаар амьдарч байна.

Уругвайн ерөнхийлөгч асан Хосе Мухика Кордано, хөрөнгө – байхгүй

Улсын ерөнхийлөгч гэдэг даруухан албан тушаал биш боловч Уругвайн ерөнхийлөгч асан Хосе Мухикуг хамгийн ядуу ерөнхийлөгч гэж нэрлэдэг билээ. 80 настай энэ эр ерөнхийлөгчийн цалингийнхаа ихэнх хувийг хандивт өгсөн ба 12 500 доллараас 1000-г л өөртөө үлдээсэн гэдэг.
“Надад энэ мөнгө хангалттай бөгөөд хангалттай байх ч ёстой. Учир нь олонхи уругвайчуудын орлого үүнээс бага билээ” гэжээ.

Одоо тэрээр эхнэрийн хамт Монтевидео дахь фермдээ амьдардаг ба ерөнхийлөгч байх үедээ хийсэн хамгийн том худалдан авалт нь 1945 ам доллараар авсан Volkswagen beetle билээ.

5

Бахархмаар

1

Гайхмаар

1

Ха Ха

1

Гоё

0

Хөөрхөн

0

Харамсалтай

0

Тэнэглэл

0

Буруу

Баярлалаа!