Дэлхий дээрх хамгийн хачин жигтэй орон байрууд [7 фото+текст]

“Ногоон” байшин Adex

Adex нэртэй энэхүү тусгай материалаар барьж босгосон өвөрмөц хэлбэр дүрстэй байшин нь дулаанаа огт алддаггүйгээрээ онцлог агаад Adex-ийг хээр талд, далайн эрэг дээр гээд бараг л хүссэн газартаа зөөн тээвэрлэж суурилуулах боломжтой ажээ. Угсарч суурилуулах болон эвхэж хураах зэрэгт ердөө л хагас цаг шаардагддаг тул магадгүй орчин үеийн хөгжсөн майхан гэхэд хилсдэхгүй биз. Байшингийн гадар хэсэг нь өөртөө нарны энергийг хурааж цахилгааны эх үүсвэрийг бий болгож чаддаг тул байгаль орчинд халгүй гайхалтай бүтээл болж чадсан байна.

Soe Ker Tie Hias

Дахиад нэг сонирхолтой хувилбарын байшинг хамгийн анх архитекторын чиглэлээр суралцдаг Нох Бо, Так, Таиланд гэсэн оюутнууд санаачлан зохион бүтээжээ. Байшингийн нэрийг Soe Ker Tie Hias буюу Цагаан эрвээхэй-Байшин гэж нэрлэсэн ба энэ нэр нь байшингийн дээвэртэй холбоотой юм байна. Байшингийн бүх бүтэц, угсралт нь байгалийн bamboo-хулс модноос тогтсон ба Тайланд улсын үндэсний аргыг хэрэглэжээ. Халуун дулаан уур амьсгалтай тус улсад битүү бөглүү байр сууц шаардлагагүй учир хулс хоорондоо агаар чөлөөтэй нэвтрэх зай завсартай тун авсаархан хийцтэй байшин болсон байна.

Полистирол байшин

21-р зууны шилдэг байшин гэж нэрлэж болохуйц энэхүү байшинг бүхэлд нь Полистирол буюу шахдаг хөөс шиг төрлийн пластик материалаар босгосон ба байшин гадна талаасаа цулгуй, таагүй мэт харагдах боловч байшингийн дотор тал бол огт эсрэгээрээ юм. Полистиролоор хийгдсэн учраас байшингаа ямар ч хэлбэр, зохион байгуулалттай бүтээх боломжтой төдийгүй та бүхний зурагнаас харж байгаа дотоод байдал нь тун цэвэрхэн, тансаг байдлыг бүрдүүлж чадсан ба муу ч үгүй 2 давхар байшин болжээ.

Youmeheshe

Дээрх байшингийн төслийг Лондон хотын архитекторчид мөн “ногоон” гэх тодотголтойгоор зохион бүтээсэн байна. Цэвэр байгалийн өнгө төрхийг илэрхийлсэн тус байшин 4 хүртэлх өрөөний зохион байгуулалттай ба нэг бүрийн үнэ нь 60 сая евро ажээ.

Homestead

Гадна байдал нь тун хачирхалтай загвартай Homestead байшин нэгэн хэвийн тогтсон стандарт байдлыг эвдэж чадсанаараа давуу талтай ба эвлүүлсэн мэт хэсэг бүр нь тус тусдаа үнэтэй юм байна. Yйлчлүүлэгч, захиалагчдын хүссэн хэлбэрээр өрж угсрах төдийгүй хэсэг тус бүрийг нь томруулж мөн жижигрүүлэн хэмжээг нь өөрчлөх боломжтой.

Хойд туйлын байшин

Байшингийн гадна талаас нь л харахад бидний хэнд маань ч байшин дотор тохилог тухтай байх боломжгүй мэт харагдаж байгаа. Харин гэтэл цасанд дарагдсан хэлбэр муутайхан Хойд туйлын байшин маань харин дотроо хотын төвийн хаа нэгтээ орших орон байрнаас дутахааргүй юм байна. Хойд туйлд байгаа тул дотроо илүү дутуу зүйлс цуглуулах шаардлагагүй, эмх цэгцтэй, хоёр давхартай, хэн ч гэсэн амьдарчихаар боломжын орон байр юм.

Нимгэн хавтангаар бүтээсэн байшин

Нимгэн хавтангаар босгосон сонирхолтой энэхүү байшинг АНУ-ын Аризона хотын иргэн Рокио Ромеро гэх архитектор залуу санаачлан бүтээжээ. Яг зураг дээрх шиг ийм байшинтай болоход ердөө 12-хон долоо хоног шаардагдах бөгөөд үнийн хувьд 22 мянган ам.долларын үнэтэй.