Аймшигтай ослуудаас бэртэлгүй үлдэж чадсан азтай бүсгүй

Нийтлэгч: Жаргал

Огноо: 2016/01/05

Total0
0

Kelly Menkel гэгч энэ бүсгүй 2009 онд 17 настай байхдаа үнэхээр аймшигтай авто осолд орсон юм. Бүсгүй 100 км/цагийн хурдтай явснаа ч мэдэлгүй жолооны ард унтсанаар энэ аймшигтай осол гарсан байна. Азаар бүсгүй энэ ослоос ямар ч гэмтэл бэртэлгүйгээр амьд үлдэж чаджээ. Гэвч үүгээр бүх юм дууссангүй.

Долоо хоног орондоо хэвтсэн залуу бүсгүй болон түүний гэр бүлийнхэн ослын аймшгийг мартаж амрахын тулд завиар зугаалахаар шийдсэн байна. Гэтэл ийм юм болно гэж хэн санах билээ. Kelly усны цанаар гулгахаар явсан ба хамгийн аймшигтай нь түүний сууж явсан завь дэлбэрчээ.

Хэвлэлийнхэн осол болсон газарт маш хурдан цугларсан бөгөөд Kelly “Миний харсан хамгийн сүүлийн зүйл бол олон хүмүүс цугларчихсан миний түлэгдсэн нүүрний зургийг авч байсан.” хэмээжээ.

Kelly-гийн түлэгдсэн арьсыг эмчлэхэд хэдэн жилийн шаргуу эмчилгээ шаардагдсан ч одоо тэр цоо эрүүл нэгэн болсон байна.

“Намайг энэ бүхнийг ямар ч гэмтэлгүй туулж гарахад минь тусалсан хоёр зүйл бол миний гэр бүл болон дасгал хөдөлгөөн.” гэж тэрээр хэлжээ.

Хэдий Kelly эрүүл болж сургуульдаа дахин явах болсон ч хэвийн амьдралдаа эргэн ороход нь жинхэнэ бэрхшээл тулгарсан байна.

Сургуулийнх нь хүүхдүүд тэр ч бүү хэл гудамжинд таарсан танихгүй хүмүүс ч түүнийг янз бүрээр хэлдэг, хачирхсан байдлаар хардаг байлаа. Гэхдээ Kelly энэ бүхнийг даван гарч чадсан юм.

Одоо 22 настай энэ бүсгүй фитнесээр хичээллэж, эрүүл хооллолтыг сонгосон нэгэн болсон төдийгүй хувийн дасгалжуулагч болжээ. Түүний Instagram-д хувийн анхаарал, фитнес болон эерэг зүйлсийн тухай олон нийтлэл буй.

Тэр хэний ч санаанд багтамгүй зүйлийг туулж гарсан ч одоо бол өөртөө итгэлтэй, эрч хүчтэй, үзэсгэлэнт бүсгүй.

Kelly одоо ослуудын эерэг талыг харж, хэрвээ тийм зүйл түүнд тохиолдоогүй байсан бол тэр өөрийн эрүүл мэнд болон фитнесийн төлөөх хүсэл эрмэлзлэлээ олж харахгүй байсан гэж хэлдэг байна.