Дэлхийн улс гүрнүүдийн иргэд мөнгөн тэмдэгт болон зоосон мөнгийг арилжааны хэрэгсэл болгон ашигладаг. Дэлхийн түүхийн олон үе шатанд төлбөрийн янз бүрийн хэрэгсэл, хэлбэрүүд байсан бөгөөд он жил өнгөрөх хэрээр хувьсан өөрчлөгдөж ирсэн энэхүү арилжааны хэрэгслүүдийн дунд чулуу, металл саваа, геометрийн дүрс болон бусад ер бусын хачирхмаар эд зүйлсүүд ч байжээ. Дэлхийн улсуудын түүхэнд маш олон янз бүрийн зооснууд байдгийн дотроос хамгийн онцгой, өвөрмөц зооснуудын зургуудыг товч тайлбарын хамт та бүхэнд сонирхуулахаар нийтэлж байна.
Микронези улс дахь Яп арлын иргэдийн хувьд Раи чулуу нь төлбөр төлөх хэрэгсэл юм. Дундаа нүхтэй, 1,5-6 метрийн диаметртэй дугуй Раи зоосыг шохойн чулуугаар хийдэг. Чулуун зоосны диаметрийн хэмжээ болон жингээс үнэ нь хамаардаг байна.
Баруун Африкын зарим хэсэгт 20-р зууныг хүртэл нэг үзүүртээ Т үсгийн хэлбэртэй, нөгөө үзүүртээ жижиг хүрз хэлбэртэй, 33-36 сантиметрийн урттай эрчилсэн төмөр савааг мөнгө болгон ашигладаг байжээ. Тэд энэ мөнгөө Кисси хэмээн нэрлэдэг байсан бөгөөд голчлон оршуулах ёслолд ашигладаг байв. Ихэвчлэн багцаар нь хэрэглэдэг байсан Киссигийн тухайд жишээ дурдвал, нэг үнээ 20 ширхгийн багцтай 100 хэлхээ Киссигийн үнэтэй гэх мэт.
Нэг сая канад долларын үнэтэй энэхүү канад зоос 100 килограмм жинтэй бөгөөд 99,9 хувийн цэвэр алтаар хийгдсэн энэ зоос 2011 оны байдлаар Дэлхийн хамгийн том зоос гэгдэж байжээ.
2011 оны 10-р сард Австраличууд Дэлхийн хамгийн том алтан зоосыг бүтээжээ. Нэг тонн гаруй жинтэй, цэвэр алтан энэ зоос 12 сантиметрийн зузаан, 80 сантиметрийн диаметртэй аж. Зоосыг цуглуулагчид болон худалдан авагчдад зориулж, платин, мөнгө, алтаар зоос урладаг Баруун Австралийн Perth Mint үйлдвэр бүтээсэн байна.
Түүхээс авч үзвэл Дэлхийн хамгийн жижигхэн зоосыг 1336–1646 онд Энэтхэгт байсан Вижаянагарагийн эзэнт улсад ашиглаж байсан ба Тара хэмээн нэрлэгддэг байсан энэ зоосны диаметр ердөө дөрөвхөн миллиметр бөгөөд жин нь 1,7 гр байжээ.
Энэ 2012 онд Нэгдсэн Вант улс хатан хаан 2-р Элизабетийн хатан хааны титмийг өвлөн авч, хатан хааны сэнтийд заларсны 60 жилийн ойд зориулж, хатан хаан 2-р Элизабетийн хөрөг бүхий хамгийн жижиг очир алмаазан зоосыг бүтээжээ. Энэ зоосны диаметр ердөө 750 нанометр бөгөөд энэ нь 0.000075 сантиметр гэсэн үг юм.
Гурван хэмжээст геометрийн биет бүхий мөнгөнүүдийн конус хэлбэртэйг ус, пирамид хэлбэртэйг гал, цилиндр хэлбэртэйг мод, куб хэлбэртэйг металл хэмээн нэрлэдэг байна.
Сомаличууд мөн гитар, машин, мотоцикл гэх мэт хачирхалтай хэлбэртэй зооснууд хэрэглэдгээрээ алдартай.
Япон дахь Манжийн ноёрхлын үед Юань Макьчжоу-го гэгдэх энэ зоосыг хэрэглэдэг байсан ба 1944-1945 оны үед металлыг хязгаарладаг байсан учир 1 ба 5-тын зооснуудыг картонтой төстэй бор болон улаан өнгийн материалаар хийдэг байжээ.
Канадын Муз Жо хотод модон мөнгө хэрэглэдэг байжээ. Дэлхийн хоёрдугаар дайны дараа ховор байсан энэ материал нь өнөө цагт бол туйлын түгээмэл материал юм.
Дэлхийн хамгийн жижиг улсуудын нэг, Палау үндэстнүүд 2007 онд маш өвөрмөц зоос гаргасан нь Францын Лурдес дэх ариун газраас авчирсан ариун усыг агуулсан жижиг лонх бүхий Гэгээн Марияг дүрсэлсэн мөнгөн зоос байжээ.
Дэлхий дээр ашиглагддаггүй, зөвхөн сансрын жуулчдад зориулагдан бүтээгдсэн энэ мөнгийг Лейцестерийн их сургууль болон Сансар судлалын үндэсний төвийн эрдэмтэд бүтээсэн бөгөөд Quid (Quasi Universal Intergalactic Denomination) хэмээн нэрлэгджээ. Сансар огторгуйд зорчих явдлыг дэмжих зорилготойгоор бүтээгдсэн энэ мөнгө нарны аймгийн гаригуудын зурагтай ба нууцлалын өндөр зэрэглэлтэй аж.
watuus
2012/12/07 at 14:53
nice medee bna
Зочин
2012/12/07 at 15:49
япон дахь манжийн ноёрхлын үед юань макьчжоу-го гэгдэх энэ зоосыг хэрэглэдэг байсан ба 1944-1945 оны үед металлыг хязгаарладаг байсан учир 1 ба 5-тын зооснуудыг картонтой төстэй бор болон улаан өнгийн материалаар хийдэг байжээ.
гэнэ үү. манж дахь японы ноёрхол гэдгиймүү, *** дахь гэмээр юм.
uniQu3
2012/12/07 at 18:00
сонирхолтой л юм.
Зочин
2012/12/07 at 18:29
ssshhh yum orchuulj oruulj bgag ni nee
uugaa6040
2012/12/07 at 18:44
MUNHJARGALTUGULDUR
2012/12/07 at 19:34
goy medee bna
Volturi
2012/12/08 at 00:30
сонин айн
huslenjx
2012/12/08 at 19:25
сомалийн ер бусын геометрийн дүрст мөнгө n goy yum baina
huslenjx
2012/12/08 at 21:27
сомалийн ер бусын геометрийн дүрст мөнгө n goy yum baina
Зочин
2013/02/23 at 21:25
дэлхийн хамгийн жижиг улсуудын нэг, палау үндэстнүүд 2007 онд маш өвөрмөц зоос гаргасан нь францын лурдес дэх ариун газраас авчирсан ариун усыг агуулсан жижиг лонх бүхий гэгээн марияг дүрсэлсэн мөнгөн зоос байжээ.
ene ni goy