Ресторанд хүн болгон хооллох дуртай, ялангуяа өндөр зэрэглэлийнх бол бүр ч янзтай. Амтат хоол, найрсаг зөөгч, тайван уур амьсгал. Хоолны энэхүү жижиг ертөнцөд баримтлах өөрийн гэсэн дүрэм журам бий.
Ингээд танд ресторанд баримталбал зохих 12 дүрмийг танилцуулж байна.
1. Хоолноос өөр эд зүйлс ширээн дээр тавихыг хориглоно
Сайхан хоолны хэрэгсэл – энэ бол урлаг. Жишээ нь, ширээн дээр хоолтой зэрэгцээд утас байвал илүүц зүйл болно. Ван Гогийн зураг дээр илүү толбо байгаатай л адил.
2. Ширээний ард бүгд сууж, зөөгч нь бүх хүний хоол, уух зүйлийг тавьсан эсэхийг сайтар анхаараарай
Та хэнтэй ч бай хамаагүй хэн нэгэнтэй ресторанд ирсэн бол түүнээс эрт явахгүй нь мэдээж болов уу. Юундаа яарах вэ? Тэвчээр – таны эелдэг зангийн илэрхийлэл.
3. Хоолны хэрэгсэл хэрэглэх дэс дараалал – гаднаас дотогш
Хоолны нэр төрөл олон байх тусам хэрэглэх хэрэгсэл нь тэр тоогоор ихэснэ: андуурч эндүүрэх тохиолдол энүүхэнд. Гэхдээ нэг арга бий – тавагнаас зайтай буюу хамгийн гадна байгаа халбага, сэрээ нь хамгийн түрүүнд хэрэглэх хэрэгсэл. Харин хамгийн сүүлд хэрэглэх хэрэгсэл нь тавагтай ойр байрлана.
4. Хоолоо амсахаасаа өмнө хоолондоо амтлагч бүү нэм
Яаран хоол амталснаар та тогоочийг гомдооход хүргэнэ шүү, танд зориулж гараа гаргаж хийсэн хоолонд нь шууд л амтлагч нэмээд байх нь зохисгүй.
5. Савхыг хооронд нь үрэх хэрэггүй
Модон савхны үртсийг унагаах гэж хооронд нь үрдэг нь үнэн. Гэхдээ нэг “но” байна аа. Одооны Япон ресторанууд савхныхаа чанарыг илүү их сайжруулсан. Иймд, хэрвээ та ялангуяа япон хоолны газар орсон бол савхаа хооронд нь бүү үрээрэй.
6. Хоолны хэрэгсэл зөвхөн идэхэд бус мөн харилцахад ашиглана
Та ямар ч гадаад хэлгүй байж болно, гэхдээ хоол ямар байсан тухай та зөөгчид төвөггүй хэлж болно. Энэ бол рестораны нэг дүрэм – сайхан байгаа биз?
7. Савхаа таваг дээр хөндлөн бүү тавь
Өмнөд Азийн хоолны амтыг бид амталж үзээд удаагүй байгаа билээ. Иймд тэдний хоолны ёс заншлыг мэдэхгүй байгаадаа та санаа зовох хэрэггүй. Гэхдээ хэд хэдэн энгийн дүрмийг мэдэж байхад илүүдэхгүй – хоолоо идэж дуусаад савхаа тавган дээрээ тавихгүй байх нь зүйтэй. Тавагны хажууд байгаа савхны тавиур эсвэл тавагны гадна талд тавиарай.
8. Хоолондоо савхаа бүү зоо
Савхаа хоолондоо зоовол оршуулгын ёслол үйлдэж буй мэт сэтгэгдэл төрүүлнэ. Үүнд маш болгоомжтой хандах хэрэгтэй. Жишээ нь, хэн нэгэнд тэгш тоотой цэцэг бэлэглэж байгаатай л адил.
9. Авсан халбага сэрээгээ скатерть дээр тавих хэрэггүй
Та халбага сэрээгээ хэрэглэж байхдаа зөвхөн тавган дээрээ л тавиарай. Эдгээр хэрэгслийн газардах газар бол таваг эсвэл зориулалтын суурь нь байна.
10. Хэрвээ таниас давс дамжуулахыг хүссэн бол та перецийг ч мөн өгөх нь зөв
Давс, перец – яг л хос хун шиг. Энэ хоёр амтлагчийн салгах нь шударга бус. Хэрвээ таниас энэ хоёрын аль нэгийг дамжуулахыг хүсвэл та хоёуланг нь дамжуулах нь ёсонд нийцнэ.
11. Амаараа дүүрэн идэх юмтай бүү ярь
Биднийг бага байхад эцэг эх маань “дуугүй хоолоо ид” гэж сургадаг байж билээ. Мэдээж ойр дотныхоо хүмүүстэй цуг хоол идэж байхдаа чөлөөтэй ярьж хөөрөлгүй яах вэ – энэ бол байх зүйл. Гэхдээ үнэхээр сонирхолтой зүйл яримаар санагдаад байвал хоолоо түр хойш тавьж ярих зүйлээ ярь. Нэг сумаар хоёр туулай буудах гэсний хэрэггүй.
12. Цайны мөнгө
Хийсэн ажлын тань төлөө баярлалаа гэж хэлэхээс гадна багахан ч гэсэн материаллаг зүйлээр илэрхийлэх нь хүн болгонд таатай. Тэгэхээр, зөөгчид цайны мөнгө үлдээвэл баярлана шүү. Гэхдээ хэрвээ та Японд байвал байдал өөрөөр эргэж орхино.