Өдөр тутмын хувцасны цаана нуугдах “том нууц”

Хүмүүс харилцан адилгүй хэлбэр хэмжээ бүхий шивээсэнд дуртай байдаг гэдгийг Английн Лондон хотын гэрэл зурагчин Alan Powdrill “Covered” нэртэй фото цувралаараа батлан харуулжээ. Энэхүү цуврал дахь шивээсний урлагаар амьсгалж амьдарч байгаа хүмүүсийн олонх нь хүзүүнээсээ эхлээд хөлийн хуруу хүртлээ шивээстэй хүмүүс аж. Powdrill-ийн цуврал дахь хүн бүрт өөрийнх нь шивээстэй холбоотой бяцхан түүх бий. Энэ хүмүүсийн зарим нь харьцангуй хожуу буюу 40, 50 настайдаа шивээс хийлгэж эхэлсэн байхад зарим нь амьдралынхаа бараг бүхий л хугацааны туршид шивээсэнд дурлаж ирсэн байх жишээтэй. Гэрэл зурагчин эрхмийн хувьд энэхүү зургуудаараа ирэх 11-р сарын 11-нд Лондон хотноо үзэсгэлэн гаргах юм байна.

Graham, 58

“Би 51 настайдаа шивээс хийлгэж эхэлсэн бөгөөд энэ үед миний аав аль хэдийнээ нас барсан, харин ээж маань сэтгэцийн өвчнийхөө эхний шатанд байсан болохоор юу ч хэлээгүй.”

Lillianna, 23

“Шивээсний тал дээр миний бодол өөрчлөгдөхгүй, надад наснаас хамаарсан харуусал төрнө гэдэгт ч би эргэлзэж байна.”

Dave, 66

“Би 1963 онд 14-тэйдээ анх үүнийг эхлүүлсэн. Бас би үүнийгээ зогсоохгүй гэж бодож байна.”

Victoria, 37

“Шивээс маань миний хэн бэ гэдгийн маань нэг хэсэг. Би өөрийн энэ биеийн өмсгөлдөө одоо ч, 80 настайдаа ч үргэлж хайртай байх болно. Би яаж харагдаж байгаадаа, энэ бүхэн маань юуны тухай вэ гэдэгтээ хайртай.”

Alex, 49

“Ээж маань миний гар дээрх хараацайнд сэтгэл дундуур байсан. Гэхдээ би түүнд ээж минь энэ чинь би гудамжинд геройн татаж байгаатай адил зүйл биш.” гэж хэлсэн.”

Izzy, 48

“Би өдөр бүр өөр байхдаа мөн надаас хүмүүс шивээс маань ямар учиртайг асуухад дуртай. Сайн шивээс хямдхан байдаггүй, хямдхан шивээс сайн байдаггүй.”

James, 33

“Би 16-тайдаа ташаан дээрээ жижигхэн гүрвэл шивүүлсэн. Эцэг эх маань “Чи яаж ажил олж хийх юм бэ” гэж хэлж байсан.”

Kimmy, 29

“Би Kiss шивээснүүддээ хамгийн дуртай. Хийлгэхэд маш их өвдсөн ч би хайртай хамтлагтаа өөрийгөө зориулж чадсан гэхээр сайхан байсан.”

Peter, 38

“Шивээс маань надад ходоод гэдэсний замын өвчнөөр өвдсөнөөс хойшхи өөртөө итгэх итгэлийг өгсөн. Би яг одоо байгаа шигээ ирээдүйд ч шивээсэндээ дуртай байх болно.”

Michelle, 53

“Хэдэн насандаа би үүнийгээ болихоо мэдэхгүй байна. Зай л байвал би хийлгэдэг. Миний хандлага хэзээ нэгэн цагт өөрчлөгдөнө гэж би бодохгүй байна.”

Bill, 59

“Би өөрийн жирийн хүмүүсээр хүрээлүүлсэн дунд нас, мэргэжлийн ажилдаа мөн цээжин дээрээ шивээс хийлгэх болсон зэрэгтээ хайртай.”

Patrick, 34

“Би анхныхаа шивээсийг 13-тайдаа хийлгэж байсан бөгөөд энэ маань 10 жилийн турш нууц зүйл байсан. Энэ бол миний нэг хэсэг, би хэзээ ч хувирахгүй.”

Chris, 25

“Хэрвээ би хэн гэдгээ мартах юм бол хувцсаа тайлж хаяад толинд хараад л өөрийгөө хэн болохыг олж мэдэх болно.”

Kenny, 27

“Би амьдралын маань нэг хэсэг болсон шивээсэндээ хайртай. Би байж болох хамгийн урт хугацаанд шивээстэйгээ байх болно.”

Ness, 40

“Би миний бие хөгшрөх хэрээр шивээснүүд маань хэрхэн өөрчлөгдөж, миний үрчлээ тэднийг хэрхэн өөрчилж байгааг харах дуртай. Миний хүзүүнээс доош зай үлдэхгүй болтол би шивээсээ хийлгэсээр байх болно.”

Simon, 47

“00-д ороод өөр дээрээ шээчихдэг хөгшин болсон үедээ ч яаж харагдах нь надад хамаагүй. Би хэзээ ч олон шивээс хийлгэхийг зорьж байгаагүй ч би үнэхээр донтдог зан чанартай хүн.”

1

Тэнэглэл

1

Харамсалтай

1

Гайхмаар

1

Гоё

0

Ха Ха

0

Хөөрхөн

0

Бахархмаар

0

Буруу

Баярлалаа!