Дэлхийн хамгийн том замын түгжрэл буюу Хятадын хүн ам

Нийтлэгч: Лука

Огноо: 2015/10/21

Total0
0

Энэ гариг дээр бид хичнээн шигүү амьдарч байгаагийн тод жишээг Бээжин орох замаас харж болно. 50 дугаар засмал зам дээр ямар түгжрэл үүсч хэрхэн хөдөлгөөн зогссон байгааг гэрэл зургаас харна уу.

Замын ангийнханы тайлбарлаж байгаагаар бол замын 20 дугаар зурвас дээр зам нарийсаж байгаа гэжээ. Үүнээс гадна бас нэгэн хүчин зүйл нөлөөлжээ – 10 дугаар сарын урт хугацааны баярын өдрүүд дуусаж хэдэн сая Хятадууд ахан дүүсээрээ зочилж дуусаад гэртээ буцаж ирж байгаа үе байжээ. Харамсалтай нь энэ том зам ачааллыг даасангүй.

Хэвлэл мэдээллийн хэрэгслээр энэ үзэгдлийг байж болшгүй зүйл хэмээн дүгнэсэн хэдий ч Хятадад энэ мэт түгжрэл зөвхөн авто зам дээр бус өөр бусад газар ч тохиолдох нь элбэг.

Хятадын Цагаан хэрэм

БНХАУ-ын орон нутгийн жуулчид улс орныхоо түүхэн дурсгалт газрыг үзэж сонирхохоор иржээ – Хятадын Цагаан хэрэм. Намрын үндэсний баяраар ийнхүү өнцөг булан бүрээс жуулчид цувах ажээ.

Орон нутгийн наран шарлагын газар

Шаньдун мужийн Циндао хотод +30 хэмийн халуун болоход хотын ихэнх оршин суугчид далайн эрэг рүү шавжээ.

Дүүрэн аквапарк

“Хиймэл усан сан” дээрдээд байх зүйлгүй. Сычуань мужийн Суйнин хотын аквапаркт хүмүүс давалгаа хүлээж буй нь.

Давалгааг давлаа.

Оюутны бассейн

Хэбэй мужийн Ухань хотын оюутнууд өнгөрсөн зуны халуун өдрүүдийг ингэж өнгөрөөж байв. Оюутны байрныхаа умгар өрөөнд хийлдэг бассейн тавьжээ.

Оюутны байр

Ухань хотын коллежийн оюутны дотуур байр. Оюутнуудын угаасан хувцас.

Унадаг дугуйн зогсоол

Нанжиний оршин суугч эмэгтэй унадаг дугуй, мопедний зогсоол дээр өөрийнхөө унадаг дугуйг тавихаар зогсоол хайж буй нь.

Галт тэргэнд сууж байна

Аньхой мужийн Хэфэй тойргийн галт тэргэнд нэгэн эмэгтэй суухаар цонхоор авирч буй нь. Жил бүрийн 2 дугаар сарын сүүлээр Хятадын тээврийн систем маш их ачаалалтай болдог, яагаад гэвэл урт хугацааны амралтаасаа хүмүүс гэртээ буцацгаадаг аж.

Оффисийн өдрийн цайны завсарлага

Шанхайн хөрөнгийн биржийн нэгэн трейдер цайны цагаар эзгүйрсэн оффистоо амарч байгаа нь.

Хүүхдийн эмнэлэг

Сучжоу хотын хүүхдийн эмнэлэг. 2006 онд хүйтний улирал ирсэнтэй холбогдуулан томуу, томуу төст өвчин нэмэгдэж эмнэлгийн тусламж авахыг хүсэгчид огцом өсчээ.

Ажлын байрны үзэсгэлэн яармаг

Нанжиний ажлын байрны үзэсгэлэн дээр компаниудын танилцуулах стэнд дээр хүмүүс овоорчээ.

НҮБ-ын Хүн амын хэлтсээс гаргасан урьдчилсан мэдээгээр 2100 он гэхэд дэлхийн нийт хүн амын тоо 11 тэрбумаас давах бөгөөд хүн амын тоогоор дээгүүр ордог улс орнуудын хувьд нөхцөл байдал улам хүндэрнэ гэжээ.