Кавказ хурим олон өдрөөр үргэлжлэх сүр дуулиантай, тансаг, ганган машинтай, уламжлалыг мөрдсөн, хэн хүний сонирхолыг татахаас өөр аргагүй үйл явдал болдог билээ. Кавказ хурим яг ямар болдог вэ?
Хүү нь эхнэр авах эсвэл охиноо нөхөрт гаргах гэж байгаа эцэг эхчүүд хуримын өдөр нь мартагдашгүй, олны нүдэнд өртсөн байлгахын тулд юу ч хийхэд бэлэн байдаг. Энд ядуу, баяны ялгаа байхгүй, учир нь тансаг хурим – кавказ ард түмний уламжлал юм. Бага орлоготой гэр бүл ч эцсийн зоосоо шавхаад хамаагүй хийнэ.
Уламжлал ёсоор охины эцэг эх охиндоо хань ижлийг сонгох ёстой боловч орчин үед залуучууд хайртай хүнээ сонгож, эцэг эх нь хэрхэхийг л сургамжлах болжээ. Сургууль төгссөний дараа охиноо нөхөрт гаргаж болно эсвэл нөхрийн ажлын нэр хүндэд сайнаар нөлөөлж болох хожуу гэрлэлтийг хүртэл эцэг эхчүүд хүлээн зөвшөөрч байна. Гэхдээ энэ бол хувийн хэрэг.
https://instagram.com/p/72-91piHeC/
Хуримыг гоёж чимэглэсэн 15-20 машин дагалдана, дагалдах машины тоогоор сүйт хархүүгийн хөрөнгийг тодорхойлно. Баян сүйт хархүүгийн машины тоо 100 хүрэх тохиолдол бий.
Жагсаалын эхэнд морьтой жигитууд, араас нь толгой машин явна. Толгой машинаас замд таарсан хэн дуртай нь мөнгө авах бөгөөд энэ нь уламжлалын дагуу явах зөвшөөрлийг өгч байгаа хэрэг.
Сүйт бүсгүй хоёр дахь машинд залран явна.
Сүйт бүсгүй хөлөөрөө газарт хүрэх ёсгүй тул хажууд нь хивстэй хүн байнга дагалдана.
Кавказ олон үндэстний орон тул үндэстэн болгон өөрийн гэсэн ёс заншилтай, хуримын ёслол харилцан адилгүй хийгдэнэ.
Хурим сүйт бүсгүйн гэрээс эхэлнэ. Сүйт хархүү түүний гэрт ирж бэлэг гардуулсны дараа хуримын найр эхэлнэ. Энэхүү найранд зөвхөн эмэгтэйчүүд оролцох тул охидын хуримын найр хэмээнэ.
Охидын хуримын найранд сүйт бүсгүй улаан даашинзаар гоёно. Долоо хоногийн дараа хуримын найр сүйт хархүүгийн гэрт үргэлжилнэ. Энд эрэгтэй, эмэгтэйгээрээ тусдаа найрлацгааж, сүйт бүсгүй бусад эмэгтэйчүүдтэй бүжиглэх ажээ.
Хоёр дахь өдөр сүйт хархүүгийн эцэг бүсгүй дээр ирж инж гардуулсны дараа сүйт бүсгүй ирээдүйн нөхөр болох залуугийнх руу явна. Уламжлалын дагуу сүйт бүсгүйн эцэг, эх охиноо дагаж явалгүй гэртээ үлдэнэ, харин эгч нар нь дагалдаж болно.
Сүйт бүсгүйг гэрээс нь авахаар ирсэн залуугийн хамаатнууд бүгд инж бэлдсэн байна. Урьд өмнө инжийн хэмжээг бүсгүйн эцэг эх тодорхойлдог байжээ. Маш өндөр үнэ хэлдэг байсан тул залуучууд эхнэр авч чаддаггүй байв.
Өнөөдөр инжийн хэмжээ 100 мянга орчим рубль болжээ.
Инжинд одоо хонь өгөхөө больсон. Гэхдээ хуримын дараа сүйт бүсгүйн нэр хүндийг өргөхийн тулд сый хэмээх зүйл бэлэглэдэг ажээ. Үүнд нь үнээ, хүнсний бүтээгдэхүүн, мөнгө байж болно.
Нөхрийнхөө гэрт очиж байгаа сүйт бүсгүй хадмууддаа бэлэггүй очно. Өөрийн сонирхолоор чемоданд элдэв зүйл авч явах бөгөөд нөхрийнхөө гэрт очоод хэн дуртайдаа бэлэглэж болно.
Сүйт хархүүгийн гэрт хуримын найр болж байх үеэр залуу хосууд тус тусдаа өөр өрөөнд байна. Сүйт бүсгүйг хэн ч харах ёсгүй, харин хэн нэг нь сүйт хархүүгээс харуулахыг хүсвэл хайртай бүсгүйгээ харуулах ёстой ажээ.
Сүйт бүсгүйд залуу бүсгүйчүүд, эгч нар нь л ойртож болно. Тэдэнтэйгээ чөлөөтэй харьцах боловч өндөр настуудын хажууд чимээгүй, шал ширтэн суух ёстой.
Кавказ хуримын найрын ширээ идэх зүйлээр маш баялаг.
Бялуу – магтах үг байхгүй.
Бас нэгэн уламжлал бий, сүйт хархүү ах нартайгаа тойрон бүжиг хийнэ.
https://instagram.com/p/65JZzYNNuQ/
Хуримын лезгинк бүжгийг уламжлалын дагуу бүжнэ. Бүжгийн хамтлаг урьж зочдоо хөгжөөх нь кавказ хуримын бас нэг уламжлал юм.
Нөхөр болох залуугийн гэрт сүйт бүсгүй очсон өдөр залуу хосуудын хуримын анхны шөнө болно. Залуу бүсгүйчүүд эхнэр болсон бүсгүйг тусгайлан бэлдсэн өрөөнд орхих бөгөөд тэрээр нөхрөө хүлээн ганцаар хоцорно.
1312
2015/10/03 at 21:00
ingej goe hurim hiicheed salchuul yana.nuhriin tal muuhai shatah ni ee