Kingsman киноноос суралцвал зохих хувцаслалтын 25 дүрэм

Английн кино найруулагч Matthew Vaughn-ын туршуултай, эйкшн кино Kingsman: The Secret Service кино бол түүний хамгийн их амжилт олсон бүтээл билээ. Ухаалаг нууц агент Gary “Eggsy” Unwin-ы тухай өгүүлсэн энэ киноноос эр хүн бүрийн суралцвал зохих нэгэн зүйл бол хувцаслах урлаг юм. Юуны учир “Хувцас бурхан, бие чөтгөр” гэж хэлэлцдэг билээ дээ, хувцаслалтын тухай мэдрэмж, мэдлэгээ цаг үргэлж тэлж байх нь огтоос орхигдуулж болохгүй зүйл гэдэгтэй таныг маргахгүй гэдэгт итгэлтэй байна.

1. Өөрийн гэсэн оёдолчинтой бол. Таныг юу ч өмссөн бай тэр түүнийг чинь улам илүү сайхан харагдуулж чадна.

2. Костюм пиджак эсвэл спорт хүрэм яг л бээлий шиг таарч байх учиртай. Товчилсон үед таны цээж болон хүрэмний хооронд гарын алга багтах зайтай байх ёстой. Хэрвээ түүнээс илүү их зай гарч байвал хүрэм томдож байна гэсэн үг.

3. Зангианы үзүүр бүсний чинь арлыг шүргэж байх ёстой. Үүнээс урт эсвэл богино байж болохгүй.

4. Зангиа чинь энгэрийн захнаас чинь өргөн байж болохгүй.

5. Энгэрийн халаасны дөрвөлжин алчуур бол ямар ч хүрэмний хувьд гайхалтай нэмэлт зүйл. Гэхдээ энэ хэзээ ч зангиатай чинь хослох ёсгүй гэдгийг мартаж болохгүй.

6. Ханцуйнд запника зүүх зай дөрөвний нэгээс хагас инч байхад хангалттай.

7. Костюмны өмд гутлыг чинь хэт дарж унжиж болохгүй. Нэг инч орчим уналттай байхад болно.

8. Зузаан хэтэвч таныг баян хүн шиг харагдуулахгүй. Иргэний үнэмлэх, төлбөрийн карт, багахан хэмжээний бэлэн мөнгө гээд хэрэгтэй зүйлсээ л авч явахад болно.

9. Арьсан гутал өмсөж байгаа бол бүс чинь өнгө хоршиж байх ёстой. Хүрэн бол хүрэн, хар бол хар.

10. Ямар ч эр хүний хувцасны шүүгээнд үдээсний арьсан гутал заавал байх ёстой. Харин чанартайг нь сонгохоо мартав аа.

11. Гутлаа үргэлж цэвэрхэн, гялалзсан байлга. Тоостой гуталнаас илүү муухай харагддаг зүйл гэж үгүй.

12. Хэзээ ч дөрвөлжин хоншоортой гутал битгий өмс.

13. Жинс худалдаж авахдаа үргэлж бодолтой ханд.

14. Хэзээ ч бүс, мөрөвч хоёрыг хамт зүүж болохгүй. Аль нэгийг нь л сонго.

15. Хурууны салаагаар ордог углаашийг зөвхөн наран шарлагын газар, далайн эрэг дээр л өмсдөг.

16. Цулгай хар эсвэл цагаан богино ханцуйтай цамц хэзээ ч загвар хоцрохгүй.

17. Хүрэмний хамгийн доод талын товчийг хэзээ ч бүү товчил.

18. Өмдний урт талын нугалаасыг бүү март.

19. Оймсныхоо өнгийг өмдтэйгээ хослуулах хэрэггүй, гэхдээ тэр бол таны бүхий л хувцаслалтанд нэмэлт болох зүйл гэдгийг мартаж болохгүй.

20. Хүрэмний мөр болон арын оноон дээрх хөвөрдсөн оёдлыг авч хаях ёстой.

21. Цагаан оймсыг биеийн тамирын заал руу явахдаа л өмс. Хослол дээр бол огт болохгүй.

22. Хуванцар цаг бус илүү чанарлаг зүйлд хөрөнгө оруулалт хий.

23. Хэт том цагнаас зайлсхий. Ширээн дээрх хоолны таваг ямар байдгийг сана.

24. Хэт даруу хувцасласнаас хэт ганган хувцаслах нь хэзээд дээр зүйл.

25. Загварын чиг хандлагыг бус өөрийн зөн совингоо дага.

4

Гоё

1

Тэнэглэл

1

Ха Ха

1

Гайхмаар

0

Хөөрхөн

0

Бахархмаар

0

Харамсалтай

0

Буруу

Баярлалаа!