Өсвөр насны нэгэн Энэтхэг хүү 3 цагийн турш үргэлжилсэн мэс ажилбарт орж нийт 82 шүдээ авхуулжээ

Jam Press

Энэтхэгийн Бихар хотоос гаралтай өсвөр насны нэгэн хүү ховор төрлийн хавдрын улмаас 3 цаг гаруй үргэлжилсэн мэс ажилбарт орж, нийт 82 шүд авхуулжээ.

Өдгөө 17 настай Нитиш Кумар нь 5 жилийн өмнө “Сomplex odontoma” хэмээх эрүүний ховор төрлийн хавдартай болох нь тогтоогдсон аж. Ийнхүү түүний хавдар хүндэрсэн тул яаралтай мэс ажилбарт орж, хоёр шанаанд нь ургасан нийт 82 шүдийг авчээ.

Энэ нь насанд хүрсэн хүний нийт шүдний тооноос даруй 50 шүдээр илүү гэсэн үг бөгөөд 17 настай түүний хувьд өнгөрсөн хугацаанд эмчилгээ хийлгэх боломжгүй байсан нь ийнхүү өвчний хүнд шатанд ороход нөлөөлсөн байна.

Харин Бихарын Эрүүл Мэндийн Шинжлэх Ухааны Ганди Институтийн эмч нар мэс ажилбарыг амжилттай хийж гүйцэтгэж чаджээ. Тус институтийн эмч Маниш Мандал өвчтөн эмчилгээ хийлгэлгүй явсаар ийм байдалд хүрсэн гэдгийг онцлон өгүүлсэн байна.

Хагалгааны өмнөх зургаар түүний хоёр эрүү хавдаж, илүү шүд ургасны улмаас нүүрний хэлбэр нь алдагдаж, эрүү орчимд олон тооны шүд ургасан байсан нь ил болсон аж. Ийнхүү тэрээр 3 цагийн турш үргэлжилсэн хүнд мэс ажилбарт орохоос өөр аргагүй болсон байна.

11

Гайхмаар

3

Харамсалтай

2

Буруу

1

Бахархмаар

0

Гоё

0

Ха Ха

0

Хөөрхөн

0

Тэнэглэл

Баярлалаа!