Оройн 6 цагаас хойш идэж болох 12 хүнс

Нийтлэгч: Лука

Огноо: 2016/04/07

Total655
655

Гоолиг сайхан бие хаатай байхын тулд хоол ундаа хасаж, олон бэрхшээлийг даван туулах ёстой гэж боддог хүмүүс цөөнгүй. Гэхдээ ашиг шимтэй ба амттай хоолны зохицлыг зөв тааруулан турж, галбираа хадгалж болно.

18 цагаас хойш идэж болох шим тэжээлтэй хүнсийг түүвэрлэн хүргэж байна.

Эрдэнэ шиш

Эрдэнэ шиш бол шим тэжээлтэй, амттай бүтээгдэхүүн. Даршилсан биш чанасан эрдэнэ шиш идвэл зохино. Хүний биеэс илүүдэл холестериныг гадагшлуулж, өөх хуримтлахаас сэргийлнэ. Өдөр нь хүнд хоол идсэн бол оройдоо эрдэнэ шишийг сонгоорой.

Нектарин

Тоорын төрөл. Үдээс хойш идэхийг тэр болгон зөвлөдөггүй боловч татгалзах хэрэггүй. Бодисын солилцоог хурдасгаж, өөх хуримтлахаас сэргийлнэ.

Ногооны икра

Гэрийн нөхцөлд бэлтгэсэн ногооны икранд хортой зүйл огт байхгүй. Мөөг, хулуу, хашнаас дуртайгаа сонгож болно. Амттай, өег болдог.

Цоохор майлз

Сөрөг илчлэгтэй ногоо. Энэ нь бие махбодь цоохор майлзыг боловсруулахдаа маш их энерги зарцуулна гэсэн үг. Иймээс оройн хоолонд тохиромжтой.

Манжин

Манжинг тоодоггүй бол тун буруу. Заавал идэх ёстой, ашигтай ногоо юм. Бие махбодийг цэвэрлэж, дархлааг сайжруулан, эрч хүч нэмдэг. Мөн хоолны дэглэм барьж байгаа хүмүүст зайлшгүй чухал бүтээгдэхүүн.

Шар хулуу

Улбар шар өнгөтэй хулуу таныг таргалуулахгүй. Хулуугаар маш олон төрлийн шим тэжээлтэй хоол хийх боломжтой. Өтгөн шөл, нухаш, салат гэх мэт.

Байцаа

Байцааны бүх төрөл В бүлгийн амин дэмээр баялаг. Хүний биеийн бүхий л ажиллагаанд зайлшгүй хэрэгтэй гэсэн үг юм. Мөн л хоолны дэглэм барьж байгаа үед хэрэглэнэ. Оройн хоолонд хамгийн тохиромжтой.

Мөөг

Тийм ч өндөр илчлэг байхгүй. Шарж биш чанаж хэрэглэвэл хоолны дэглэмд зайлшгүй ордог хүнс. Янз бүрийн олон хачиртай хамт хэрэглэж заншсан болохоор шингэц муутай мэт санагдаж магадгүй ч дангаараа бол ходоод хүндрүүлэхгүй.

Хүрэн манжин

Юугаар ч орлуулшгүй ашигтай ногоо бол хүрэн манжин юм. Өөх тосны солилцоог тэнцвэржүүлснээр өөхлөлт үүсэхээс сэргийлнэ. Хамгийн гол нь, яаж ч боловсруулж идэхэд ялгаагүй ашигтай байдаг. Тиймээс чанаж, жигнэхээс гадна түүхийгээр нь идсэн ч болно.

Сагамхай загас

Цагаан загас бол дэглэм барьдаг хүмүүсийн хоол. Тэдгээрээс хүний биед хамгийн ашигтай нь сагамхай загас юм. Төрөл бүрийн амин дэм, ашигт элементээр баялаг учраас дархлааг сайжруулж, эд эрхтний ажиллагааг тэнцвэржүүлж өгнө.