Египетэд пирамидыг, Парист Эйфелийн цамхагийг үзэлгүй өнгөрнө гэдэг төсөөлөхийн аргагүй шүү дээ. Хэрэв таны төсөв хязгаарлагдмал бус бол өөрийгөө дараах газруудаар аялуулж баярлуулах боломжтой.
Ингээд танд дэлхийн хамгийн үнэтэй аялалуудын жагсаалтыг хүргэе.
Сансар луу нисэх – 55 600 000 000 төгрөг
Энэхүү аялал нь ойролцоогоор 10 хоног үргэлжилнэ, үүний 6 хоногт нь та ОУСС (Олон Улсын Сансрын Станц)-аар зочлох болно. Сургалт, бэлтгэл, авч явах ачаа зэрэг нь бүгд зардалд багтана. Задгай сансарт гарахын тулд нэмэлт мөнгө төлөх шаардлагатай болно.
Сөнөөгч онгоцоор агаар мандлаар нисэх – 34 400 000 төгрөг
Тийрэлтэт сөнөөгч онгоцоор 45 минут нисэх мартагдашгүй аялал байх болно. Та дууны хурдаар дэлхийгээс дээш 18 км өндөрт нисээд 4 минут орчин тойрноо харах болно. Хэрэв та хангалттай зоригтой бол жолооны ард ч суух боломжтой юм шүү.
Швейцарийн ойд ан хийх – 11 600 000 төгрөг
Өвөл нь зэрлэг гахай, зун нь шувуу агнах боломжтой. Ан хийх тусгай зөвшөөрөл, гарын авлага, байрлах газар зэргийг аялалын зардалд оруулсан байгаа. Түрээсийн тоног төхөөрөмж болон ангийн хувцасанд мөнгө нэмж төлөх хэрэгтэй болно.
Нисдэг тэргээр Израилиар аялах – 8 550 000 төгрөг
Нисэх онгоцны буудлаас эхлэн малтлагын дээгүүр хэд хэдэн тойрог, Иордан, Шинэ болон Хуучин хот, Мунтар уулсын дээгүүр, Сөнөсөн тэнгисийн зарим хэсгээр аялах боломжтой. Мөн үзэсгэлэнт толгодын дунд хоол идэж цай уух боломжтой юм байна.
Жингүйдлийн нислэг – 7 500 000 төгрөг
Энэхүү 2 хоногийн аялалаар та 250 секундийн турш жингүйдлийн байдалд байх болно. Үлдсэн хугацаанд нь таны биеийг шалгаж, зааварчилгаа өгч, таныг урамшуулан онгоцны буудал руу хүргэх болно. Онгоц хэвтээ нислэгээс огцом өгсөх эсвэл уруудах үед та 20 секунд агаарт тогтох юм байна. Ингээд нийт 10 удаа давтагдана.
Швейцарийн уулсын хөндийгөөр аялах – 4 940 000 төгрөг
Тусгай спорт машины жолооны ард суугаад дэлхийн хамгийн сайхан замаар явах гайхалтай аялал юм. Швейцарийн уулын замууд таныг хүлээж байгаа шүү!
Нохой хөлөглөсөн чаргатай аялал – 2 933 000 төгрөг
Нүдний шил, бээлий, ороолтоо аваад л замдаа гарахад бэлэн. Таны мэлмийг Швейцарийн өргөн уудам Альпийн нурууд баясгах болно. Та эрч хүчээр дүүрэн ноход болон зэрлэг байгалтай ойртон дотносох болно.
Шоронд хонох – 2 800 000 төгрөг
Та шоронд орвол юу мэдэрнэ гэж бодож байна? Өдрийн турш та эрх чөлөөг мэдэрч хүссэн бүхнээ хийх боловч орой нь та шоронгийн бодит амьдрал дээр эргэн ирэх болно. За тэгээд, та бэлэн үү?
Карачаар зугаалах морьтой аялал – 2 350 000 төгрөг
Үзэсгэлэнт уулын нуга, мөнх цаст уулын саарал орой, эгц шулуун боржин хад болон цэвэр агаар – та цэвэр цусны Араб адуун дээр мордон энэ бүгдийг зургаан цагийн турш үргэлжлэх аялалаар харах боломжтой юм байна.
Зэрлэг байгалийн халимнууд – 2 280 000 төгрөг
Бүгд Найрамдах Доминиканы хамгийн ядуу аймгаар аялах. Нэгдүгээр сараас гуравдугаар сар хүртэл халимны улирал болдог бөгөөд эдгээр сүрлэг амьтдыг та таван метрийн зайнаас ажиглах боломжтой ажээ. Далдуу мод, усан онгоц, халим гэсэн аялалын дарааллаар яваад буцаж ирэхэд нийт 12 цаг зарцуулах юм байна.
Togoldor Bayrtsolmon
2015/08/15 at 18:03
shoron honox :)
Dashka Defjam
2015/08/15 at 18:18
shiwtsariin uulsiin hundiguur mashintai aylwalch ….
Jumper
2015/08/16 at 12:54
Military Udahgui garah gej bgaa USA nuuts ongots boloh F-22 urgejlel F-24 Lightning geer nisch uzhiimsan
Зочин
2015/08/16 at 15:16
Saran deer ochood ooriinhoo gariin usgiig zuraad irwel nissench yahaw daanch 55.600.0000.000 arai l denduu untei ymaa shine holog zahialgaar hiilguuleed sarluu ywj bga ymshig
Зочин???
2015/11/07 at 14:57
Ene mongol mongoor yumuu dollaraar yumuu