Улс орнуудын цэргүүд ямар хоол хүнс хэрэглэдэг вэ?

Пруссын хаан I Фридрих Вильгельм “Дайн дайнаараа, харин хоол хувиараараа” гэж хэлсэн байдаг. Иргэдийн сэтгэлийг тайван байлгаж, улс эх орныхоо тусгаар тогтнолыг хамгаалж буй улс орон бүрийн цэргүүд юу идэж уудаг талаарх мэдээллийг хүргэе.

Израиль

Офицер, жирийи цэргүүд өөр өөр газар хооллодог хэдий ч тэдний хоолны дэглэм ялгагдах зүйлгүй байдаг гэнэ. Зөвхөн шумбагч онгоцны цэрэг, усан цэрэг, нисгэгчдийн хоол л өөр байдаг, учир нь тэдэнд зориулж илчлэг өндөртэй хоол хүнс бэлтгэдэг. Мэдээж хэрэг цагаан хоолтнуудыг мартаж болохгүй. Тэдэнд зориулан уургаар баялаг ургамлын хоол хүнс өгдөг юм.

Мэдээж хэрэг Израильд нөөшилсөн хоол өгдөг бөгөөд махан болон сүүн гэж хоолоо ялгаж тавьдаг. Ер нь өглөөний цайнд омлет, йогурт, салат, кофегоор ихэвчлэн үйлчилдэг. Бүх хоол нь шинэхэн гэдгийг дурьдах шаардлагагүй гэж бодож байна.

Салатаа өөр кафе, зоогийн газраас сонгож болох юм.

Үдийн хоолонд махан хоол өгдөг ба түүнчлэн тусдаа цагаан хоолтны цэс байдаг гэнэ. Маханд үхэр болон тахианы махнаас сонгодог бөгөөд төрөл бүрийн хачираас сонгох боломжтой. Сонирхуулахад энд олон янзын жимс, ногооны шүүс их байдаг байна.

Израилийн армийн санхүүжилт сүүлийн жилүүдэд тав дахин нэмэгдсэн байна. Үүнээс үүдэн цэргийн тогооч нарын тоо буурч, армийнханд янз бүрийн цэс санал болгож чадахуйц хоолны томоохон компаниудтай ажиллаж байгаа гэнэ. Энэ улсын хэмжээ том биш тул хээрийн гал тогоо байх нь утгагүй хэрэг юм.

Энэтхэг

Харамсалтай нь Энэтхэгт газар авсан авилгал нь улс орны олон үндэстний цэргийн нөхцөл байдалд муугаар нөлөөлсөн байна. Цэргийн хоолонд хугацаа нь дууссан бүтээгдэхүүн хэрэглэх нь их байдаг гэнэ.

Энэтхэгийн цэргүүд даруухан бөгөөд тэд ямар ч хоолыг гололгүй иддэг гэнэ. Өглөөний цайнд нэг том бин, халуун цайтай өгнө. Заримдаа өглөө цэргүүдэд хулуу өгдөг байна.

Үдийн цай нь халуун хоолноос бүрдэнэ: бин, ястай махан хуурга, вандуйны зутан шөл, тахианы махтай хоол өгнө.

Оройн хоолонд амттан өгөлгүй үдийн цайтай адил хоол өгдөг.

Өмнөд Солонгос

Израилийн армийнхтай адил командлагч болон жирийн цэрэг адил хоол иднэ. Офицеруудын ганц давуу эрх нь дараалал хүлээлгүй хоолоо авах боломж юм.

Өмнөд Солонгосын цэргийн армийн хоолонд үргэлж цагаан будаа, шөл, зууш байдаг. Тэр ч байтугай цэргүүд загас болон Европ хоолны цэснээс сонголт хийх боломжой.

Үйлчилгээ нь яг л жирийн иргэдийн хооллодог газар шиг байдаг. Офицер эсвэл цэрэг хоолны газрын ажилтан дээр очоод подносон дээрээ будаа, шөл гэх мэтийг хийлгүүлнэ, харин хачир зуушаа өөрөө сонгох боломжтой.

Франц

Францын армийн цэргүүдийг нарийн хоолонд дуртай хүмүүс гэж хэлж болно, учир нь цэрэг, офицеруудад санал болгож буй цэс нь маш олон төрөл байдаг. Мөн цэрэг, офицеруудын хоол ялгаатай байдаг.

Жирийн цэрэг дараах хоолыг иднэ. Зуушинд: чанасан манжин, луувантай ногооны салат, оливийн тостой хүйтэн загас, нухаш. Хоёр дахь нь сонголтоороо: шош болон соустай үхрийн мах, төмстэй шарсан тахиа, будаатай гахай. Амттанд: жимс эсвэл гүзээлзгэний моусс. Мэдээж ямар ч хоолонд бяслаг дагалдах ба эрдэс ус, содтой устай өгнө.

Офицеруудад хэд дахин сонголт ихтэй цэс олгоно.

Маневрийн үеэр цэрэг, офицерууд хамтдаа идэж, тэдний хоол хүнсийг төрөөс бүрэн даадаг байна.

Нэг хүнд өгөх хувь: салаттай үхрийн мах, сэвэгтэй тулуз хиам, үрж нунтагласан ногоотой шөл, лаазалсан туна, шоколад, чанамал, найруулдаг кофе, жигнэмэг, мөсөн чихэр, элсэн чихэр ноогдоно.

АНУ

АНУ-ын армийн цэргүүдийн хоолыг цэрэг тоног төхөөрөмжийн судалгааны төвийхөн анхаардаг байна. Америкийн цэрэг болон офицерууд нэг газар, адил хоол иддэг.

Хоолны газрын цэс нь маш олон төрөл байдаг. Америкийн Зэвсэгт хүчинд ямар ч мэргэжилтэй, ямар ч өнгийн арьстай хүнтэй таарах болно. Тогооч нар нь нөөшилсөн эсвэл цагаан хоол санал болгох л үүрэгтэй байдаг.

Сүүлийн үед Америкт эрүүл хоол хүнс хэрэглэх чиг хандлага бий болоод байгаа ажээ. Цэсэнд хоол бүрийн илчлэгийг заасан байдаг.

Ихэвчлэн өглөөний цайнд шүүс, шинэхэн жимс, омлет, үр тариа, утсан гахайн мах болон нарийн боов орно. Үдийн болон оройн хоолонд 2 төрлийн шөлнөөс сонгоно, хоёроос дөрвөн үндсэн хоол байна: үүнд өөх тос багатай ч хангалттай илчлэгтэй, салат, ногоо, мөн наад зах нь дөрвөн төрлийн амттан байна.

Орос

Одоогийн байдлаар бараг бүх цэргийн алба дотроо “буфет” ажиллуулж байгаа бөгөөд хоолыг зөвхөн уригдсан тогооч нар бэлтгэдэг.

Цэргүүдийн үдийн хоолонд 2 төрлийн бэлэн салат, хоёр шөл, 3 халуун хоол, хэд хэдэн хачир, цай эсвэл шүүс өгнө. Цэргүүд өөрсдийн хүссэн хоолоо сонгох боломжтой байдаг.

Европын бусад орнуудтай харьцуулахад Оросын үндсэн хоолны илчлэг нь (4374 ккал ) өндөр байдаг. Францын цэргийн хүчний хоол нь 3875 ккал байдаг гэнэ.

Оросод цэс нь улирал болон цэргийн хүслээс хамааран өөрчлөгдөнө. Цэргүүдэд хамгийн ихээр гурвалжин будаатай котлет, банш, хиам таалагддаг байна. Эдгээр нэрлэсэн хоолыг 7 хоногт 2 удаа бэлтгэдэг. Одоо үед жижүүр нь хоолны шаардлага болон стандартыг хангасан байгаа эсэхэд хяналт тавьдаг болжээ.

Одоо тогоочтой болсон тул цэргүүд хоол хийхдээ ахнаарах шаардалагагүй болж өөрсдийн албанд л бүрэн анхаарах боломж гарчээ. Түүнчлэн мэргэжилтнүүдийн бэлтгэгдсэн амттай янз бүрийн хоолыг идэх боломжтой.

Энэ оны дундуур Оросын цэргийн бүх хэсэгт хоолоо хүлээн авсан цэргийн хурууны хээг авах системийг бий болгосон. Бусад улс орнуудад ийм системийн аналог байхгүй бөгөөд энэ систем нь жилд 3,5 тэрбум хүртэлх рубль хэмнэхэд туслах ёстой юм. Энэ систем нь амжилт олсон уу эсвэл зүгээр л цаасан дээрээ үлдэв үү.

3

Гайхмаар

0

Гоё

0

Ха Ха

0

Хөөрхөн

0

Бахархмаар

0

Харамсалтай

0

Тэнэглэл

0

Буруу

Баярлалаа!