Эртний эд зүйлс олж баяжсан азтай хүмүүс

Санаандгүй байдлаар ховор үнэт эдлэл олж баяжсан 10 азтаныг танилцуулж байна.

1869 оны “Cincinnati Red Stocking” бейсболын клубын гэрэл зургийг зоориноосоо санаандгүй олж 75,285 доллараар заржээ.

Гэрийнхээ засвараар угаалгын өрөөний ханыг нурааж байгаад их хямралын үеийн гүйлгээнд байсан 182,000 долларыг олжээ. АНУ-д 30-40-өөд оны үеийн мөнгийг солиулж болдог тул олзны хөрөнгөө солиулаад авсан байна.

Хаягдсан байшинг сонирхож яваад 200,000 доллараар үнэлэгдэх зоос олжээ.

Британид ямар ч хамаагүй эртний эдлэлийг мэргэжилтнүүд үнэлдэг “Antiques Roadshow” ТВ-ийн шоу байдаг бөгөөд заримдаа үнэхээр үнэ хүрэх эд зүйлс байдаг байна. Тухайлбал, Клиффорд Стиллийн зургийг 500,000 доллараар үнэлжээ.

Тус шоуны үеэр танилцуулсан бас нэгэн эртний эдлэл бол Цяньлун (1736-1795) эзэнт гүрний үеийн хашаар хийсэн 4 эд зүйл байлаа. Мэргэжилтнүүд 1,07 сая доллар хүрнэ гэж мэдэгджээ.

30-хан доллараар худалдан авч байсан ураг зураг нь Америкийн зураач Мартин Жонсон Хедагийн “Magnolias on Gold Velvet Cloth”хэмээх уран бүтээл байжээ. Дуудлага худалдаагаар 1.2 сая доллараар зарсан байна.

АНУ-ын Висконсин хотын нэгэн гэр бүл Ван Гогийн уран бүтээлийн хуулбарыг худалдан авсан гэж ойлгож байтал 1886 оны “Ваартай улаан намуу цэцэг” зургийн эх хувь нь байжээ. Зургийг дуудлага худалдаагаар 1.4 сая доллараар худалдсан байна.

АНУ-ын Тусгаар тогтнолын тунхаг бичгийн хуулбарыг 4-хөн доллараар нэгэн бэлэг дурсгалын дэлгүүрээс худалдан авсан нь 1776 оны 24 эх хувиас үлдсэний нэг нь байжээ. Эх хувь яаж яваад бэлэг дурсгалын дэлгүүрийн лангуун дээр очсоныг хэн ч мэдээгүй бөгөөд дуудлага худалдаагаар 2,4 сая доллараар зарагджээ.

Жексон Поллакийн абстракт зургийг 1992 онд ачааны машины жолооч Тери Хортон ердөө 5 доллараар худалдан авч байжээ. Жолооч чухам ямар зураг болохыг мэдэхийг хүссэн бөгөөд энэ хүсэлдээ ч хүрчээ. “Gallery Delisle” гэх Канадын галерей зургийг 50 сая доллараар худалдан авсан байна. Тери ярилцлага өгөхдөө: “50 сая хүрнэ гэж зүүдлээ ч үгүй. Ердөө 5-хан долларын үнэтэй зураг. Зураг бол аймшиг” гэжээ.

Микеланжелогийн “Пьета” зураг АНУ-ын Баффало хотын нэгэн байшингийн диваны ард 27 жил хэвтсэн гээд бодохоор итгэмээргүй. Нэгэн удаа теннисний бөмбөгөөр зургийг цохисон тул гэмтлээс сэргийлж зургийг боож баглаад диваны ард тавьжээ. Ингээд л зургийг хэдэн арван жил мартсан хэрэг. Уг зураг эх хувь болохыг нь шинжээчид нотолсон бөгөөд 300,000,000 сая доллараар үнэлжээ.

21

Гайхмаар

8

Хөөрхөн

2

Бахархмаар

2

Ха Ха

0

Гоё

0

Харамсалтай

0

Тэнэглэл

0

Буруу

Баярлалаа!