Энэ сарын эхний өдөр буюу 2013 оны 9-р сарын 1-ний өдрийн Ням гаригт Hybrid Mongolia Club-ын анхны уулзалт амжилттай болж өнгөрчээ. Энэхүү уулзалтыг зохион байгуулсан Hybrid Mongolia Club нь XXI зуунд дэлхий даяараа байгаль орчинд ээлтэй, эдийн засагт хэмнэлттэй hybrid машин сонгохыг илүүд үзэх болсон энэ цаг үед хүсэл сонирхол нэгтэй залуусыг нэгтгэж, хамтарсан үйл ажиллагаа явуулах зорилготойгоор байгуулагдсан ба маш олон залуус энэ клубт нэгдэж байна.
Hybrid Mongolia Club-ын анхны уулзалт амжилттай болжээ
Hybrid машинтай залуусын анхны уулзалтын үеэр залуусын хооронд тэмцээн уралдаанууд зохион байгуулагдаж, ижилхэн төмөр хөлөг хөлөглөдөг, ижил хүсэл сонирхолтой залуус хоорондоо танилцаж, үзэл бодол, дадлага туршлагаа хуваалцацгаасан ба дараа дараагийн уулзалтуудыг илүү өргөн хүрээнд, илүү үр дүнтэйгээр, нийгмийн сайн сайханд чиглэсэн олон үйл ажиллагаануудыг зохион байгуулахыг эрмэлзэж байгаагаа илэрхийлсэн хүмүүс олон байжээ. Hybrid Mongolia Club-ын анхны уулзалтын талаарх энэхүү фото мэдээлэлтэй танилцаж байгаа уншигчдын маань дунд hybrid машинтай боловч энэ клубын талаар мэдээлэл хараахан авч амжаагүй хүмүүс байгаа бол https://www.facebook.com/groups/hybridmongolia/ гэсэн Фейсбүүк хаягаар зочилж, клубын гишүүнээр элсэх боломжтой юм байна.
0
0
0
0
0
0
0
0