Нүдээрээ зурна гэж юуг хэлнэ вэ гэж нийтлэлийн маань гарчгийг уншсан хэн бүхэн гайхан тээнэгэлзэх бизээ. Хятадын зар сурталчилгааны агентлагийн бүтээлч найруулагч Graham Fink нүдээрээ зурах боломжийг олгосон программ бүтээжээ. Энэхүү программын хэт улаан мэдрэгчүүд нь нүдний хөдөлгөөнийг уншсанаар зураасан шугамуудыг үүсгэн зураг зурдаг байна.
Тэрээр хэлэхдээ энэ санаа түүнд их эрт орж ирсэн гэдгийг дурдсан ба “Урлагийн сургуульд байхад багш маань надад хэрвээ чи нүднийхээ шугамуудыг дагахгүй бол хэзээ ч зурж сурахгүй гэж хэлдэг байсан. Тэр үеэс л би энэ санааг хэрхэн бодит болгох вэ, хэрхэн гар оролцуулахгүйгээр зураг зурах вэ? гэж бодох болсон.” хэмээжээ.
Дэлхийн хамгийн бүтээлч найруулагчдын нэг хэмээгддэг Graham Fink нүдээрээ зурсан зургуудаасаа бүрдсэн “Drawing with my Eyes” нэртэй үзэсгэлэнгээ энэ 3-р сарын 9-нөөс 21-нийг хүртэл гаргасан байна.
Begu Bilgun Chuluuntsetseg
2015/03/24 at 11:04
Ядаргаатай техналоги байна