Хамгийн том шагналын сантай фото зургийн уралдааны дүн гарлаа

Apple брэндийн албан ёсны борлуулагч “Бодь Электроникс” компани болон Үндэсний Соёл Амралтын Хүрээлэн хамтран “Halloween” сэдэвт фото зургийн уралдааныг амжилттай зохион байгуулж өндөрлөлөө. Тус уралдаан нь хүүхэд залуусын чөлөөт цагийг зөв боловсон өнгөрүүлэх, фото зургаар дамжуулан тэдний хүсэл мөрөөдлийг нийгэмд сурталчилах зорилгоор 2011.10.17-2011.11.07-ны хооронд явагдсан байна. Шагнал гардуулах ёслолын үйл ажиллагаа 2011.11.25-ны өдөр Паркад байрлах Спорт Паб-д зохион байгуулагджээ. Нийт 300 гаруй оролцогчийн 1000 орчим бүтээлүүд ирсэнээс эхний шатанд шалгарсан фото зурагнуудыг сайтанд байрлуулж нийтэд танилцуулжээ. Эдгээрээс олны таашаалд хамгийн ихээр нийцсэн фото зурагны эзэд болох Б.Ганчөдөр iPod Shuffle-аар, С.Өнөболд паркаар 50000 төгрөгөөр үйлчлүүлэх эрхээр шагнуулсан байна.

Харин өөрийн авьяас чадвар, уран сэтгэмжээрээ бусдаас онцгойрсон оролцогч Э.Энхтулга “Оройн зоог” нэртэй бүтээлээрээ тэргүүн байр эзэлж дэлхийн хамгийн нимгэн нөүтбүүк MacBook Air-ийг гардан авлаа. Мөн хоёрдугаар байранд Ж.Батсайханы “We are strong together” фото зураг шалгарч паркаар 200000 төгрөгөөр үйлчлүүлэх эрхийн шагналын эзэн болсон байна.