Технологийн хөгжил, цөмийн энергийн судалгаан дахь дэвшлүүд нь ирээдүйд бид цөмийн дайн үзэх магадлалыг өсгөж байгаа. Тэр үед бидэнд хоргодох байр хэрэгтэй гэдэг нь гарцаагүй. Үүнд зарим нэг улс орнууд аль хэдийнээ бэлтгээд эхэлсний жишээ бол дараах хоргодох байр хэлбэрийн тансаг орон сууцнууд юм. АНУ дахь энэ сууцнууд Survival Condos хэмээн нэрлэгдсэн бөгөөд урьд нь Атлас пуужингийн хоолой байжээ.
2,7 метр зузаантай бетон хана нь цөмийн шулуун цохилтыг тэсвэрлэхээр бүтээгдсэн төдийгүй дээр нь байрлах бөмбөгөр орой нь 805 км/цагийн хурдтай хүчтэй салхинд ажрахгүй юм байна. Survival Condos-ын эзэмшигч Larry Hall хэлэхдээ энэ төсөлд 120 сая доллар зарцуулаад байгаа ба энэ санаа түүнд 9/11 үйл явдлын дараа төрсөн гэжээ. Аюулгүй байдлыг нэн тэргүүнд тавьсан уг сууцнуудын загвар цаашлаад тансаг, тав тухтай байхад чиглэж байгаа аж.
Сууц тус бүр өөрийн гэсэн цахилгааны эх үүсвэр, хамгийн багадаа 2000 тонн ус нөөцлөх боломжтой байхын дээр шүүлтүүрийн систем нь агаараас цөмийн, химийн, байгалийн хорт бодисуудыг цэвэрлэх юм байна. Энд мөн эмнэлгийн үйлчилгээний төв, хоол хүнс үйлдвэрлэх хэсэг байх ажээ. Түүнчлэн интернэт бүхий харилцаа холбооны төв, цаг уурын дижитал станцаас гадна спа, усан сан, биеийн тамирын заал, номын сан, сургалтын танхимууд, жижиглэн худалдааны дэлгүүр, кино театр хүртэл байх юм байна.
Нэг давхартаа 6-10 хүн эсвэл нэг давхрынхаа талд 3-5 хүн агуулж, нийтдээ 70 орчим хүнийг багтаах энэхүү хоргодох байрнууд 1 хүнийг 5 жилийн турш хангалттай тэжээж дөнгөх хөлдөөсөн хүнсээр хангагджээ. Зэвэрдэггүй ган төмөр хэрэгслүүд, ЛЕД гэрэлтүүлэг, жакуззи, 50 инчийн зурагтнуудаар тоноглогдсон энэ хоргодох байрнуудын анхны хоолой 2012 онд дахин шинэчлэгдэж дууссан бол хоёр дахь нь 2016 оны сүүлээр дуусах юм байна. Хэрвээ та бүтэн нэг давхрыг эзэмшин суух хүсэлтэй бол 3 сая доллар, нэг давхрын талыг эзэмших бол 1,5 сая доллар төлөх учиртай аж.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
Зочин
2015/02/21 at 23:19
zombinoos hamgaalah bolov uu