Хятадын ухаалаг гар утас үйлдвэрлэгч Vivo компани хамгийн сүүлд бүтээсэн X5Max загвар нь дэлхийн хамгийн нимгэн гар утас болж байгааг албан ёсоор мэдэгджээ. 4,75 мм-ийн зузаантай энэхүү ухаалаг гар утасны гадна биеийг зэвэрдэггүй ган төмрөөр хийж, дотоод эд ангийг ч мөн тэргүүн зэргийн материалаар хийсэн гэнэ. 6,9 мм-ийн зузаантай iPhone 6-тай харьцуулахад ер бусын нимгэн энэ ухаалаг гар утас 64bit Snapdragon CPU-тэй ба KitKat 4.4. үйлдлийн системийг дэмжиж ажилладаг байна. Мөн үйлдлийн системийг нь хамгийн сүүлийн үеийн Android 5.0 Lollipop хувилбар болгон сайжруулах боломжтой аж.
Vivo X5Max-д 5,5 инчийн Super AMOLED дэлгэц суурилуулсан нь 400ppi-д 1920 x 1080 хэмжээний нягтаршилыг санал болгожээ. Микро эсвэл нано SIM картын аль алиныг нь дэмжих хоёр SIM картны оролттой энэ гар утас онцгой нимгэн боловч 3,5 мм-ийн чихэвчний оролттой юм байна. Хятадад энэ сарын 12-нд 486 долларын үнээр худалдаанд гарсан дэлхийн хамгийн нимгэн гар утасны урд талын камер 5-megapixel f/2.4 бол ардаа 13-megapixel f/2.0 камертай.