Өнөө үед шинэ байр сууц барих нь үнэтэйг эс тооцсон ч орон зайн хувьд хязгаарлагдмал гэсэн асуудалтай тулгарах болсон. Түүнчлэн уламжлалт хэлбэр хэмжээ бүхий ердийн тоосгон эсвэл зуурмаган сууцанд амьдрахыг хүсдэггүй хүмүүс ч олон болжээ. Тэд хамгийн өвөрмөц, хамгийн онцгой содон сууцыг эрхэмлэдэг бөгөөд өөрсдийн хүссэн сууцыг бариулж, барьж суух нь элбэг. Тэдгээр өвөрмөц сэтгэлзүйтэй хүмүүсийн амьдардаг хамгийн ер бусын, онцгой жижигхэн сууцнуудыг сонирхуулъя.
1. Hemloft
Канадын Joel Allen-ы загварыг нь гаргасан өндөг хэлбэрийн энэ сууц модон дээр байрладаг. Бритиш Колумбын Вистлерийн ойролцоо байдаг энэ сууцныхаа яг хаана байрладгийг тэрээр хэнд ч мэдэгдээгүй. Учир нь Allen засгийн газраас үл хөдлөх хөрөнгө барих зөвшөөрөл аваагүй аж.
2. Мини хаус
Визуал арт дизайнер Michelle de la Vega-гийн энэ бяцхан сууц зочны өрөө, унтлагын өрөөтэй. Анх гарааш байсныг засаж энэ сууцыг бүтээжээ.
3. Уулын кабин
Үнсэн саарал өнгөтэй энэ сууц Австралийн Латернс суурингийн ойролцоо байрладаг. Амралтын түр сууц байдлаар ашиглагддаг энэ сууцнаас байгалийн үзэсгэлэнг тольдож болно.
4. Exbury Egg
Судалгааны станц, хөвөгч гэр хэлбэрээр ашиглагддаг энэ сууц зураач Stephen Turner-ын бүтээл бөгөөд Beaulieu гол дээр хөвөн байрладаг.
5. Ufogel
Австрийн уулын хажуу дээр байрлах энэ сууц тавилга хэрэгслээр бүрэн тоноглогдсоны дээр уулсын оргилыг харах боломжийг олгодог.
6. Le Nuage
Үүл гэсэн утгатай Le Nuage хэмээх нэртэй энэ сууц Франц дахь нэгэн нуурын эрэг дээр байрладаг. Амралтын зориулалттай, хүүхэлдэйн киноны үүл хэлбэрийн энэ сууц насанд хүрсэн хүмүүсийг хүүхэд насанд эргүүлэн аваачихын хамт насан туршийн нандин дурсамжийг үлдээнэ.
7. Pod House
ROB GmbH-ын барьсан энэ бяцхан сууцыг байнгын сууц, амралтын сууц болгон ашигладаг.
8. Цасан байшин
Santambrogio-гийн загварыг нь гаргасан Simplicity нэртэй энэхүү хөх өнгийн шилэн сууц бүхий л тавилгаар тоноглогдсон.
9. Port-A-Bach
Atelierworkshop Architects-ын энэхүү контайнер сууц нь аюулгүй байдал болон тогтвортой байдлыг хангана. Мөн ачааны машинд чирээд явах боломжтой.
10. Зөөврийн MiniMod
MAPA Architects-ын бүтээсэн энэхүү зөөврийн сууц нь ухаалаг, шинэлэг, тогтвортой сонголт. Ган төмөр их биеийн системийг захиалагчид өөрийн хүссэнээр тохижуулах боломжтой.
Erka Erka
2014/11/25 at 14:06
goy yaj hideg n bsan bol goy bhgui yu kkk