Хэрвээ супер баатрууд XVI зуунд төрсөн бол ямар харагдах байсан бол? Энэхүү асуултыг гэрэл зурагчин Sacha Goldberger өөртөө тавьсан бөгөөд Super Flemish нэртэй дараах хөгжилтэй шинэ цувралыг бүтээсэн байна. Энэхүү цувралд Darth Vader, Snow White, Hulk нарын бидний дуртай поп соёлын дүрүүд XVI зууны үеийн гар зургийг санагдуулам фламанд төрхийг олж авчээ.
Goldberger энэ төслөө жил хагасын хугацаанд бэлтгэж, 2 жилийн хугацаанд бэлэн болгосон байна. Нүүр будалт, үс засалт, тусгай эффект зэргийг хийхэд 12 хүний хүч хөдөлмөр шингэсэн ба 5 хувцасны дизайнер хувцсыг бүтээжээ. Зураг авалтын үе болон түүний өмнө маш их ажлыг хийх шаардлагатай болсон энэ төслийн хамгийн адармаатай дүр нь Joker-ын дүр байсан байна. Түүний нүүр будалтыг хийхэд 3 цаг шаардагджээ.