Хит кинонуудын хэнд ч танигдаагүй дараагийн ангиуд

Нийтлэгч: Жаргал

Огноо: 2014/11/15

Total1
1

Зарим киног үзэж байхад танд энэ кино ингэж дуусах ёсгүй байсан юм шиг санагддаг уу? Эсвэл үнэхээр ингэж дууссан байсан ч дахиад үргэлжлээсэй гэсэн бодол танд төрдөг үү? Тийм ээ, олон шилдэг кино, цувралуудад дараагийн ангиуд хийгдэхээр бүтээгддэг. Гэсэн ч зарим киноны дараагийн ангиуд нь олны анхааралд тэр ч бүү хэл жинхэнэ кино сонирхогчдын анхааралд ч тэр бүр хүрэлгүйгээр өнгөрсөн байх нь бий. Бидний сайн мэдэх дараах хит кинонуудын үргэлжлэл болсон дараагийн ангиуд хийгдсэн байдаг ч танигдалгүй, алдаршилгүй өнгөрсөн байна.

10. Legally Blonde 3

Legally Blonde цувралын гурав дахь анги Legally Blondes нэрээр бүтээгдсэн. Киноны өмнөх 2 ангид Elle Woods-ын дүрийг бүтээсэн Reese Witherspoon киноны продюсераар ажилласан ч кинонд огт гардаггүй. 2009 онд залуу үзэгчдэд зориулагдан гарсан энэ кино нэг их амжилт олоогүй юм.

9. Home Alone 4 ба 5

Macaulay Culkin-ы тоглосон өмнөх 2 ангиас нилээн сүүлд буюу 1997 онд Home Alone 3 гарсан ч төдийлэн алдаршаагүй байтал 2002 онд Home Alone 4: Taking Back the House, 2012 онд Home Alone: The Holiday Heist ангиуд гарсан. Гэвч энэ кинонуудыг үзсэн хүн ховор байх.

8. Mean Girls 2

Lindsay Lohan-ы тоглосон 2004 оны энэ кино ихэд алдаршсан ч 2011 онд гарсан дараагийн анги нь амжилт олоогүй.

7. Dr. Dolittle 3 – 5

1967 оны Doctor Dolittle мюзиклын дараагаар Eddie Murphy-гийн тоглосон 1998, 2001 онуудад гарсан кинонууд хит болсон. Түүний дараа 2006, 2008, 2009 онуудад гарсан ангиуд нь хэнд ч танигдалгүй өнгөрсөн.

6. I Know What You Did Last Summer sequels

Jennifer Love Hewitt, Sarah Michelle Gellar, Ryan Phillippe, Freddie Prinze Jr. нарын тоглосон 1997 оны энэ киноны үргэлжлэл жилийн дараа гарахад дээрх 4 жүжигчин дүрүүдээ дахин бүтээсэн. Харин 2006 онд гурав дахь анги гарсан ч хэн ч мэдэхгүй өнгөрсөн юм.

5. Son of the Mask

1994 оны The Mask кино гайхалтай амжилт олсон. 2005 онд гарсан ангийг бүтээгчид ч мөн тийм л зүйлийг хүлээж байсан байх.

4. Dirty Dancing 2

Jennifer Grey, Patrick Swayze нарын тоглосон 1987 оны Dirty Dancing киног хүн бүхэн мэднэ. Харин 2004 оны Dirty Dancing: Havana Nights нэртэй үргэлжлэлийг нь мэдэх хүн тэр бүр байхгүй л болов уу.

3. Return to Oz

L. Frank Baum-ын зохиолоос сэдэвлэсэн хэд хэдэн кино байдаг ч хамгийн их амжилт олсон нь 1939 оны The Wizard of Oz кино билээ. Түүний үргэлжлэл 46 жилийн дараа гарсан ч хүмүүст таашаагдаагүй.

2. Cruel Intentions 2 ба 3

Sarah Michele Gellar, Ryan Phillippe, Reese Witherspoon, Selma Blair нарын тоглосон ахлах сургуулийн насныхны драм Cruel Intentions маш алдартай кино. 2000 ба 2004 онуудад гарсан үргэлжлэлүүд нь харин үзэгчдэд төдийлэн хүрээгүй.