Нийслэлийн “ЖИЖИГ, ДУНД ҮЙЛДВЭРИЙГ ХӨГЖҮҮЛЭХ САН”-гийн зорилго нь үйлдвэрлэлийг нэмэгдүүлэх, ялангуяа байгаль орчинд ээлтэй үйлдвэрлэлийг дэмжих тэдгээрийн тоног төхөөрөмж, технологийн шинэчлэл, ажлын байрны орон тоог нэмэгдүүлэхэд чиглэсэн хөнгөлөлттэй зээлийг иргэддээ олгохоор ажилладаг бөгөөд арилжааны банкуудаас сонгон шалгаруулалт хийж, жижиг дунд үйлдвэрийг дэмжин ажилладаг Капитал банкийг сонгон Хамтран ажиллах гэрээнд гарын үсэг зурлаа.
Гэрээг үзэглэх үйл ажиллагаанд :
- Нийслэлийн жижиг дунд үйлдвэрийг хөгжүүлэх сангийн дарга, Нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ
- Капитал банкны Гүйцэтгэх захирал А.Ариунболд
- Нийслэлийн жижиг дунд үйлдвэрийг дэмжих сангийн нарийн бичгийн дарга, Нийслэлийн Жижиг Дунд үйлдвэрийг Дэмжих Төв /НӨҮГ/-ийн дарга Б.Одгэрэл
- Капитал банкны Хөрөнгийн удирдлагын газрын захирал Б.Янжин нар оролцлоо.
Монгол улсын хэмжээнд нийт 71 мянга гаруй аж ахуйн нэгж бүртгэлтэй байдгаас 55 мянга орчим нь идэвхитэй үйл ажиллагаа явуулдаг. Үүнээс 45 мянган аж ахуйн нэгж буюу 82 хувь нь жижиг, дунд үйлдвэрлэлийн салбарт багтдаг байна.
“Капитал банк” жижиг дунд бизнесийг дэмжих зорилгоор Монгол улсын засгийн газар, Олон улсын байгууллагуудтай хамтран жижиг дунд бизнес эрхлэгчдэд чиглэсэн 27 төсөл, хөтөлбөрийг салбар нэгжээрээ дамжуулан хэрэгжүүлээд байна.
Цаашид бид улс орны эдийн засгийн хөгжлийн гол хөшүүрэг болсон жижиг дунд үйлдвэрлэлийг бүс нутгийн хэмжээнд хөгжүүлэхэд чиглэсэн цогц төсөл, хөтөлбөрийг хэрэгжүүлэхэд Капитал банк дэмжин оролцох болно.
Жижиг, дунд үйлдвэрийг хамтдаа хөгжүүлье