Дрон буюу нисдэг хэрэгслүүд өдрөөс өдөрт түгээмэл болж, бид шинэ шинэ нээлтүүдтэй тасралтгүй танилцах болсон цаг үе иржээ. Өндөр үнэтэй алсын удирдлага бүхий нисдэг хэрэгслээс эхлээд жижиг радио удирдлагатай нисдэг тэрэг гээд хэрэглэгчийн боломжийн түвшин бүрт зориулагдсан олон арван хэрэгслүүдтэй бид танилцаж байна. Тэдгээрийн нэг нь Pico-Falcon хэмээн нэрлэгдсэн радио удирдлага бүхий шинэ нисдэг тэрэг юм.
Bandai компаний салбар CCP-гийн өнгөрсөн жил гаргасан Nano-Falcon-ы залгамжлагч энэхүү нисдэг тэрэг нь хуруун чинээ жижигхэн гэдгээрээ онцгой. Дэлхийн хамгийн жижигхэн энэхүү нисдэг тэрэгний 46 мм урт хэмжээтэй харьцуулахад түүний хэт улаан туяан удирдлага нь зэгсэн том харагдах аж.
Pico-Falcon-ы хос ротор тогтвортой байдлыг хангах ба уг төхөөрөмж өөрөө маш жижигхэн учир батерей нь ч мөн адил жижигхэн бүтээгдсэн учир 30 минут цэнэглэсний дараа ердөө 4 минут л нисэх боломжтой байгаа ажээ.
45 долларын үнэтэй бяцхан нисдэг тэрэг хөх, ногоон, улбар шар өнгөнүүдтэйгээр ирэх 12-р сарын 5-наас эхлэн Япон улсад худалдаалагдаж эхлэх юм байна.
Гайхмаар
Гоё
Ха Ха
Хөөрхөн
Бахархмаар
Харамсалтай
Тэнэглэл
Буруу
