Дэлхий даяар шуугиан тарьж байсан 8 ихэр хүүхэд өдгөө 14 насныхаа төрсөн өдрийг тэмдэглэж байна

Октомамын 8 хүүхэд 14 нас хүрлээ! Дэлхий дээр анх удаа амьд өсөж торниж буй 8 ихэр хүүхэд 14 насныхаа төрсөн өдрийг ээж Надя Сулеманы хамтаар тэмдэглэн өнгөрүүлжээ. Тэд төрсөн өдрөө Оринж дүүрэгт байрлах картингийн талбай дээр тэмдэглэн өнгөрүүлсэн байна.

Тэд 14 нас хүрлээ. Надя Сулеман найман ихэр хүүхдүүдээ нүүр бардам танилцуулах ажээ – Нарию, Исайю, Малию, Иеремию, Ноя, Иосию, Иону болон Макая – тэд бүгд нэг өдөр төрсөн өдрөө тэмдэглэнэ. 47 настай ганц бие ээж Октомам хочоороо илүү алдартай. Энэ удаад хүүхдүүдийнхээ төрсөн өдрийг Калифорни мужийн Оринж дүүрэгт картингийн талбай дээр тэмдэглэжээ. Машин унаж дуусгаад тэд пицца идэцгээсэн байна.

Алдартай ээжийнхээ дэргэд зогсох хүүхдүүд “ТӨРСӨН ӨДРИЙН МЭНД ХҮРГЭЕ” гэсэн алтан үсэгнүүд барьж гэрэл зургаа даруулав. Үүнээс гадна Октомам зургаан хүүхэдтэй, ингээд нийтдээ 14 хүүхдийн эх болж байгаа юм.

Сулеман найман ихэр хүүхдээ хараад зогсож байхдаа аз жаргалаар гэрэлтдэг.

Калфифорни мужийн Фуллертоноос гаралтай тэрээр хүүхдүүдтэйгээ тоглохоор картинг мөн унажээ.

Дараа нь тэдний гэр бүл пицца идэхээр явцгаав.

Лос-Анжелесийн оршин суугч анх 2009 онд алдаршиж байсан түүхтэй. Тэрээр найман ихэр хүүхэд гаргахаасаа өмнө 6 хүүхэдтэй байв.

2001 онд анхны хүүхэд болох хүүгээ төрүүлж, удалгүй 2002 онд анхны охиноо төрүүлжээ.

Сулеман үр шилжүүлэн суулгах ажилбарын тусламжтайгаар хүүхэдтэй болж байсан нь дахин гурван жирэмслэлтэд хүргэжээ. Ингээд 6 хүүхдийн эх болсон – дөрвөн хүү, хоёр охин. Дараа нь найман ихрээ өлгийдөн авсан юм.

Сулеман 14 хүүхдээ өгсөн хүмүүжүүлж байна. Тэд Калифорни мужийн Оринж-Кантрид гурван унтлагын өрөөтэй байшинд амьдардаг.

Өнгөрсөн жил ихрүүд 13 насныхаа төрсөн өдрийг тэмдэглэхэд ээж нь тэдэнд дараах байдлаар баяр хүргэжээ: “Та нар минь хамгийн сайхан сэтгэлтэй, хамгийн уян зөөлөн, даруухан бас бусдыг хайрлаж чаддаг хүүхдүүд болон өсөж байна. Та нар бүгд өөрийн гэсэн давтагдашгүй төрх, зан араншинтай, өөрийн насны бусад хүүхдүүдтэй адил төстэй зүйл та нарт байхгүй, ялангуяа одоогийн нийгэмд байгаа хүүхдүүдээс өөр. Би та нарын ээж болсондоо үгээр илэрхийлэхийн аргагүй баяртай явдаг шүү. Та нар бүгд миний амьдралыг гийгүүлж ирсэн, Бурхан та нарыг миний ивээлд илгээсэнд би өдөр болгон талархан залбирч явдаг. Та нарынхаа амьдралын суурийг зөв тавьж төлөвшүүлэх том үүргийг би хүлээжээ”.

Надя 14 хүүхэдтэй болохыг төлөвлөөгүй гэдгээ нэг биш удаа хэлж байлаа. Ийм олон хүүхэдтэй болох гээгүй, энэ бол эмчлэгч эмчийнх нь “алдаанаас” болсон гэжээ. 2008 оны 12 дугаар сард ганц бие ээжийг ихэртэй болоход нь эмч бэлдэж эхэлсэн гэдэг. Гэтэл 8 ихэр хүүхэд төржээ.

2009 онд бүсгүй 8 ихэр төрүүлжээ. Түүний хэлснээр эмч Майкл Камрава энэ тохиолдлоос хойш найман хүүхэдтэй болгосонд буруутгагдан эмчлэх эрхээ хураалгаж АНУ руу нүүсэн байна. “Эмч намайг төөрөгдөлд оруулсан” гэж Надя хэлдэг. Тэрээр өөрийгөө хоёр ихэр хүүхэдтэй болох төлөвлөгөөтэй байтал Камрава түүнд 12 өндгөн эс суулгасан гэжээ. “Эмч хэлэхдээ, бид зургаан өндгөн эсээ алдсан, тийм учраас дахин зургааг суулгах шаардлагатай” гэж Надя дурсан ярьжээ.

Бас өөр хувилбар ч яригддаг юм. Камравагийн найз Давид Шофетийн батлан хэлж байгаагаар бол эмэгтэй зориудаар бүх өндгөн эсийг үлдээсэн ажээ. “Бүх өндгөн эсийг үлдээхгүй байхыг эмч зөвлөсөн ч тэр эмэгтэй эсэргүүцсэн” гэжээ.

Сулеманы нэг охин Амера ээжийнхээ тухай зөвхөн сайн сайхныг л ярьдаг нэгэн: “Тэр бидний гэр бүлийн төлөө сүүлийн 10 жил тэмцэж байна. Тэр юуг ч үл тооно, тэр минь тэмцсээр л байгаа, хэзээ ч бууж өгөх бодолгүй. Би сайн мэдэж байна” гэжээ.

Түүний ах Жошуа ийм олуулаа байх нь өөрийн гэсэн давуу талтай гэжээ. Олон ах эгч, дүү нартай байхдаа дуртай гэв. “Зарим нэг найз нарт маань ах, эгч дүү байдаггүй. Тийм болохоор олуулаа ямар байдгийг тэд их сонирхож асуудаг. Заримдаа олуулаа бужигнахаар толгой эргэдэг ч гэлээ цугтаа тоглож цагийг зугаатай өнгөрүүлэх ах дүү нартай байх гоё” гэжээ.

47

Хөөрхөн

8

Бахархмаар

4

Тэнэглэл

4

Гайхмаар

3

Буруу

3

Гоё

2

Ха Ха

1

Харамсалтай

Баярлалаа!